Archana Suseelan: ഇവിടെ ഏത് വസ്ത്രം ധരിച്ചും പുറത്തിറങ്ങാം; സ്വാതന്ത്ര്യം ആസ്വദിച്ച് തുടങ്ങി; സീരിയൽ ഉപേക്ഷിച്ചശേഷമുള്ള അർച്ചനയുടെ മാറ്റം
Archana Suseelan: യുഎസ്സിൽ പോയശേഷം അതിന്റെ ആവശ്യമൊന്നും ഇല്ലെന്നാണ് നടി പറയുന്നത്. അമേരിക്കയിലെ കാലാവസ്ഥയും നല്ലതാണ് വിയർക്കുന്നില്ല. വെള്ളം, കാലവസ്ഥ എല്ലാം അവിടെ നല്ലതാണെന്നും അർച്ചന പറയുന്നു.
മലയാളികൾക്ക് ഏറെ സുപരിചിതയാണ് നടി അർച്ചന സുശീലൻ. സീരിയലുകളിലൂടെയാണ് അർച്ചനയെ മലയാളികൾ അറിഞ്ഞുതുടങ്ങിയത്. പിന്നീട് പതിനെട്ട് വർഷത്തോളം അഭിനയമേഖലയിൽ സജീവമായിരുന്നു. എന്നാൽ കഴിഞ്ഞ അഞ്ച് വർഷമായി അർച്ചന അഭിനയരംഗത്ത് സജീവമല്ല.
വിവാഹശേഷം ഭർത്താവ് പ്രവീണിനൊപ്പം അമേരിക്കയിൽ സ്ഥിരതാമസമാണ്. ഇപ്പോൾ ഇരുവർക്കും ഒരു മകനുണ്ട്. ജീവിതത്തിൽ കുടുംബിനി റോളിൽ തിളങ്ങുകയാണ് അർച്ചന. (Image Credits: Instagram)
ഇപ്പോഴിതാ സീരിയൽ വിട്ട് പോകേണ്ടിവന്നതിൽ നിരാശ തോന്നിയിട്ടുണ്ടോയെന്ന ചോദ്യത്തിന് അർച്ചന നൽകിയ മറുപടിയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ജിഞ്ചർ മീഡിയയ്ക്ക് നൽകിയ അഭിമുഖത്തിലായിരുന്നു നടിയുടെ പ്രതികരണം.
സീരിയൽ വിട്ട് യുഎസ്സിലേക്ക് പോയതിൽ താൻ വളരെ ഹാപ്പിയാണെന്നാണ് നടി പറയുന്നത്. കേരളത്തിലായിരിക്കുമ്പോൾ ജീവിതത്തിൽ പ്രൈവസി ഉണ്ടായിരുന്നില്ല. കേരളത്തിലായിരിക്കുമ്പോൾ പുറത്തേക്ക് ഇറങ്ങുമ്പോൾ നല്ല ഡ്രെസ് ധരിച്ച് നന്നായി ഒരുങ്ങി വേണം ഇറങ്ങാൻ.
താൻ ഒരുങ്ങി ഇറങ്ങിയില്ലെങ്കിൽ അമ്മ പോലും വഴക്ക് പറയുമായിരുന്നുവെന്നും എന്നാൽ യുഎസ്സിൽ പോയശേഷം അതിന്റെ ആവശ്യമൊന്നും ഇല്ലെന്നാണ് നടി പറയുന്നത്. അമേരിക്കയിലെ കാലാവസ്ഥയും നല്ലതാണ് വിയർക്കുന്നില്ല. വെള്ളം, കാലവസ്ഥ എല്ലാം അവിടെ നല്ലതാണെന്നും അർച്ചന പറയുന്നു.
