Kerala PSC Notifications 2026: ട്രാവന്‍കൂര്‍ ടൈറ്റാനിയം പ്രോഡക്ട്‌സിലടക്കം അവസരം; ആറു തസ്തികകളില്‍ വിജ്ഞാപനവുമായി പിഎസ്‌സി
Kerala Public Service Commission Latest Notifications 2026: കേരള പബ്ലിക് സര്‍വീസ് കമ്മീഷന്‍ ആറു തസ്തികകളിലേക്ക് വിജ്ഞാപനം പ്രസിദ്ധീകരിക്കാന്‍ തീരുമാനിച്ചു. ജനറല്‍ റിക്രൂട്ട്‌മെന്റില്‍ ഒന്നും, എന്‍സിഎ റിക്രൂട്ട്‌മെന്റില്‍ അഞ്ചും വിജ്ഞാപനങ്ങളാണുള്ളത്. എല്ലാം സംസ്ഥാനതലത്തിലാണ്. ട്രാവന്‍കൂര്‍ ടൈറ്റാനിയം പ്രോഡക്ട്‌സ് ലിമിറ്റഡില്‍ അസിസ്റ്റന്റ് മാനേജര്‍ തസ്തികയിലാണ് ജനറല്‍ റിക്രൂട്ട്‌മെന്റിലെ ഏക വിജ്ഞാപനം.
Kerala Youth Congress Protest In Trivandrum
കേരള പിഎസ്‌സി ആറു തസ്തികകളിലേക്ക് വിജ്ഞാപനം പ്രസിദ്ധീകരിക്കാന്‍ തീരുമാനിച്ചു. ജനറല്‍ റിക്രൂട്ട്‌മെന്റില്‍ ഒന്നും, എന്‍സിഎ റിക്രൂട്ട്‌മെന്റില്‍ അഞ്ചും വിജ്ഞാപനങ്ങളാണുള്ളത്. എല്ലാം സംസ്ഥാനതലത്തിലാണ്. ട്രാവന്‍കൂര്‍ ടൈറ്റാനിയം പ്രോഡക്ട്‌സ് ലിമിറ്റഡില്‍ അസിസ്റ്റന്റ് മാനേജര്‍ തസ്തികയിലാണ് ജനറല്‍ റിക്രൂട്ട്‌മെന്റിലെ ഏക വിജ്ഞാപനം വരുന്നത്.
മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍, ആരോഗ്യ വകുപ്പില്‍ ഡെന്റല്‍ ഹൈജീനിസ്റ്റ് ഗ്രേഡ് 2, ചലച്ചിത്ര വികസന കോര്‍പ്പറേഷനില്‍ ഗാര്‍ഡ്, ഹാന്റക്‌സില്‍ സെയില്‍സ്മാന്‍/സെയില്‍സ്‌വിമണ്‍ ഗ്രേഡ് 2, വിവിധ കമ്പനി/കോര്‍പ്പറേഷന്‍/ബോര്‍ഡുകളില്‍ സെക്യൂരിറ്റി ഗാര്‍ഡ് എന്നീ വിജ്ഞാപനങ്ങളാണ് എന്‍സിഎ വിഭാഗത്തില്‍ പ്രസിദ്ധീകരിക്കുന്നത്.
മാര്‍ച്ച് 31 ആണ് അസാധാരണ ഗസറ്റ് തീയതി. ഏപ്രില്‍ 29 വരെ അപേക്ഷ സ്വീകരിക്കും. പിഎസ്‌സിയുടെ ഔദ്യോഗിക വെബ്‌സൈറ്റ് വഴിയാണ് അപേക്ഷിക്കേണ്ടത്. നോട്ടിഫിക്കേഷന്‍ പുറത്തുവിട്ടതിന് ശേഷം അത് ഉദ്യോഗാര്‍ത്ഥികളുടെ പ്രൊഫൈലില്‍ ലഭിക്കും. യോഗ്യത പരിശോധിച്ചതിന് ശേഷം പ്രൊഫൈലിലൂടെ അപേക്ഷിക്കാം.
അതേസമയം, വിവിധ തസ്തികകളിലേക്ക് അഭിമുഖം നടത്താനും മാര്‍ച്ച് 23-ന് ചേര്‍ന്ന കമ്മീഷന്‍ യോഗത്തില്‍ തീരുമാനമായി. ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ഹയര്‍ സെക്കന്‍ഡറി സ്‌കൂള്‍ ടീച്ചര്‍ ഉറുദു (പട്ടികജാതി), മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ റേഡിയോഡയഗ്നോസിസ് (എല്‍സി/എഐ) തസ്തികകളിലാണ് അഭിമുഖം നടത്തുന്നത്.
കേരള ഡ്രഗ്‌സ് കണ്‍ട്രോള്‍ വകുപ്പില്‍ മീഡിയ മേക്കര്‍, ആയുര്‍വേദ മെഡിക്കല്‍ വിദ്യാഭ്യാസ വകുപ്പില്‍ റിസര്‍ച്ച് അസിസ്റ്റന്റ് തുടങ്ങി എട്ട് തസ്തികകളില്‍ ചുരുക്കപ്പട്ടികയും, ഹൗസ്‌ഫെഡില്‍ ജൂനിയര്‍ ക്ലര്ഡക്ക്, കെഎസ്‌സിഎആര്‍ഡി ബാങ്കില്‍ അസിസ്റ്റന്റ് (വിശ്വകര്‍മ്മ) ഉള്‍പ്പെടെ നാല് തസ്തികകളില്‍ സാധ്യതാ പട്ടികയും പുറത്തുവിടാന്‍ തീരുമാനമായി.
