Kerala Gold Rate: ഇനിയൊന്നും നോക്കേണ്ടാ പൊന്നിനെ വിട്ടേക്കൂ; ഇന്നത്തെ സ്വര്ണവില
One Pavan Gold Rate on September 12 Saturday: അമേരിക്കന് ട്രഷറി ബോണ്ട് യീല്ഡുകള് ഉയര്ന്നതോടെ സ്വര്ണവിലയ്ക്ക് മേലുള്ള സമ്മര്ദം തുടരുകയാണ്. വരും ദിവസങ്ങളില് സ്വര്ണവിലയുടെ ദിശ നിര്ണയിക്കുന്നതില് യുഎസ് ഫെഡറല് റിസര്വിന്റെ പലിശനിരക്ക് തീരുമാനവും പുതിയ ഡോട്ട് പ്ലോട്ടും നിര്ണായകമാകുമെന്നാണ് വിപണി വിലയിരുത്തല്. നിലവിലെ സാഹചര്യത്തില് സ്വര്ണവിപണിയില് വലിയ ചാഞ്ചാട്ടത്തിനുള്ള സാധ്യതയും നിലനില്ക്കുന്നു.
സ്വര്ണം വാങ്ങാന് കാത്തിരുന്നവര്ക്ക് സന്തോഷവാര്ത്തയുമായാണ് സെപ്റ്റംബര് 11ന് രാവിലെയുള്ള നിരക്കെത്തിയത്. വിലയില് വന് ഇടിവ് സംഭവിച്ചെങ്കിലും മണിക്കൂറുകള്ക്കകം അത് തിരിച്ചുകയറി. അവസരം മുതലാക്കി ആഭരണം വാങ്ങാന് കാത്തിരുന്നവര്ക്ക് ഇത് വലിയ നിരാശയാണ് സമ്മാനിച്ചത്. സ്വര്ണവിലയില് അടുത്തകാലത്തൊന്നും വലിയ ഇടിവുണ്ടാകില്ലെന്ന സൂചന നല്കിക്കൊണ്ടായിരുന്നു കഴിഞ്ഞ ദിവസം ഉച്ചയ്ക്ക് ശേഷമുള്ള വിലയെത്തിയത്. വരും ദിവസങ്ങളിലും ഈ ട്രെന്ഡ് തുടരാന് തന്നെയാണ് സാധ്യത.
സ്വര്ണവില എന്തുകൊണ്ട് ഉയരുന്നു?
അമേരിക്കന് ട്രഷറി ബോണ്ട് യീല്ഡുകള് ഉയര്ന്നതോടെ സ്വര്ണവിലയ്ക്ക് മേലുള്ള സമ്മര്ദം തുടരുകയാണ്. വരും ദിവസങ്ങളില് സ്വര്ണവിലയുടെ ദിശ നിര്ണയിക്കുന്നതില് യുഎസ് ഫെഡറല് റിസര്വിന്റെ പലിശനിരക്ക് തീരുമാനവും പുതിയ ഡോട്ട് പ്ലോട്ടും നിര്ണായകമാകുമെന്നാണ് വിപണി വിലയിരുത്തല്. നിലവിലെ സാഹചര്യത്തില് സ്വര്ണവിപണിയില് വലിയ ചാഞ്ചാട്ടത്തിനുള്ള സാധ്യതയും നിലനില്ക്കുന്നു.
ആഴ്ചയുടെ തുടക്കത്തില് തന്നെ സ്വര്ണം സമ്മര്ദത്തിലായിരുന്നു. മിഡില് ഈസ്റ്റിലെ സംഘര്ഷം കൂടുതല് രൂക്ഷമായതിനെ തുടര്ന്ന് നിക്ഷേപകര് ജാഗ്രത പാലിച്ചതും സ്വര്ണത്തിന് തിരിച്ചടിയായി. വാരാന്ത്യത്തില് യുഎസ് സൈന്യം ഇറാനുമായി ബന്ധമുള്ള മൂന്ന് എണ്ണക്കപ്പലുകള്ക്ക് നേരെ ആക്രമണം നടത്തിയിരുന്നു. ഇതിന് പിന്നാലെ ഇറാന്റെ ഭാഗത്തുനിന്നും യുഎസുമായി ബന്ധമുള്ള കപ്പലുകള്ക്കെതിരെ നടപടിയുണ്ടായി. ഹോര്മുസ് കടലിടുക്കിലൂടെ കടന്നുപോകാന് ശ്രമിച്ച മൂന്ന് എണ്ണക്കപ്പലുകളും ഇതില് ഉള്പ്പെട്ടു.
ക്രൂഡ് ഓയില് വില ഉയര്ന്നതോടെ പണപ്പെരുപ്പത്തെക്കുറിച്ചുള്ള ആശങ്കകളും വര്ധിച്ചു. ഇതോടൊപ്പം മുന് ആഴ്ചയിലെ മികച്ച യുഎസ് തൊഴില് കണക്കുകളും ചേര്ന്നതോടെ സെപ്റ്റംബറില് ഫെഡ് പലിശനിരക്ക് ഉയര്ത്തിയേക്കുമെന്ന പ്രതീക്ഷ ശക്തമായി. പലിശനിരക്ക് ഉയരാനുള്ള സാധ്യത ഡോളറിനെ ശക്തിപ്പെടുത്തുന്നതിനാല് പലിശ നല്കാത്ത ആസ്തിയായ സ്വര്ണത്തിന് ഇത് സമ്മര്ദം സൃഷ്ടിച്ചു.
Also Read: Kerala Gold Rate: സ്വർണവില താഴേക്ക്, 1920 രൂപ കുറഞ്ഞു; ഇന്നത്തെ നിരക്ക്
ഓഗസ്റ്റിലെ യുഎസ് പ്രൊഡ്യൂസര് പ്രൈസ് ഇന്ഡക്സ് വാര്ഷിക അടിസ്ഥാനത്തില് 5.4 ശതമാനം ഉയര്ന്നതും വിപണിയെ സ്വാധീനിച്ചു. ജൂലൈയിലെ 4.8 ശതമാനത്തില് നിന്ന് പണപ്പെരുപ്പ സമ്മര്ദം വര്ധിച്ചതാണ് കണക്കുകള് സൂചിപ്പിച്ചത്. പ്രതീക്ഷിച്ച 5.3 ശതമാനത്തേക്കാള് ഉയര്ന്നതായിരുന്നു ഓഗസ്റ്റിലെ വര്ധന.
ഇതിനിടെ ക്രൂഡ് ഓയില് വിലയും ശക്തമായി ഉയര്ന്നു. വെസ്റ്റ് ടെക്സസ് ഇന്റര്മീഡിയറ്റ് എണ്ണവില മേയ് അവസാനത്തിന് ശേഷം ആദ്യമായി ബാരലിന് 100 ഡോളറിന് മുകളിലെത്തി. ഇതോടെ സെപ്റ്റംബറില് 25 ബേസിസ് പോയിന്റ് പലിശവര്ധനയ്ക്കുള്ള സാധ്യതയും ഉയര്ന്നു. ഉയര്ന്ന ബോണ്ട് യീല്ഡും ശക്തമായ ഡോളറും ചേര്ന്നതോടെ സ്വര്ണവില വീണ്ടും 4,400 ഡോളറിന് താഴെയെത്തി. നിലവില് വീണ്ടും കുതിക്കാനുള്ള ഒരുക്കത്തിലാണ് സ്വര്ണം.
English Summary
Kerala gold prices on September 12 are being closely watched as international gold prices rise again. The movement in global markets could influence gold rates in Kerala.
