4 വയസ്സുകാരനെ ഓട്ടോയിൽ നിന്ന് വലിച്ചിറക്കി കാലിൽ തൂക്കിയെടുത്ത് തല നിലത്തടിച്ചു; കുട്ടി ഗുരുതരാവസ്ഥയിൽ
കുട്ടിയുടെ പിതാവുമായുള്ള തർക്കമാണ് സന്ദീപ് പക നാലു വയസ്സുകാരനോട് തീർക്കുന്നതിലേക്ക് കലാശിച്ചത്. ഇരുവരും ദിവസങ്ങളിലായി തർക്കത്തിൽ ഏർപ്പെട്ടിരുന്നു. ഇതിന്റെ വൈരാഗ്യമാണ് ഇയാൾ കുട്ടിയെ ഉപദ്രവിക്കുന്ന തലത്തിലേക്ക് നീങ്ങിയത്.തിങ്കളാഴ്ച രാത്രി ഏഴരയോടെ പ്രതിയുടെ ഉടമസ്ഥതയിലുള്ള ഓട്ടോയിൽ നാലു വയസ്സുകാർ അടക്കമുള്ള കുട്ടികൾ കയറിയിരുന്നു. കളിക്കാനായി നിർത്തിയിട്ട ഓട്ടോക്കുള്ളിൽ ആയിരുന്നു കുട്ടികൾ കയറിയത്....
മുംബൈ: നാലു വയസ്സുകാരനോട് ക്രൂരത. കുട്ടിയെ ഓട്ടോയിൽ നിന്നും കാലിൽ തൂക്കിയെടുത്ത് തല നിലത്തടിച്ചു ക്രൂരമായി മർദ്ദിച്ച സംഭവത്തിൽ പ്രതി അറസ്റ്റിൽ. മഹാരാഷ്ട്രയിലെ പാൽഘർ സ്വദേശിയായ സന്ദീപ് പവാറിനെയാണ് പോലീസ് അറസ്റ്റ് ചെയ്തത്. കഴിഞ്ഞ ദിവസമായിരുന്നു സംഭവം നടന്നത്. കുട്ടിയുടെ പിതാവുമായുള്ള തർക്കമാണ് സന്ദീപ് പക നാലു വയസ്സുകാരനോട് തീർക്കുന്നതിലേക്ക് കലാശിച്ചത്. ഇരുവരും ദിവസങ്ങളിലായി തർക്കത്തിൽ ഏർപ്പെട്ടിരുന്നു. ഇതിന്റെ വൈരാഗ്യമാണ് ഇയാൾ കുട്ടിയെ ഉപദ്രവിക്കുന്ന തലത്തിലേക്ക് നീങ്ങിയത്.
തിങ്കളാഴ്ച രാത്രി ഏഴരയോടെ പ്രതിയുടെ ഉടമസ്ഥതയിലുള്ള ഓട്ടോയിൽ നാലു വയസ്സുകാർ അടക്കമുള്ള കുട്ടികൾ കയറിയിരുന്നു. കളിക്കാനായി നിർത്തിയിട്ട ഓട്ടോക്കുള്ളിൽ ആയിരുന്നു കുട്ടികൾ കയറിയത്. ഇത് കണ്ട സന്ദീപ് ദേഷ്യപ്പെടുകയും നാലു വയസ്സുകാരനെ പുറത്തേക്ക് വലിച്ചെറിക്കി. പിന്നാലെയാണ് കാലിൽ തൂക്കിയെടുത്ത് തല നിലത്തടിച്ച് ക്രൂരമായി മർദ്ദിച്ചത്.
സമീപത്തെ കെട്ടിടത്തിന് അടുത്തേക്ക് നടന്നുകൊണ്ട് ഇയാൾ മർദ്ദനം തുടരുകയും ചെയ്തു. സംഭവം കണ്ട് തടയാൻ ശ്രമിച്ച കുട്ടിയുടെ മുത്തശ്ശിയെയും ഇയാൾ മർദ്ദിച്ചു. ആക്രമണത്തിൽ ഗുരുതരമായി പരിക്കേറ്റ നാലു വയസ്സുകാരൻ ഐസ്യുവിൽ ചികിത്സയിലാണ്. കുട്ടിയുടെ ആരോഗ്യാവസ്ഥ അതീവഗുരുതരമാണെന്നാണ് നിലവിൽ ലഭിക്കുന്ന റിപ്പോർട്ട്.. അതേസമയം പ്രതിക്കെതിരെ പോക്സോ വകുപ്പുകൾ അടക്കം ചുമത്തിയാണ് കേസെടുത്തത് എന്ന് പോലീസ് അറിയിച്ചു.
