Railway Updates : ഉത്സവ സീസണിലെ തിരക്ക് കുറയ്ക്കാൻ തിരുവനന്തപുരത്ത് നിന്നും മുംബൈയിലേക്ക് ട്രെയിൻ; ബുക്കിങ് ആരംഭിച്ചു

Thiruvananthapuram North- Lokamanya Tilak Terminus Weekly Special Stoppages And Timings : പൂജ, ദീപാവലി തുടങ്ങിയ ഉത്സവ സീസണുകളോട് അനുബന്ധിച്ച് സെൻട്രൽ റെയിൽവെയാണ് സർവീസ് അനുവദിച്ചിരിക്കുന്നത്. നവംബർ അവസാനം വരെ ആഴ്ചയിൽ ഒരു സർവീസ് വീതമാണ് ഉണ്ടാകുക

Train Image Credit source: Social Media

Jenish Thomas | Published: 12 Sep 2025 22:13 PM

തിരുവനന്തപുരം : രാജ്യത്ത് ഉത്സവ സീസണുകൾ ആരംഭിക്കുന്നതിൻ്റെ മുന്നോടിയായി തിരക്കുകൾ നിയന്ത്രിക്കാൻ നിരവധി സ്പെഷ്യൽ ട്രെയിൻ സർവീസുകളാണ് അനുവദിക്കുന്നത്. ഇതിൻ്റെ ഭാഗമായ മുംബൈയിലെ ലോകമാന്യ തിലക് ടെർമിനസിൽ നിന്നും തിരുവനന്തപുരം നോർത്തിലേക്ക് (കൊച്ചുവേളി)അനുവദിച്ചിരിക്കുകയാണ് സെൻട്രൽ റെയിൽവെ. സെപ്റ്റംബർ 25-ാം തീയതി മുതൽ രണ്ട് മാസത്തേക്ക് ആഴ്ചയിൽ ഒന്ന് വീതം പത്ത് സർവീസുകളാണ് സെൻട്രൽ റെയിൽവെ അനുവദിച്ചിരിക്കുന്നത്.

ടിക്കറ്റുകളുടെ ബുക്കിങ് ഇന്ന് സെപ്റ്റംബർ 12-ാം തീയതി മുതൽ ആരംഭിച്ചു. ട്രെയിൻ നമ്പർ 01463, 01464 എന്നീ നമ്പരുകളിലാണ് മുംബൈയിൽ നിന്നും തിരുവനന്തപുരത്തേക്കും തിരികെയും സർവീസ് നടത്തുന്നത്. 25-ാം തീയതി വൈകിട്ട് നാല് മണിക്ക് മുംബൈയിൽ നിന്നും ആരംഭിക്കുന്ന സർവീസ് 27-ാം തീയതി രാത്രി 10.45ന് കൊച്ചുവേളിയിൽ എത്തി ചേരും. അന്നേദിവസം വൈകിട്ട് 4.20നാണ് തിരികെയുള്ള സർവീസ് ആരംഭിക്കുന്നത്. മൂന്നാം ദിവസം ഉച്ചയ്ക്ക് ഒരു മണിുക്ക് ട്രെയിൻ മുംബൈയിൽ എത്തി ചേരും. ഒരു ടു ടയർ എസി കോച്ചും, ആർ ത്രി ടയർ എസി കോച്ചുകൾ, ഒമ്പത് സ്ലീപ്പർ ക്ലാസ് കോച്ചുകൾ, നാല് ജനറൽ കംപാർട്ട്മെൻ്റുകൾ, അംഗവൈകല്യമുള്ളവർക്ക്ക എന്നിങ്ങനെയാണ് ട്രെയിൻ്റെ കോച്ചുകൾ.

ALSO READ : Vande Bharat: എയര്‍ ആംബുലന്‍സില്ല, ഹൃദയശസ്ത്രക്രിയയ്ക്കായി 13കാരി യാത്ര ചെയ്തത് വന്ദേഭാരതില്‍