PM Modi: ‘ജൈവകൃഷിക്ക് എന്നും ഹൃദയത്തിലാണ് സ്ഥാനം, രാജ്യത്തിന്റെ കാര്ഷിക മേഖല കടന്നുപോകുന്നത് വലിയ പരിവര്ത്തനത്തിലൂടെ’
PM Modi says natural farming is close to to his heart: മോദി പ്രദർശനം സന്ദർശിക്കുകയും നിരവധി കർഷകരുമായി നേരിട്ട് സംസാരിക്കുകയും അവരുടെ അനുഭവങ്ങളും കാഴ്ചപ്പാടുകളും കേൾക്കുകയും ചെയ്തു
കോയമ്പത്തൂര്: ദക്ഷിണേന്ത്യ ഫാമിങ് എക്സിബിഷന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. കോയമ്പത്തൂരിലാണ് പരിപാടി നടക്കുന്നത്. എക്സിബിഷന് സന്ദര്ശിച്ച മോദി നിരവധി കര്ഷകരുമായി സംസാരിച്ചു. കര്ഷകര് തങ്ങളുടെ അനുഭവങ്ങളും കാഴ്ചപ്പാടുകളും പ്രധാനമന്ത്രിയോട് വിവരിച്ചു. ജൈവകൃഷിക്ക് തന്റെ ഹൃദയത്തിലാണ് സ്ഥാനമെന്ന് മോദി പറഞ്ഞു. തമിഴ്നാട്ടിലെ കർഷകർക്ക് പ്രധാനമന്ത്രി ആശംസകള് നേര്ന്നു.
ജൈവകൃഷിയും സുസ്ഥിരമായ ഭൂപ്രകൃതി സംവിധാനങ്ങളും പ്രോത്സാഹിപ്പിക്കേണ്ടത് രാജ്യത്തിന്റെ ഭാവിക്കും കർഷകരുടെ ക്ഷേമത്തിനും അത്യാവശ്യമാണെന്ന് മോദി വ്യക്തമാക്കി. കഴിഞ്ഞ 11 വർഷത്തിനുള്ളിൽ രാജ്യത്തെ മുഴുവൻ കാർഷിക മേഖലയും ഒരു വലിയ പരിവർത്തനത്തിന് സാക്ഷ്യം വഹിച്ചതായും പ്രധാനമന്ത്രി പറഞ്ഞു.
ഈ കാലയളവിൽ കാർഷിക കയറ്റുമതി ഇരട്ടിയായി വര്ധിച്ചു. കർഷകരുടെ കഠിനാധ്വാനവും സർക്കാരിന്റെ വിവിധ ശ്രമങ്ങളും കാരണം കൃഷി പുരോഗതിയുടെ പുതിയ ഉയരങ്ങളിലെത്തി. കിസാൻ ക്രെഡിറ്റ് കാർഡ് പദ്ധതിയിലൂടെ കർഷകർക്ക് 10 ലക്ഷം കോടിയിലധികം രൂപയുടെ സാമ്പത്തിക സഹായമാണ് ഈ വര്ഷം മാത്രം ലഭിച്ചത്. വളങ്ങളുടെ ജിഎസ്ടി കുറച്ചത് കർഷകർക്ക് അധിക നേട്ടങ്ങള് നല്കിയെന്നും പ്രധാനമന്ത്രി പറഞ്ഞു.
ഈ നടപടികളെല്ലാം കർഷകരുടെ സാമ്പത്തിക ഭാരം കുറച്ചു. കർഷകരുടെ അക്കൗണ്ടുകളിലേക്ക് നേരിട്ട് 4 ലക്ഷം കോടി രൂപ വരെ കൈമാറി. ഇത് അവരുടെ പ്രശ്നങ്ങള് കുറയ്ക്കാന് സഹായിച്ചു. ജൈവകൃഷി ആഗോളതലത്തില് വികസിപ്പിക്കേണ്ടത് അനിവാര്യമാണെന്നും പ്രധാനമന്ത്രി ചൂണ്ടിക്കാട്ടി.
നേരത്തെ, എക്സിബിഷന് ഉദ്ഘാടനം ചെയ്യാനെത്തിയ മോദിയെ തമിഴ്നാട് ഗവർണർ ആർഎൻ രവി, എഐഎഡിഎംകെ ജനറൽ സെക്രട്ടറി എടപ്പാടി പളനിസ്വാമി, തമിഴ് മാനില കോൺഗ്രസ് (മൂപ്പനാർ) മേധാവി ജികെ വാസൻ, തമിഴ്നാട് ബിജെപി പ്രസിഡന്റ് നൈനാർ നാഗേന്ദ്രൻ, കേന്ദ്രമന്ത്രി എൽ. മുരുകൻ എന്നിവർ ചേര്ന്ന് സ്വീകരിച്ചു. വിമാനത്താവളത്തിൽ നിന്ന് കൊഡീഷ്യ (കോയമ്പത്തൂർ ജില്ലാ ചെറുകിട വ്യവസായ അസോസിയേഷൻ) ഗ്രൗണ്ടിലേക്ക് മോദി റോഡ് ഷോ നടത്തി.
വീഡിയോ കാണാം
