Independence Day Celebration Kerala 2025: തിരുവനന്തപുരത്ത് മുഖ്യമന്ത്രി പതാക ഉയര്‍ത്തും; കേരളത്തിലെ സ്വാതന്ത്ര്യദിനാഘോഷം ഇങ്ങനെ

Independence Day Celebration Kerala 2025 Details: മുഖ്യമന്ത്രി പിണറായി വിജയന്‍ തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടക്കുന്ന പരിപാടിയില്‍ ദേശീയ പതാക ഉയര്‍ത്തും. രാവിലെ ഒമ്പത് മണിയോടെയാണ് മുഖ്യമന്ത്രി ദേശീയ പതാക ഉയര്‍ത്തുന്നത്. സായുധസേനാ വിഭാഗങ്ങള്‍, മറ്റ് വിഭാഗങ്ങള്‍ എന്നിവയുടെ പരേഡില്‍ മുഖ്യമന്ത്രി അഭിവാദ്യം സ്വീകരിക്കും

സ്വാതന്ത്യദിനം 2025 Image Credit source: PTI

Jayadevan AM | Published: 15 Aug 2025 06:37 AM

തിരുവനന്തപുരം: 79-ാം സ്വാതന്ത്ര്യദിനത്തിന്റെ ഭാഗമായി സംസ്ഥാനത്ത് സംഘടിപ്പിക്കുന്നത് വിപുലമായ പരിപാടികള്‍. മുഖ്യമന്ത്രി പിണറായി വിജയന്‍ തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടക്കുന്ന പരിപാടിയില്‍ ദേശീയ പതാക ഉയര്‍ത്തും. രാവിലെ ഒമ്പത് മണിയോടെയാണ് മുഖ്യമന്ത്രി ദേശീയ പതാക ഉയര്‍ത്തുന്നത്. സായുധസേനാ വിഭാഗങ്ങള്‍, മറ്റ് വിഭാഗങ്ങള്‍ എന്നിവയുടെ പരേഡില്‍ മുഖ്യമന്ത്രി അഭിവാദ്യം സ്വീകരിക്കും. പരേഡ് കമാന്‍ഡര്‍ അഞ്ജലി ഭാവന നേതൃത്വം നല്‍കും. പരേഡിന് ശേഷം മുഖ്യമന്ത്രി സ്വാതന്ത്ര്യദിന സന്ദേശം നല്‍കും.

ജീവന്‍ രക്ഷാപതക്കങ്ങള്‍, രാഷ്ട്രപതിയുടെ പൊലീസ് മെഡലുകള്‍, ഫയര്‍ സര്‍വീസ് മെഡലുകള്‍ എന്നിവ മുഖ്യമന്ത്രി സമ്മാനിക്കും. വ്യോമസേന ഹെലികോപ്ടറില്‍ പുഷ്പവൃഷി നടത്തും. ഇതിനുശേഷം തിരുവനന്തപുരം നഗരത്തിലെ വിവിധ വിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥികള്‍ ദേശഭക്തി ഗാനങ്ങള്‍ അവതരിപ്പിക്കും. നിയമസഭാ സമുച്ചയത്തില്‍ സ്പീക്കര്‍ എഎന്‍ ഷംസീറും, ജില്ലകളില്‍ മന്ത്രിമാരും ദേശീയ പതാക ഉയര്‍ത്തും.