IAF Apprentice Recruitment: ഇന്ത്യൻ എയർഫോഴ്സിൽ അപ്രന്റീസാകാൻ അവസരം; എപ്പോൾ അപേക്ഷിക്കണം?

Iaf Apprentice Recruitment

ഇന്ത്യൻ വ്യോമസേനയിൽ (ഐഎഎഫ്) അപ്രന്റീസ് തസ്തികകളിലേക്കുള്ള നിയമനത്തിനുള്ള ഔദ്യോഗിക വിജ്ഞാപനം പ്രസിദ്ധീകരിച്ചു. താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾക്ക് ഐഎഎഫിൻ്റെ ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷ സമർപ്പിക്കാം. 17 മുതൽ 35 വയസ്സ് വരെയുള്ളവർക്കാണ് അപേക്ഷ സമർപ്പിക്കാനുള്ള അർഹത. ഈ മാസം 30 വരെയാണ് അപേക്ഷ സമർപ്പിക്കേണ്ടത്. 144 ഒഴിവുകളിലേക്കാണ് നിയമനം നടത്തുന്നത്.

ടേണർ – 10, മെഷിനിസ്റ്റ് – 08, മെഷിനിസ്റ്റ് (ഗ്രൈൻഡർ) – 06, ഷീറ്റ് മെറ്റൽ വർക്കർ – 02, വെൽഡർ (Gas & Electric) – 04, ഇലക്ട്രീഷ്യൻ (Aircraft) – 10, ഇലക്ട്രീഷ്യൻ – 04, ഇലക്ട്രോപ്ലേറ്റർ – 04, കാർപെന്റർ – 02 എന്നിങ്ങനെയാണ് ഓരോ മേഖലയിലുമുള്ള ഒഴിവുകൾ. തിരഞ്ഞെടുക്കുന്ന ഉദ്യോ​ഗാർത്ഥികൾക്ക് പരിശീലന കാലയളവിൽ, പ്രതിമാസം 10,500 രൂപയാണ് സ്റ്റൈപ്പൻഡായി ലഭിക്കുക.

Also Read: നെറ്റ് പരീക്ഷയുടെ ഇന്റിമേഷൻ സ്ലിപ്പ് പുറത്തുവിട്ട് എന്‍ടിഎ; ഡൗണ്‍ലോഡ് ചെയ്യേണ്ടത് എങ്ങനെ?

അപേക്ഷകർ അംഗീകൃത ബോർഡിൽ നിന്ന് 10-ാം ക്ലാസും 12-ാം ക്ലാസും പാസായിരിക്കണം. NCVT/SCVT അംഗീകൃത സ്ഥാപനത്തിൽ നിന്ന് കുറഞ്ഞത് 40 ശതമാനം മാർക്കോടെ ഐടിഐ പാസായിരിക്കണം. ബന്ധപ്പെട്ട ട്രേഡിൽ ഐടിഐ യോഗ്യത നിർബന്ധമാണ്. എഴുത്തുപരീക്ഷ, അഭിമുഖം, രേഖ പരിശോധന എന്നിവയ്ക്ക് ശേഷമാകും അന്തിമ ലിസ്റ്റ് പുറത്തുവിടുക. കൂടുതൽ വിവരങ്ങൾക്ക് https://www.apprenticeshipindia.gov.in/ എന്ന വെബ്സൈറ്റ് സന്ദർശിക്കാവുന്നതാണ്.