Kerala Gold Rate: സ്വർണം വാങ്ങാൻ പ്ലാനുണ്ടോ, വില അൽപം പ്രശ്നമാ…

പ്രതീകാത്മക ചിത്രം

സംസ്ഥാനത്ത് സ്വർണവിലയിൽ ചാഞ്ചാട്ടം തുടരുന്നു. ഇന്നലെ പവന് 1,12,800 രൂപ നിരക്കിലായിരുന്നു വ്യാപാരം. എന്നാൽ ഇന്ന് വില കുറഞ്ഞിട്ടുണ്ട്. 1720 രൂപയാണ് കുറഞ്ഞത്. ഇതോടെ ഒരു പവൻ സ്വർണവില 1,11,080 രൂപയായി കുറഞ്ഞു.  വിപണിവില 1,11,080 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ വില വീണ്ടും ഉയരും. ​ഗ്രാമിന് 13,885 രൂപയാണ് നൽകേണ്ടത്. സ്വർണത്തോടൊപ്പം വെള്ളി വിലയിലും മാറ്റമുണ്ട്. ​ഗ്രാമിന് 265.10 രൂപയും കിലോ​ഗ്രാമിന് 2,65,100 രൂപയുമാണ് നൽകേണ്ടത്.

കഴിഞ്ഞ ദിവസം മാസത്തിലെ ഏറ്റവും ഉയർന്ന നിരക്കാണ് രേഖപ്പെടുത്തിയത്. ഏപ്രിൽ 7ന് 109880 രൂപയായിരുന്നു വില. എന്നാൽ, എട്ടാം തീയതി ഒറ്റയടിക്ക് 2,920 രൂപയാണ് കൂടിയത്. പശ്ചിമേഷ്യയിലെ സംഘർഷങ്ങളാണ് സ്വർണവിലയെ സ്വാധീനിക്കുന്നത്. യുഎസും ഇറാനും വെടിനിർത്തലിന് സമ്മതിച്ചതിന് തൊട്ട് പിന്നാലെയാണ് വീണ്ടും സ്വർണവില കുതിച്ചത്.

സ്വർണവില നിശ്ചയിക്കുന്നതിൽ ഡോളർ സൂചികയും നിർണായകമാണ്. ഡോളർ ദുർബലമായാൽ സ്വർണവിലയും ഉയരും. കൂടാതെ, അമേരിക്കൻ കേന്ദ്ര ബാങ്കായ ഫെഡറൽ റിസർവ് പലിശ നിരക്കിൽ വരുത്തുന്ന മാറ്റങ്ങളും ആ​ഗോള സാമ്പത്തിക അനിശ്ചിതത്വവും പണപ്പെരുപ്പവും സ്വർണവിലയെ സ്വാധീനിക്കുന്ന ഘടകങ്ങളാണ്.