Kerala Rain Alert: ഉരുള്പൊട്ടലിനും മണ്ണിടിച്ചിലിനും സാധ്യത, മൂന്ന് ജില്ലകളില് മുന്നറിയിപ്പ്
Kerala weather alert: സംസ്ഥാനത്ത് ഇന്ന് ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് ഓറഞ്ച് അലര്ട്ട്. മറ്റ് ജില്ലകളില് യെല്ലോ അലര്ട്ടാണ്
തിരുവനന്തപുരം: കണ്ണൂര്, വയനാട്, തൃശൂര് ജില്ലകളില് ശക്തമായ മഴയ്ക്കും, കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ്. 50 കി.മീ വേഗതയില് വരെ ശക്തമായ കാറ്റാണ് പ്രതീക്ഷിക്കുന്നത്. അടുത്ത മൂന്ന് മണിക്കൂര് നേരത്തേക്കാണ് മുന്നറിയിപ്പ് പുറപ്പെടുവിച്ചത്. ഇന്ന് രാത്രി എട്ട് മണിക്കാണ് ജാഗ്രതാ നിര്ദ്ദേശം പുറപ്പെടുവിച്ചത്. ഉരുള്പൊട്ടലിനും മണ്ണിടിച്ചിലിനും സാധ്യതയുണ്ടെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു. റോഡുകളില് വെള്ളക്കെട്ട്, നദീതീരങ്ങളിലും താഴ്ന്ന പ്രദേശങ്ങളിലും വെള്ളപ്പൊക്കം എന്നിവയ്ക്കും സാധ്യതയുണ്ട്. അത്യാവശ്യമല്ലാത്ത യാത്രകള് ഒഴിവാക്കണമെന്നാണ് നിര്ദ്ദേശം.
ഏഴ് ജില്ലകളില് ഓറഞ്ച് അലര്ട്ട്
സംസ്ഥാനത്ത് ഇന്ന് ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് ഓറഞ്ച് അലര്ട്ട്. മറ്റ് ജില്ലകളില് യെല്ലോ അലര്ട്ടാണ്. നാളെ ആറു ജില്ലകളില് ഓറഞ്ച് അലര്ട്ടാണ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര് ജില്ലകളിലാണ് നാളെ ഓറഞ്ച് അലര്ട്ടുള്ളത്. മറ്റ് ജില്ലകളില് യെല്ലോ അലര്ട്ടായിരിക്കും.
Also Read: Kerala Rain Alert: ചക്രവാതച്ചുഴി; കേരളത്തിൽ അടുത്ത നാല് ദിവസം അതിശക്തമായ മഴ, ഓറഞ്ച് അലർട്ട്
ചൊവ്വാഴ്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളില് ഓറഞ്ച് അലര്ട്ടാണ്. ഇതില് എറണാകുളം, ഇടുക്കി, തൃശൂര് ജില്ലകളില് അതിശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.
