Gold Rate: കുറച്ചതെല്ലാം കൂട്ടി സ്വർണം; രണ്ട് ലക്ഷം കടന്ന് വെള്ളിയും, ഇന്നത്തെ നിരക്ക് ഇങ്ങനെ..
Kerala Gold Silver Rate Today: യുഎസ് കേന്ദ്രബാങ്കായ ഫെഡറൽ റിസർവ് പ്രഖ്യാപിക്കുന്ന പണനയത്തിൽ അടിസ്ഥാന പലിശനിരക്ക് കാൽ ശതമാനം കുറയ്ക്കുമെന്നാണ് സൂചന. അങ്ങനെ സംഭവിച്ചാൽ സ്വർണത്തിന് നേട്ടമാകും.
കേരളത്തിൽ സ്വർണവിലയിൽ വീണ്ടും വർദ്ധനവ്. കഴിഞ്ഞ ദിവസം രണ്ട് തവണയാണ് വിലയിൽ മാറ്റം രേഖപ്പെടുത്തിയത്. രാവിലെ പവന് 95400 രൂപയായിരുന്നു വില. എന്നാൽ ഉച്ചയ്ക്ക് 480 രൂപയുടെ ഇടിവാണ് രേഖപ്പെടുത്തിയത്. ഇതോടെ സ്വർണവില 94,920 രൂപയായി കുറഞ്ഞു. ദിവസങ്ങളായി 95,000 നിലയിൽ ആശങ്കയായി നിന്നിരുന്ന വില വീണ്ടും 94,000ലേക്ക് താഴ്ന്നത് വലിയ പ്രതീക്ഷയാണ് നൽകിയത്.
രാജ്യാന്തര വിപണിയിൽ വില കുറഞ്ഞതും ഡോളറിനെതിരെ രൂപയുടെ മൂല്യം അൽപം മെച്ചപ്പെട്ടതുമാണ് സ്വർണവില താഴാൻ കാരണമായത്. എന്നാൽ ഇന്ന് കഥയാകെ മാറി. സ്വർണവില വീണ്ടും 95,000 കടന്നു. ഇന്ന് നടക്കുന്ന യുഎസ് ഫെഡ് മീറ്റിംഗിൻ്റെ തീരുമാനം വരുംദിവസങ്ങളിലെ സ്വർണവിലയുടെ ഗതിമാറ്റും.
യുഎസ് കേന്ദ്രബാങ്കായ ഫെഡറൽ റിസർവ് പ്രഖ്യാപിക്കുന്ന പണനയത്തിൽ അടിസ്ഥാന പലിശനിരക്ക് കാൽ ശതമാനം കുറയ്ക്കുമെന്നാണ് സൂചന. അങ്ങനെ സംഭവിച്ചാൽ സ്വർണത്തിന് നേട്ടമാകും. പലിശ താഴുന്നതിന് ആനുപാതികമായി യുഎസിലെ ബാങ്ക് പലിശനിരക്ക്, ട്രഷറി യീൽഡ് എന്നിവ കുറയുകയും ഡോളർ ദുർബലമാകും. ഇതോടെ സ്വർണവില കൂടും.
ഇന്നത്തെ സ്വർണം – വെള്ളി നിരക്ക്
സംസ്ഥാനത്ത് വീണ്ടും സ്വർണവില ഉയർന്നു. ഇന്ന് 640 രൂപയുടെ വർദ്ധനവാണ് രേഖപ്പെടുത്തിയത്. ഇതോടെ ഒരു പവൻ സ്വർണത്തിന്റെ വിപണി വില 95,560 രൂപയായി ഉയർന്നു. എന്നാലും മൂന്ന് ശതമാനം ജിഎസ്ടിയും അഞ്ച് ശതമാനം പണിക്കൂലിയും ചേരുമ്പോൾ വില ഒരു ലക്ഷം കടക്കുമെന്ന കാര്യത്തിൽ സംശയമില്ല,
ഒരു ഗ്രാമിന് 11,945 രൂപയാണ് വില. 18 കാരറ്റ് സ്വർണവില ഗ്രാമിന് 9,773 രൂപയായി. 24 കാരറ്റ് സ്വർണവില 13,031 രൂപയായും ഉയർന്നു. സ്വർണത്തോടൊപ്പം വെള്ളി വിലയും കുതിക്കുന്നുണ്ട്. കേരളത്തിൽ വെള്ളി വില രണ്ട് ലക്ഷം കടന്നു. വെള്ളിയുടെ ഇന്നത്തെ വില ഗ്രാമിന് 207 രൂപയും കിലോഗ്രാമിന് 2,07,000 രൂപയുമാണ്.
