Namma Metro: മാഗഡി റോഡ് മുതൽ താവരെകെരെ വരെ മെട്രോ; ബെംഗളൂരുവിൽ പുതിയ ഡബിൾ ഡെക്കർ പാത

Namma Metro New Route Magadi Road to Tavarekere Double Decker Corridor: നഗരത്തിലെ രൂക്ഷമായ ഗതാഗതക്കുരുക്കിന് പരിഹാരം കാണുന്നതിന്റെ ഭാഗമായാണ് പുതിയ പദ്ധതി പരിഗണിക്കുന്നത്. ഡബിള്‍ ഡെക്കര്‍ സംവിധാനം നടപ്പാക്കുന്നതുമായി ബന്ധപ്പെട്ട് പ്രധാനമന്ത്രിയുമായും ചര്‍ച്ച നടത്തിയിട്ടുണ്ടെന്ന് ഡികെ ശിവകുമാര്‍ വ്യക്തമാക്കി. പദ്ധതിയുടെ തുടര്‍നടപടികള്‍ സംബന്ധിച്ച് ഉദ്യോഗസ്ഥരുമായി കൂടിയാലോചനകള്‍ നടക്കുകയാണ്.

Namma Metro: മാഗഡി റോഡ് മുതൽ താവരെകെരെ വരെ മെട്രോ; ബെംഗളൂരുവിൽ പുതിയ ഡബിൾ ഡെക്കർ പാത

നമ്മ മെട്രോ

Published: 

22 Nov 2026 | 06:53 AM

ബെംഗളൂരുവില്‍ നമ്മ മെട്രോ ശൃംഖല വിപുലീകരിക്കാന്‍ പുതിയ പദ്ധതി. മാഗഡി റോഡില്‍ നിന്ന് താവരെകെരെ വരെ മെട്രോ സര്‍വീസ് എത്തിക്കാനുള്ള ഒരുക്കങ്ങള്‍ നടക്കുകയാണെന്ന് കര്‍ണാടക മുഖ്യമന്ത്രി ഡികെ ശിവകുമാര്‍ അറിയിച്ചു. ഈ പാതയില്‍ മെട്രോയും മേല്‍പ്പാലവും ഉള്‍പ്പെടുന്ന ഡബിള്‍ ഡെക്കര്‍ സംവിധാനം നടപ്പാക്കുന്നതിനെക്കുറിച്ചും ആലോചനയുണ്ട്.

നഗരത്തിലെ രൂക്ഷമായ ഗതാഗതക്കുരുക്കിന് പരിഹാരം കാണുന്നതിന്റെ ഭാഗമായാണ് പുതിയ പദ്ധതി പരിഗണിക്കുന്നത്. ഡബിള്‍ ഡെക്കര്‍ സംവിധാനം നടപ്പാക്കുന്നതുമായി ബന്ധപ്പെട്ട് പ്രധാനമന്ത്രിയുമായും ചര്‍ച്ച നടത്തിയിട്ടുണ്ടെന്ന് ഡികെ ശിവകുമാര്‍ വ്യക്തമാക്കി. പദ്ധതിയുടെ തുടര്‍നടപടികള്‍ സംബന്ധിച്ച് ഉദ്യോഗസ്ഥരുമായി കൂടിയാലോചനകള്‍ നടക്കുകയാണ്.

ലഗ്ഗെരെ സര്‍ക്കിളില്‍ നടന്ന പരിപാടിയില്‍ സംസാരിക്കുകയായിരുന്നു അദ്ദേഹം. നാഡപ്രഭു കെംപെഗൗഡയുടെയും കാവേരി മാതാവിന്റെയും പ്രതിമകള്‍ അനാവരണം ചെയ്തതിനൊപ്പം കെംപെഗൗഡ ഭവന്റെ നിര്‍മാണത്തിന് അദ്ദേഹം തറക്കല്ലിടുകയും ചെയ്തു.

ഗതാഗത സംവിധാനം പഠിക്കാന്‍ ജപ്പാനിലേക്ക്

ബെംഗളൂരുവിലെ ഗതാഗത സംവിധാനം മെച്ചപ്പെടുത്തുന്നതിനായി ജപ്പാന്‍ സന്ദര്‍ശിക്കുമെന്നും ഡികെ ശിവകുമാര്‍ അറിയിച്ചു. ജപ്പാനിലെയും ടോക്കിയോയിലെയും നഗരാസൂത്രണ രീതികളും ഗതാഗത സംവിധാനങ്ങളും പഠിച്ച് അനുയോജ്യമായ മാതൃകകള്‍ ബെംഗളൂരുവില്‍ നടപ്പാക്കുകയാണ് ലക്ഷ്യം.

നഗരത്തിലെ കുടിവെള്ള ലഭ്യത ഉറപ്പാക്കുന്നതിനായി കാവേരി ആറാം ഘട്ട പദ്ധതിക്ക് അനുമതി നല്‍കിയിട്ടുണ്ട്. ഗ്രാമീണ മേഖലയിലെ തടാകങ്ങള്‍, കൃഷി, ജലസേചന പദ്ധതികള്‍ എന്നിവയ്ക്കും സര്‍ക്കാര്‍ മുന്‍ഗണന നല്‍കുന്നുണ്ടെന്ന് അദ്ദേഹം പറഞ്ഞു.

Also Read: Namma Metro: സിൽക്ക് ബോർഡ് മുതൽ വിമാനത്താവളം വരെ; ബെംഗളൂരു മെട്രോ ബ്ലൂ ലൈൻ ട്രയൽ തുടങ്ങി

ബി ഖാതയ്ക്ക് എ ഖാത സൗകര്യം

ഭൂമി ഗ്യാരന്റി പദ്ധതിയുടെ ഭാഗമായി അര്‍ഹരായ ബി ഖാത ഉടമകള്‍ക്ക് എ ഖാതയിലേക്ക് മാറാനുള്ള അവസരവും സര്‍ക്കാര്‍ ഒരുക്കിയിട്ടുണ്ട്. ഇതിനായി നിശ്ചിത തുകയുടെ അഞ്ച് ശതമാനം മാത്രം അടച്ചാല്‍ മതിയെന്നാണ് മുഖ്യമന്ത്രി അറിയിച്ചത്. സ്വത്തുക്കള്‍ക്ക് നിയമപരമായ അംഗീകാരവും അര്‍ഹമായ മൂല്യവും ഉറപ്പാക്കുകയാണ് ഇതിലൂടെ ലക്ഷ്യമിടുന്നത്.

400 കോടി രൂപയുടെ പലിശ എഴുതിത്തള്ളും

ബെംഗളൂരു വികസന അതോറിറ്റിക്ക് (ബിഡിഎ) വിവിധ സമുദായ സംഘടനകള്‍ നല്‍കാനുള്ള കുടിശ്ശികയുടെ പലിശ എഴുതിത്തള്ളാനും സര്‍ക്കാര്‍ തീരുമാനിച്ചിട്ടുണ്ട്. ഏകദേശം 400 കോടി രൂപയുടെ കുടിശ്ശികയുടെ പലിശയാണ് ഒഴിവാക്കുന്നത്.

ഒക്കലിഗ സംഘത്തിന് നല്‍കാനുണ്ടായിരുന്ന 93 കോടി രൂപയുടെ പലിശ ഇതിനകം എഴുതിത്തള്ളിയതായും ഡികെ ശിവകുമാര്‍ അറിയിച്ചു. കുര്‍ബ ഉള്‍പ്പെടെയുള്ള വിവിധ സമുദായ സംഘടനകള്‍ക്കും ഈ ആനുകൂല്യം ലഭിക്കുമെന്നും അദ്ദേഹം വ്യക്തമാക്കി.

English Summary

Bengaluru is planning a new Namma Metro route connecting Magadi Road to Tavarekere. Karnataka Deputy Chief Minister DK Shivakumar has also indicated that a double-decker corridor combining metro and road infrastructure is being considered to improve the city’s transport network.

Loading...
Unable to load recommendations.
Follow Us
Related Stories
PM Modi: സ്വർണം വാങ്ങരുതെന്ന തന്റെ അഭ്യർത്ഥന ജനങ്ങൾ കേട്ടു, സ്വർണ വില കുറഞ്ഞു; പ്രശംസയുമായി പ്രധാനമന്ത്രി
Sabarimala: വിമാനത്തിൽ ഇരുമുടിക്കെട്ട് കൊണ്ടുപോകാം, അനുമതി നൽകി കേന്ദ്ര സർക്കാർ
വീണ്ടും നുഴഞ്ഞുകയറ്റം? അതിർത്തി കടന്ന് കശ്മീരിലെത്തിയ പാക് യുവാവ് പിടിയിൽ; മൊഴിയിൽ വൈരുദ്ധ്യം
നികുതി ഇളവുകൾ നൽകിയിട്ടും ശമ്പളവും ജോലിയും കൂട്ടിയില്ലേ? കമ്പനികളോട് പ്രധാനമന്ത്രി മോദിയുടെ ചോദ്യം
ഖാലിസ്ഥാൻ തീവ്രവാദിയെ വധിക്കാൻ ഗൂഡാലോചന; ഇന്ത്യൻ പൗരൻ നിഖിൽ ഗുപ്തയ്ക്ക് അമേരിക്കയിൽ 19 വർഷം തടവ്
ഉള്ളിൽ ‘ചിൽഡ്രൻസ് ബാങ്ക് ഓഫ് ഇന്ത്യ’ നോട്ടുകൾ; 40 ലക്ഷം നഷ്ടപ്പെട്ട വ്യാപാരി തട്ടിപ്പുകാരെ പൂട്ടിയത് സിനിമാ സ്റ്റൈലിൽ
ദിവസവും പാവയ്ക്ക കഴിച്ചാൽ ശരീരത്തിൽ എന്താണ് സംഭവിക്കുന്നത്?
ഡിസംബറിൽ മിഥുനം ഉൾപ്പെടെ 4 രാശിക്കാർക്ക് പണവും പ്രശസ്തിയും!
മുട്ട കഴിക്കാൻ ഏറ്റവും അനുയോജ്യമായ സമയം ഏതാണ്?
7 വർഷ OS പിന്തുണ, സാംസങ് പ്രീമിയം 5ജി ഫോണിന് ഡിസ്കൗണ്ട്
ഒരാൾക്ക് വീട്ടിൽ എത്ര സ്വർണം വരെ സൂക്ഷിക്കാം
IPL താരലേലത്തിൽ ഏതൊക്കെ മലയാളി താരങ്ങൾ തിളങ്ങും?
സ്വർണവില ഈ വർഷത്തെ ഏറ്റവും കുറഞ്ഞ നിരക്കിലേക്ക് എത്തി
ഏഷ്യൻ ഗെയിംസ് ഇരട്ട മെഡൽ ജേതാവ് വിദർശ കെ വിനോദിന് സർക്കാർ ജോലി