Bengaluru Namma Metro Travel: ട്രാഫിക് പേടി വേണ്ട! നമ്മ മെട്രോയിൽ കറങ്ങാം ബെംഗളൂരു; സമയം ലാഭിക്കാം ഇങ്ങനെ

Bengaluru Namma Metro

ബെം​ഗളൂരുവിലേക്ക് ഒരു യാത്ര പ്ലാൻ ചെയ്യുമ്പോൾ ആദ്യം തന്നെ മനസ്സിൽ വരുന്നത് അവിടുത്തെ ഒരിക്കലും മാറാത്ത ട്രാഫിക്കാണ്. ആ ട്രാഫിക്കിലുടെ യാത്ര ചെയ്യുക എന്നത് പലരെയും മടുപ്പിക്കുന്ന കാര്യമാണ്. സ്ഥിരമായി യാത്ര ചെയ്യുന്നവർക്ക് പോലും അത് പേടിസ്വപ്നമാണ്. ഇതിനുള്ള ഏറ്റവും വലിയ മാർ​ഗമാണ് നമ്മ മെട്രോ. അത്തരത്തിൽ ബെംഗളൂരുവിൽ ആദ്യമായി വരുന്നവർക്കും സ്ഥിരതാമസക്കാരായവർക്കും നമ്മ മെട്രോയിൽ യാത്ര ചെയ്യേണ്ട രീതികളും മെട്രോയിലൂടെ സഞ്ചരിച്ച് പോകേണ്ട വിനോദ സഞ്ചാര കേന്ദ്രങ്ങളും ഏതെല്ലാമെന്ന് നോക്കാം.

ALSO READ: കെഎസ്ആർടിസി അവധിക്കാല യാത്ര; കുറഞ്ഞ ചിലവിൽ കുടുംബത്തോടൊപ്പം അടിച്ചുപൊളിക്കാം

പ്രധാന ടൂറിസ്റ്റ് കേന്ദ്രങ്ങൾ

ബെം​ഗളൂരുവിലെ നമ്മ മെട്രോ സ്റ്റേഷനടുത്ത് കിടക്കുന്ന പ്രധാന വിനോദ സഞ്ചാര കേന്ദ്രങ്ങളാണ് ലാൽബാഗ്, കബ്ബൺ പാർക്ക്, എം.ജി റോഡ് & ബ്രിഗേഡ് റോഡ് തുടങ്ങിയിടമാണ് മെട്രോ സ്റ്റേഷനകളുടെ അടുത്ത് കിടക്കുന്നത്. നമ്മ മെട്രോ ​ഗ്രീൻ ലൈനും, പർപ്പിൾ ലൈനും ഉപയോ​ഗിച്ച് വേണം ഈ സ്ഥലങ്ങളിലേക്ക് യാത്ര ചെയ്യാൻ.

ടിക്കറ്റ് എടുക്കാൻ ക്യൂ നിൽക്കേണ്ട

സ്റ്റേഷനിലെ നീണ്ട ക്യൂവിൽ നിന്ന് സമയം കളയാതിരിക്കാൻ നിങ്ങൾക്ക് നമ്മ മെട്രോയുടെ ഔദ്യോഗിക വാട്ട്‌സ്ആപ്പ് നമ്പറിൽ മെസ്സേജ് അയച്ച് നിമിഷങ്ങൾക്കുള്ളിൽ ക്യുആർ ടിക്കറ്റ് എടുക്കാനാകുന്നതാണ്. അതുപോലെ നമ്മ മെട്രോ ആപ്പ് വഴി ടിക്കറ്റ് ബുക്ക് ചെയ്യാനും റൂട്ടുകൾ മനസ്സിലാക്കാനും സാധിക്കും. ദിവസവും യാത്ര ചെയ്യുന്നവരാണെങ്കിൽ നിങ്ങൾക്ക് നമ്മ മെട്രോയുടെ സ്മാർട്ട് കാർഡ് വാങ്ങാവുന്നതാണ്.

യാത്രക്കാർ ശ്രദ്ധിക്കാൻ

രാവിലെ 8.30 മുതൽ 10.30 വരെയും വൈകുന്നേരം 5.30 മുതൽ രാത്രി എട്ട് മണി വരെയും മെട്രോയിൽ പൊതുവെ തിരക്ക് കൂടുതലായിരിക്കും. കാരണം ജോലിക്കാരും പഠിക്കുന്ന കുട്ടികളും ഈ സമയത്താണ് യാത്ര ചെയ്യുന്നത്. ടൂറിസ്റ്റ് ആവശ്യങ്ങൾക്കായി ഈ സമയം ഒഴിവാക്കുന്നത് യാത്ര കൂടുതൽ സുഖകരമാക്കുന്നതാണ്.