Mindiyum Paranjum OTT : ഉണ്ണി മുകുന്ദൻ അപർണ ബാലമുരളി ചിത്രം ‘മിണ്ടിയും പറഞ്ഞും’ ഒടിടിയിലേക്ക്; എപ്പോൾ, എവിടെ കാണാം?

Mindiyum Paranjum Ott

ഉണ്ണി മുകുന്ദൻ അപർണ ബാലമുരളി ചിത്രമാണ് മിണ്ടിയും പറഞ്ഞും. ക്രിസ്മസ് റിലീസായി തിയറ്റിൽ എത്തിയ ചിത്രത്തിന് വേണ്ടത്ര ശ്രദ്ധ ബോക്സ്ഓഫീസിൽ നിന്നും സ്വന്തമാക്കാൻ സാധിച്ചില്ല. സിനിമ റിലീസായി 40 പിന്നിടുമ്പോൾ ഒടിടി റിലീസിനായി തയ്യാറെടുക്കുകയാണ്. ചിത്രത്തിൻ്റെ ഒടിടി റിലീസ് തീയതി പുറത്ത് വിട്ടിരിക്കുകയാണ് അണിയറപ്രവർത്തകർ.

സൺ ഗ്രൂപ്പിൻ്റെ ഒടിടി പ്ലാറ്റ്ഫോമായ സൺ നെക്സ്റ്റാണ് മിണ്ടിയും പറഞ്ഞും സിനിമയുടെ ഡിജിറ്റൽ അവകാശം സ്വന്തമാക്കിയിരിക്കുന്നത്. ചിത്രം ഫെബ്രുവരി ആറാം തീയതി മുതൽ സൺ നെക്സ്റ്റിലൂടെ സംപ്രേഷണം ചെയ്യുന്നതാണ്. അതേസമയം സിനിമയുടെ സാറ്റ്ലൈറ്റ് അവകാശത്തെ കുറിച്ചുള്ള മറ്റ് വിവരങ്ങൾ അണിയറപ്രവർത്തകർ പങ്കുവെച്ചിട്ടില്ല.

ALSO READ : This Week OTT Releases: സർവം മായ മുതൽ വാ വാത്തിയാർ വരെ; ഈ ആഴ്ചയിലെ ഒടിടി റിലീസുകൾ

ലൂക്ക, മാരിവില്ലിൻ ഗോപൂരങ്ങൾ എന്നീ സിനിമകളുടെ ഒരുക്കിയ അരുൺ ബോസാണ് മിണ്ടിയും പറഞ്ഞും സംവിധാനം ചെയ്തിരിക്കുന്നത്. അല്ലൻസ് മീഡിയയുടെയും ജാഗ്വർ സ്റ്റുഡിയോസിൻ്റെയും ബാനറിൽ സലീം അഹമ്മദാണ് ചിത്രം നിർമിച്ചിരിക്കുന്നത്. ഉണ്ണി മുകുന്ദനും അപർണയ്ക്കും പുറമെ ജാഫർ ഇടുക്കി, ജൂഡ് ആന്തണി ജോസഫ്, മാല പാർവതി, ഗീതി സംഗീത, സോഹൻ സീനുലാൽ, ആർ ജെ മുരുഗൻ, പ്രശാന്ത് മുരളി, ആതിര സുരേഷ്, ആർ ജെ വിജിത, ശിവ ഹരിഹരൻ എന്നിവരാണ് ചിത്രത്തിലെ മറ്റ് വേഷങ്ങൾ ചെയ്തിട്ടുള്ളത്. മൃദുൽ ജോർജും അരുൺ ബോസും ചേർന്നാണ് ചിത്രത്തിന് രചന. മധു അമ്പാട്ടാണ് ഛായാഗ്രാഹകൻ. കിരൺ ദാസാണ് എഡിറ്റർ.