പതഞ്ജലി പശുവിൻ നെയ്യ് കേസ്; ഫുഡ് സേഫ്റ്റി ട്രിബ്യൂണലിനെ സമീപിക്കാൻ ഒരുങ്ങി കമ്പനി

പതഞ്ജലിയുടെ പശുവിൻ നെയ്യ് നിലവാരമില്ലെന്നുള്ള റിപ്പോർട്ടുകൾക്ക് വിശദീകരണവുമായു യോഗ ഗുരു ബാബ രാംദേവ്. പശുവിൻ നെയ്യിൻ്റെ ഗുണനിലവാരം കർശനമായ പരിശോധനയ്ക്ക് ശേഷമാണ് വിൽപന നടത്തുന്നതെന്നും മാധ്യമ റിപ്പോർട്ടുകളും 2020 ഒക്ടോബർ 20ന് പിത്തോരഗഡിലെ ഭക്ഷ്യ സുരക്ഷ വകുപ്പ് രജിസ്റ്റർ ചെയ്ത കേസ് തെറ്റും നിയമവിരുദ്ധമാണെന്നും അറിയിച്ചുകൊണ്ടാണ് പതഞ്ജലി ഗ്രൂപ്പ് വിശദീകരണം നൽകിയിരിക്കുന്നത്. പതഞ്ജലിയുടെ പശുവിന് നെയ്യിൻ്റെ ഗുണനിലവാരം പരിശോധിച്ച ലബോറട്ടറിക്ക് എൻഎബിഎല്ലിൻ്റെ അംഗീകാരമില്ലെന്നും റഫറൽ അംഗീകാരം മാത്രമെ ഉള്ളൂയെന്നും പതഞ്ജലി വിശദീകരണം നൽകി. നിലവാരമില്ലാത്ത ഒരു ലബോറട്ടറി പതഞ്ജലിയുടെ ഏറ്റവും മികച്ച നിലവാരമുള്ള പശു നെയ്യിന് ഗുണനിലാവരമില്ലെന്ന് മുദ്രകുത്തുന്നത് അസംബന്ധവും അങ്ങേയറ്റം ആക്ഷേപകരവുമാണെന്ന് കമ്പനി അറിയിച്ചിരിക്കുന്നത്.

ഭക്ഷ്യസുരക്ഷ ട്രിബ്യൂണിലിന് സമീപിക്കാൻ ഒരുങ്ങി പതഞ്ജലി

സാമ്പിൾ പരാജയപ്പെട്ട മാനദണ്ഡങ്ങൾ അക്കാലത്ത് പോലും ബാധകമല്ലെന്നും അതിനാൽ അവ ഉപയോഗിക്കുന്നത് നിയമപരമായി തെറ്റാണെന്നും പതഞ്ജലി വാദിച്ചു. സാമ്പിളിന്റെ പുനഃപരിശോധനയെ കമ്പനി ചോദ്യം ചെയ്യുകയും പരിശോധന നടത്തുമ്പോൾ ഉൽപ്പന്നത്തിന്റെ കാലഹരണപ്പെട്ടതായി അവകാശപ്പെടുകയും ചെയ്തു. ഈ പ്രധാന വാദങ്ങൾ പരിഗണിക്കാതെയാണ് കോടതി പ്രതികൂല ഉത്തരവ് പുറപ്പെടുവിച്ചത്, ഇത് നിയമപരമായി ന്യായീകരിക്കപ്പെടുന്നില്ലെന്നും കമ്പനി പറഞ്ഞു. ഈ ഉത്തരവിനെതിരെ ഫുഡ് സേഫ്റ്റി ട്രിബ്യൂണലിൽ അപ്പീൽ ഫയൽ ചെയ്യുന്നുണ്ട്, തങ്ങളുടെ കേസിന്റെ ശക്തമായ അടിസ്ഥാനത്തിൽ ട്രിബ്യൂണൽ തങ്ങൾക്ക് അനുകൂലമായി വിധി പറയുമെന്ന് ഉറപ്പുണ്ടെന്ന് കമ്പനി വ്യക്തമാക്കി.

നെയ്യ് ദോഷകരമാണെന്ന് കോടതി പറഞ്ഞിട്ടില്ല

ഇതിനുപുറമെ പതഞ്ജലി പശു നെയ്യ് കഴിക്കുന്നത് ദോഷകരമാണെന്ന് ഉത്തരവിൽ ഒരിടത്തും പറഞ്ഞിട്ടില്ലെന്നും കമ്പനി പറഞ്ഞു. നെയ്യിൻ്റെ ആർഎം മൂല്യത്തിലെ സ്റ്റാൻഡേർഡിൽ നിന്ന് ചെറിയ വ്യത്യാസം മാത്രമേ പരാമർശിക്കൂവെന്നും കമ്പനി പറഞ്ഞു. നെയ്യിലെ ബാഷ്പീകരണ ഫാറ്റി ആസിഡുകളുടെ അളവിനെ ആർഎം മൂല്യം സൂചിപ്പിക്കുന്നു (നെയ്യ് ചൂടാക്കുമ്പോൾ ബാഷ്പീകരിക്കപ്പെടുന്നു). ഇത് ഒരു സ്വാഭാവിക പ്രക്രിയയാണ്, നെയ്യിൻ്റെ ഗുണനിലവാരത്തെ ബാധിക്കുന്നില്ല – മനുഷ്യശരീരത്തിലെ ഹീമോഗ്ലോബിനിൽ നേരിയ മാറ്റം സ്വാഭാവികമാണ്.