Anjali Nair: വോട്ടിംഗ് മെഷീനിൽ പേര് മാറ്റണം; NDA സ്ഥാനാർത്ഥി അഞ്ജലി നായർ ഇന്ന് വീണ്ടും ഹൈക്കോടതിയിലേക്ക്
Anjali Nair Name Change Controversy:അഞ്ജലി പി വി എന്ന ഔദ്യോഗികമായ നാമത്തിന് പകരം അഞ്ജലി നായർ എന്നാക്കണം എന്നാണ് സ്ഥാനാർത്ഥിയുടെ ആവശ്യം.നേരത്തെ ഹൈക്കോടതി ഇക്കാര്യം പരിഗണിക്കണമെന്ന് വാരണാധികാരിയോട് നിർദ്ദേശം നൽകിയിരുന്നെങ്കിലും അനുകൂലമായ നിലപാട് ഉണ്ടാവാത്ത സാഹചര്യത്തിലാണ് വീണ്ടും ഹൈക്കോടതിയിൽ എത്തുന്നത്....
വോട്ടിംഗ് മെഷീനിൽ നിന്നും പേരു മാറ്റണമെന്ന ആവശ്യവുമായി തൃപ്പൂണിത്തറയിലെ എൻഡിഎ സ്ഥാനാർത്ഥിയും നടിയുമായ അഞ്ജലി നായർ ഇന്ന് വീണ്ടും ഹൈക്കോടതിയെ സമീപിക്കും. അഞ്ജലി പി വി എന്ന ഔദ്യോഗികമായ നാമത്തിന് പകരം അഞ്ജലി നായർ എന്നാക്കണം എന്നാണ് സ്ഥാനാർത്ഥിയുടെ ആവശ്യം.
നേരത്തെ ഹൈക്കോടതി ഇക്കാര്യം പരിഗണിക്കണമെന്ന് വാരണാധികാരിയോട് നിർദ്ദേശം നൽകിയിരുന്നെങ്കിലും അനുകൂലമായ നിലപാട് ഉണ്ടാവാത്ത സാഹചര്യത്തിലാണ് വീണ്ടും ഹൈക്കോടതിയിൽ എത്തുന്നത്.
അതേസമയം നിയമസഭാ തിരഞ്ഞെടുപ്പിന്റെ പരസ്യപ്രചാരണങ്ങൾക്ക് അവസാനം കുറിക്കുന്ന കലാശക്കൊട്ട് നാളെയാണ്. എട്ടാം തീയതിയാണ് നിശബ്ദ പ്രചാരണം. പ്രചാരണങ്ങളുടെ ഭാഗമായി കേരളത്തിൽ എത്തിയ അമിത് ഷാ ക്രിസ്തുവിന്റെ അനുയായികൾ എൻഡിഎയ്ക്ക് വോട്ട് ചെയ്യണം എന്ന് ആഹ്വാനം ചെയ്തു.
ട്വീറ്റ് വായിക്കാം
ബാലറ്റ് നമ്പർ 5ൽ അഞ്ജലി പി വി, ചിഹ്നം ചക്ക #thrippunithura
അഞ്ജലി പി വി, തൃപ്പൂണിത്തുറ നിയോജകമണ്ഡലം സ്ഥാനാർത്ഥി. മാറാത്തത് മാറും കേരളം ഇനി വളരും! #thrippunithura #anjalipv #keralaelection2026 #twenty20party #election2026 pic.twitter.com/utWNHVMJOT
— Twenty20 Party (@PartyTwenty20) April 6, 2026
കേരളത്തിൽ എൻഡിഎ ഭരണത്തിൽ എത്തുകയാണെങ്കിൽ രണ്ടു വർഷത്തിനുള്ളിൽ എയിംസിന്റെ പണി തുടങ്ങുമെന്ന് അമിത് ഷാ അറിയിച്ചു. അമിത് ഷായുടെ നേതൃത്വത്തിലുള്ള പ്രചാരണ പരിപാടിയിൽ എറണാകുളം ജില്ലയിലെ ട്വന്റി20 സ്ഥാനാർത്ഥികൾ എല്ലാവരും പങ്കെടുത്തിരുന്നു.
ദൃശ്യത്തിൽ നിന്നും
മോഹൻലാൽ നായകനായെത്തിയ ദൃശ്യം-2 ഭാഗത്തിലെ അഭിനയമാണ് അഞ്ജലിയെ കൂടുതൽ ശ്രദ്ധിച്ച വേഷങ്ങളിലൊന്ന്. അഞ്ജലിയുടെ സ്ഥാനാർത്ഥിത്വവും വളരെ അധികം ചർച്ചയായിരുന്നു.
