L2 Empuraan: ബോക്സോഫീസിൻ്റെ തമ്പുരാനായി എമ്പുരാൻ; പ്രീസെയിൽ കളക്ഷൻ 60 കോടിയിലേക്ക്

എമ്പുരാൻ പ്രീസെയിൽ കളക്ഷൻ 60 കോടിയിലേക്ക്. മാർച്ച് 25 വൈകുന്നേരത്തെ കണക്കനുസരിച്ച് പ്രീസെയിലായി ഇതുവരെ എമ്പുരാൻ നേടിയത് 58 കോടി രൂപയാണ്. പൃഥ്വിരാജ് സുകുമാരൻ്റെ സംവിധാനത്തിലൊരുങ്ങുന്ന മോഹൻലാൽ ചിത്രം ഈ മാസം 27നാണ് തീയറ്ററുകളിലെത്തുക. പ്രീസെയിലായി മാത്രം 58 കോടി രൂപ നേടിയതിനാൽ ഏറ്റവും വേഗത്തിൽ 100 കോടി ക്ലബിലെത്തുന്ന മലയാളം സിനിമയായും എമ്പുരാൻ മാറും.

2019ൽ പുറത്തിറങ്ങിയ ലൂസിഫർ എന്ന സിനിമയുടെ രണ്ടാം ഭാഗമാണ് എമ്പുരാൻ. അതിലും വലിയ ക്യാൻവാസിലും ബജറ്റിലുമൊരുങ്ങുന്ന എമ്പുരാൻ്റെ പ്രീസെയിൽ കളക്ഷൻ ലോകവ്യാപകമായി 58 കോടി രൂപയാണെന്ന് നിർമ്മാതാക്കളായ ആശിർവാദ് സിനിമാസ് തന്നെ അറിയിച്ചിരുന്നു. 11 ലക്ഷം ടിക്കറ്റുകളാണ് ബുക്ക്‌ മൈ ഷോ ആപ്പിൽ ഇതുവരെ ബുക്ക് ചെയ്തത്. ഇതും റെക്കോർഡാണ്. ബുക്ക് മൈ ഷോയിലെ പ്രീസെയിൽ ടിക്കറ്റ് വില്പനയിൽ പുഷ്പ 2 ആണ് ഒന്നാമത്. 19 ലക്ഷം രൂപയായിരുന്നു പുഷ്പയ്ക്ക് ലഭിച്ചത്. 16 ലക്ഷത്തിലധികം നേടിയ വിജയ് ചിത്രം ലിയോ രണ്ടാമതുണ്ട്. മലയാളം സിനിമാ ചരിത്രത്തിലെ തന്നെ പ്രീസെയിൽ കളക്ഷൻ റെക്കോർഡുകളാണ് എമ്പുരാൻ തകർത്തത്. പ്രീസെയിൽ ആയി 50 കോടിയിലധികം നേടുന്ന ആദ്യ മലയാള സിനിമയാണ് എമ്പുരാൻ.

ഔദ്യോഗിക റിപ്പോർട്ടുകൾക്കപ്പുറം ലഭിക്കുന്ന കണക്കുകളിൽ എമ്പുരാൻ്റെ പ്രീസെയിൽ 60 കോടി കടന്നു എന്നും സൂചനകളുണ്ട്. ഏതാണ്ട് 65 കോടി രൂപ പ്രീസെയിലിൽ ലഭിച്ചു എന്നാണ് റിപ്പോർട്ടുകൾ.

ഇതും വായിക്കൂ

L2 Empuraan: ‘ഒരു പുറംതിരിഞ്ഞുള്ള പിക് ഇടോ ഒരു കാര്യം നോക്കാന്‍ ആയിരുന്നു’; റിക് യൂനിന്റെ ഫോട്ടോയ്ക്ക് താഴെയും എമ്പുരാനിലെ താരത്തെ അന്വേഷിച്ച് മലയാളികള്‍

L2 Empuraan: ‘ഷാരൂഖ് ഖാന്‍ പാവം അവര് ഒരു സീന്‍ നടിച്ചിട്ട് അത് കട്ട് പണ്ണികളഞ്ഞു’; ലാലേട്ടന്‍ നല്ല ഫോമിലാണ്‌

Prithviraj about Mohanlal: മികച്ച കുക്കാണ്, അദ്ദേഹം ഉണ്ടാക്കുന്ന ഭക്ഷണം വളരെ ഇഷ്ടം; മോഹന്‍ലാലിനെക്കുറിച്ച് പൃഥിരാജ്‌

L2: Empuraan: ആമിർഖാനോ? റിക്ക് യൂനോ?, എമ്പുരാനിലെ അജ്ഞാത വില്ലൻ, സോഷ്യൽ മീഡിയ കണ്ടെത്തിയ പേരുകൾ

ലൂസിഫർ സിനിമാ പരമ്പരയിലെ രണ്ടാം സിനിമയാണ് എമ്പുരാൻ പൃഥ്വിരാജ് സുകുമാരനാണ് സംവിധാനം ചെയ്തത്. മുരളി ഗോപിയാണ് സിനിമയുടെ തിരക്കഥയൊരുക്കിയത്. മൂന്ന് ഭാഗങ്ങളാണ് ലൂസിഫർ സിനിമാ പരമ്പരയിലുള്ളത്. ആദ്യ ഭാഗമായ ലൂസിഫർ 2019ൽ പുറത്തിറങ്ങിയിരുന്നു. ആദ്യ സിനിമയിൽ അഭിനയിച്ച പല താരങ്ങളും രണ്ടാം ഭാഗത്തിലുണ്ട്. ഇവർക്കൊപ്പം പുതിയ താരങ്ങളും എമ്പുരാനിൽ അഭിനയിക്കും.

Also Read: L2 Empuraan: പുറം തിരിഞ്ഞുനിൽക്കുന്നത് ആമിർ ഖാൻ തന്നെയോ?; വലിയ രഹസ്യം പുറത്തുവിടാനൊരുങ്ങി പ്രൊഡക്ഷൻ ഹൗസ്

ആശിർവാദ് സിനിമാസ്, ലൈക പ്രൊഡക്ഷൻസ്, ശ്രീ ഗോകുലം മൂവീസ് എന്നീ പ്രൊഡക്ഷൻ കമ്പനികളുടെ ബാനറിൽ ആന്റണി പെരുമ്പാവൂർ, സുഭാസ്ക്കരൻ, ഗോകുലം ഗോപാലൻ എന്നിവർ ചേർന്നാണ് സിനിമ നിർമ്മിച്ചിരിക്കുന്നത്. ദീപക് ദേവാണ് സിനിമയുടെ സംഗീതസംവിധാനം നിർവഹിച്ചിരിക്കുന്നത്. അഖിലേഖ് മോഹൻ എഡിറ്റിങ് നിർവഹിക്കുമ്പോൾ സുജിത് വാസുദേവാണ് ക്യാമറ കൈകാര്യം ചെയ്തിരിക്കുന്നത്. പൃഥ്വിരാജ്, മഞ്ജു വാര്യർ, ടൊവിനോ തോമസ്, സുരാജ് വെഞ്ഞാറമൂട്, ഇന്ദ്രജിത്ത്, സാനിയ അയ്യപ്പൻ, ശിവദ, തുടങ്ങിയവരും സിനിമയിൽ പ്രധാന വേഷങ്ങളിലെത്തും.