Vijay: വിജയ് ആരാധകർക്ക് ഇരട്ടി മധുരം; ഗോട്ടിന് മുന്നേ വിജയ്യുടെ മറ്റൊരു മാസ് ചിത്രം വീണ്ടും തീയറ്ററില്
താരത്തിന്റെ മറ്റൊരു ചിത്രം വീണ്ടും തീയറ്ററിൽ വീണ്ടും എത്താൻ പോകുന്നുവെന്ന റിപ്പോർട്ടാണ് പുതിയതായി എത്തുന്നത്. 2002ൽ പുറത്തിറങ്ങിയ ഭഗവതി എന്ന ചിത്രമാണ് റീ റിലീസിനു ഒരുങ്ങുന്നത്.
ലോകമെങ്ങുമുള്ള വിജയ് ആരാധകർക്ക് പ്രതീക്ഷയുടെയും കാത്തിരിപ്പിന്റെ ദിവസങ്ങളാണ് വരാൻ പോകുന്നത്. താരത്തിന്റെ പുതിയ ചിത്രമായ ദ ഗോട്ടിനായുള്ള കാത്തിരിപ്പിലാണ് ആരാധകർ. സെപ്തംബര് 5ന് ചിത്രം റിലീസാകുമെന്നാണ് വിവരം. കേരളത്തില് രാവിലെ 7 മണിക്കായിരിക്കും ആദ്യ ഷോ എത്തുന്നത്.
എന്നാൽ വിജയ് ആരാധകർക്ക് ഇനി ഇരട്ടി മധുരമാണ്. താരത്തിന്റെ മറ്റൊരു ചിത്രം വീണ്ടും തീയറ്ററിൽ വീണ്ടും എത്താൻ പോകുന്നുവെന്ന റിപ്പോർട്ടാണ് പുതിയതായി എത്തുന്നത്. 2002ൽ പുറത്തിറങ്ങിയ ഭഗവതി എന്ന ചിത്രമാണ് റീ റിലീസിനു ഒരുങ്ങുന്നത്.
ആഗസ്റ്റ് 30 നാണ് ചിത്രം വീണ്ടും തീയറ്ററിൽ എത്താൻ പോകുന്നത്.സിനിമയുടെ ഡിജിറ്റലി റീമാസ്റ്റർ ചെയ്ത പതിപ്പാണ് റിലീസ് ചെയ്യുന്നത്. ഗോട്ടിന്റെ റീ റിലീസിന് മുന്നേയുള്ള ഹൈപ്പ് മുതലാക്കുക എന്നതാണ് അണിയറപ്രവർത്തകരുടെ ഉദ്ദേശമെന്ന് ശ്രീധർ പിള്ള റിപ്പോർട്ട് ചെയ്യുന്നു.
എ വെങ്കടേഷ് സംവിധാനം ചെയ്ത ചിത്രമാണ് ഭഗവതി. ഗ്യാങ്സ്റ്റർ ആക്ഷൻ വിഭാഗത്തിൽ കഥ പറഞ്ഞ സിനിമയിൽ റീമ സെൻ ആയിരുന്നു നായികാ കഥാപാത്രത്തെ അവതരിപ്പിച്ചത്. ജയ്, വടിവേലു, ആശിഷ് വിദ്യാർത്ഥി തുടങ്ങിയവരാണ് സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്.
അതേസമയം യന്സ് ഫിക്ഷന് ആക്ഷണ് ഗണത്തില് പെടുന്ന ചിത്രമാണ് ദ ഗോട്ട്. അച്ഛനും മകനുമായി ഡബിൾ റോളിൽ ആണ് ചിത്രത്തില് ദളപതി എത്തുന്നത്. എജിഎസ് എന്റര്ടെയ്ന്മെന്റിന്റെ ബാനറിൽ കൽപാത്തി എസ് അഘോരം, കൽപാത്തി എസ് ഗണേഷ്, കൽപാത്തി എസ് സുരേഷ് എന്നിവർ ചേർന്നാണ് നിർമ്മിക്കുന്നത്.
യുവന് ശങ്കര് രാജയാണ് ചിത്രത്തിന് സംഗീതം ഒരുക്കിയിരിക്കുന്നത്. ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലനാണ് കേരളത്തിൽ വിതരണം ചെയ്യുന്നത് . റെക്കോര്ഡ് റിലീസ് ആണ് ഗോകുലം ചാര്ട്ട് ചെയ്യുന്നത്.
