Delhi Congress Protest : ‘രാഹുൽ ഗാന്ധി വാക്ക് പാലിച്ചില്ല’ പ്രതിപക്ഷ നേതാവിനെതിരെ കേന്ദ്രമന്ത്രി ജിതേന്ദ്ര സിങ്
Minister Jitendra Singh On Delhi Congress Protest : കോൺഗ്രസിൻ്റെ അപ്രഖ്യാപിത ധർണയ്ക്ക് പിന്നാലെ കേന്ദ്രം മന്ത്രി ജിതേന്ദ്ര സിങ്ങിനെ ചർച്ചയ്ക്കായി അയക്കുകയായിരുന്നു. കോൺഗ്രസിൻ്റെ ആവശ്യപ്രകാരം പരീക്ഷ പേപ്പർ ചോർച്ച വിഷയം പാർലമെൻ്റിൽ ചർച്ചയമെന്ന് സമ്മതിച്ചെങ്കിലും പ്രതിപക്ഷ നേതാവ് പുതിയ അവശ്യങ്ങളുമായി വീണ്ടുമെത്തുകയായിരുന്നു കേന്ദ്രമന്ത്രി
Lop Rahul Gandhi, Union Minister Jitendra Singh
ന്യൂ ഡൽഹി : പ്രധാനമന്ത്രി നരേന്ദ്ര മോദിയുടെ വസതിക്ക് മുന്നിൽ കോൺഗ്രസ് നടത്തിയ അപ്രഖ്യാപിത പ്രതിഷേധത്തിന് പിന്നാലെ ലോക്സഭ പ്രതിപക്ഷ നേതാവ് രാഹുൽ ഗാന്ധിക്കെതിരെ ആഞ്ഞടിച്ച് കേന്ദ്രമന്ത്രി ജിതേന്ദ്ര സിങ്. രാഹുൽ ഗാന്ധി പറഞ്ഞ വാക്ക് പാലിച്ചില്ലെന്നും കോൺഗ്രസ് ഉന്നയിച്ച് ആവശ്യം അംഗീകരിച്ചിട്ടും ലോക്സഭ പ്രതിപക്ഷ നേതാവ് പുതിയ ആവശ്യങ്ങൾ ഉയർത്തിയെന്ന് ജിതേന്ദ്ര സിങ്. കോൺഗ്രസ് നേതാക്കളുമായി ചർച്ചയ്ക്ക് ശേഷമാണ് കേന്ദ്രമന്ത്രി ഇക്കാര്യം വെളിപ്പെടുത്തിയത്. കോൺഗ്രസിൻ്റെ ആവശ്യപ്രകാരം നീറ്റ് വിഷയം പാർലമെൻ്റിൽ ചർച്ച ചെയ്യാൻ സർക്കാർ തയ്യാറാണെന്ന് അറിയച്ചപ്പോൾ പ്രതിപക്ഷ നേതാവ് മറ്റ് ആവശ്യങ്ങൾ ഉന്നയിക്കുകയായിരുന്നു കേന്ദ്രമന്ത്രി അറിയിച്ചു.
കോൺഗ്രസിൻ്റെ ധർണ ആരംഭിച്ച് ഒരു മണിക്കൂറിനുള്ളിൽ തന്നെ പ്രധാനമന്ത്രിയുടെ ഓഫീസിൻ്റെ ചുമതലയുള്ള കേന്ദ്ര സഹമന്ത്രി രാഹുൽ ഗാന്ധി ഉൾപ്പെടെയുള്ള കോൺഗ്രസ് നേതാക്കളുമായി ചർച്ചയ്ക്കെത്തിയിരുന്നു. രാഹിൽ ഗാന്ധിയുമായി കുറച്ച നേരം ചർച്ച നടത്തിയതിന് ശേഷം മന്ത്രി തിരികെ പോകുകയും ചെയ്തു. ചർച്ച വിജയകരമല്ലായിരുന്നു പാർട്ടിയുടെ ആവശ്യം കേന്ദ്രം അംഗീകരിച്ചില്ലയെന്നായിരുന്നു ധർണയ്ക്കെത്തിയെ കോൺഗ്രസ് നേതാക്കൾ അറിയിച്ചത്. എന്നാൽ കോൺഗ്രസിൻ്റെ ആവശ്യം അംഗീകരിച്ചപ്പോൾ രാഹുൽ ഗാന്ധി മറ്റ് ആവശ്യങ്ങളും ഉന്നയിച്ചു. പറഞ്ഞ വാക്ക് പാലിച്ചില്ലയെന്നാണ് കേന്ദ്രമന്ത്രി ചർച്ചയ്ക്ക് ശേഷം എക്സിൽ കുറിച്ച പോസ്റ്റിൽ ആരോപിക്കുന്നത്.
കേന്ദ്ര ഹോം സെക്രട്ടറിക്കൊപ്പമായിരുന്നു മന്ത്രി ജിതേന്ദ്ര സിങ് കോൺഗ്രസ് നേതാക്കളുമായി ചർച്ചയ്ക്ക് പോയത്. നീറ്റ് പേപ്പർ ചോർച്ച വിഷയം പാലർമെൻ്റിൽ ചർച്ച ചെയ്താൽ ധർണ അവസാനിപ്പിക്കാമെന്ന് രാഹുൽ ഗാന്ധി ഉറപ്പ് നൽകിയിരുന്നു. അത് സർക്കാർ അംഗീകരിച്ചപ്പോൾ ലോക്സഭ പ്രതിപക്ഷ മറ്റ് ആവശ്യങ്ങളും ഉന്നയിക്കുകയായിരുന്നുയെന്ന് കേന്ദ്രമന്ത്രി എക്സിൽ കുറിച്ചു. കേന്ദ്രമന്ത്രി ധർമ്മേന്ദ്ര പ്രധാൻ രാജിവെക്കണമെന്നായിരുന്നു രാഹുൽ ഗാന്ധി മറ്റൊരു ആവശ്യം.
മന്ത്രി ജിതേന്ദ്ര സിങ്ങിൻ്റെ എക്സിലെ പോസ്റ്റ്
कुछ समय पहले, यह ज्ञात हुआ कि कांग्रेस पार्टी के राष्ट्रीय अध्यक्ष, श्री मल्लिकार्जुन खड़गे और उनके साथ अन्य वरिष्ठ नेता, जैसे कि श्री राहुल गांधी, श्रीमती प्रियंका गांधी इत्यादि अकस्मात ही अकबर रोड़ के समीप एक स्थान पर अपने समर्थकों के साथ धरने पर बैठ गयेहैं। सरकार ने इस वरिष्ठ…
— Dr Jitendra Singh (@DrJitendraSingh) July 21, 2026
