CBSE Class 10 Result 2026: സിബിഎസ്ഇ പത്താം ക്ലാസ് റിസള്ട്ട് നാളെയോ? വെബ്സൈറ്റുകള് മാത്രമല്ല, ആപ്പുകളിലൂടെയും ഫലമറിയാം
CBSE Class 10 Result 2026 Expected Soon: സിബിഎസ്ഇ പത്താം ക്ലാസ് റിസള്ട്ട് ഉടന് പ്രഖ്യാപിക്കും. ഈ മാസം തന്നെ ഫലം പ്രഖ്യാപിക്കാനാണ് സാധ്യത. നാളെ ഫലം പുറത്തുവിടുമെന്ന് ചില മാധ്യമങ്ങള് റിപ്പോര്ട്ട് ചെയ്തെങ്കിലും സിബിഎസ്ഇ ഇക്കാര്യം സ്ഥിരീകരിച്ചിട്ടില്ല. എന്നാണ് ഫലം പുറത്തുവിടുന്നതെന്നും ബോര്ഡ് വ്യക്തമാക്കിയിട്ടില്ല. ഏപ്രില് അവസാന വാരമോ, അതിന് മുമ്പോ റിസള്ട്ട് വരാനാണ് സാധ്യത.
സിബിഎസ്ഇ
Central Board of Secondary Education: സിബിഎസ്ഇ പത്താം ക്ലാസ് റിസള്ട്ട് ഉടന് പ്രഖ്യാപിക്കും. ഈ മാസം തന്നെ ഫലം പ്രഖ്യാപിക്കുമെന്നാണ് വിവരം. നാളെ (ഏപ്രില് 14) ഫലം പുറത്തുവിടുമെന്ന് ചില മാധ്യമങ്ങള് റിപ്പോര്ട്ട് ചെയ്തെങ്കിലും സിബിഎസ്ഇ ഇക്കാര്യം സ്ഥിരീകരിച്ചിട്ടില്ല. എന്നാണ് ഫലം പുറത്തുവിടുന്നതെന്നും സിബിഎസ്ഇ വ്യക്തമാക്കിയിട്ടില്ല. എന്തായാലും ഏപ്രില് അവസാന വാരമോ, അതിന് മുമ്പോ റിസള്ട്ട് വരാനാണ് സാധ്യത.
മെയ് മാസത്തിൽ നടത്താനിരിക്കുന്ന രണ്ടാം സെഷനുള്ള പരീക്ഷാ തീയതികൾ നിശ്ചയിക്കാൻ അതിന് മുമ്പ് റിസള്ട്ട് പുറത്തുവിടേണ്ടതുണ്ട്. ഇതാണ് ഇത്തവണ ഫലപ്രഖ്യാപനം നേരത്തെയുണ്ടാകുമെന്ന സൂചനകള് ശക്തമാക്കുന്നത്.
ഓൺ-സ്ക്രീൻ മാർക്കിങ്ങിന്റെ സഹായത്തോടെ, മൂല്യനിര്ണയം വേഗത്തില് തീര്ക്കാനാകുമെന്നാണ് പ്രതീക്ഷ. മെയ് രണ്ടാം വാരത്തിന് മുമ്പ് 12-ാം ക്ലാസ് ഫലങ്ങൾ പ്രതീക്ഷിക്കുന്നു. കഴിഞ്ഞ വർഷം, 10, 12 ക്ലാസുകളിലെ റിസള്ട്ടുകള് മെയ് 13-നാണ് പ്രഖ്യാപിച്ചത്.
നാളെ പ്രഖ്യാപിക്കുമോ?
ഫലപ്രഖ്യാപനം എന്നാണെന്ന് മുന്കൂട്ടി സ്ഥിരീകരിക്കുന്ന പതിവ് സിബിഎസ്ഇക്കുണ്ട്. എന്നാല് ഇതുവരെ തീയതി പ്രഖ്യാപിച്ചിട്ടില്ല. അതുകൊണ്ട് തന്നെ നാളെ ഫലം പ്രഖ്യാപിക്കാന് നേരിയ സാധ്യത മാത്രമാണുള്ളത്.
ഫെബ്രുവരി 17 മുതൽ മാർച്ച് 11 വരെയായിരുന്നു പത്താം ക്ലാസ് പരീക്ഷകള് നടത്തിയത്. cbseresults.nic.in, cbse.gov.in എന്നീ വെബ്സൈറ്റുകളില് ഫലം അറിയാം. വെബ്സൈറ്റുകളില് മാത്രമല്ല, ചില ആപ്പുകളിലും ഫലം അറിയാം.
ആപ്പുകളിലും ഫലം
വെബ്സൈറ്റുകളില് മാത്രമല്ല, ഡിജിലോക്കര് (results.digilocker.gov.in), ഉമാങ് (umang.gov.in) എന്നീ ആപ്പുകളിലും സിബിഎസ്ഇ ഫലം അറിയാം.
