Kerala Weather Update: മഴക്കാലമെവിടെ? കേരളത്തെ ചതിച്ച് കാലവർഷം, ഇന്ന് എവിടെ മഴ പെയ്യും?
Kerala Weather July 13 Monsoon Rain Weakens as Heat and Strong Winds Return: കേരളത്തിന്റെ വിവിധ ഭാഗങ്ങളില് ഒറ്റപ്പെട്ട ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് പറയുന്നു. മണിക്കൂറില് 30 മുതല് 40 കിലോമീറ്റര് വരെ വേഗത്തില് ശക്തമായ കാറ്റിന് സാധ്യതയുണ്ടെന്നാണ് കാലാവസ്ഥ വകുപ്പ് പറയുന്നത്. ശക്തമായ കാറ്റിനെ നേരിടാന് പൊതുജനങ്ങള് അധികൃതര് പുറപ്പെടുവിച്ച നിര്ദേശങ്ങള് പാലിക്കേണ്ടതാണ്.
കേരളത്തിലെ കാലാവസ്ഥ
തിരുവനന്തപുരം: കേരളത്തില് നിന്നും വിടവാങ്ങി കാലവര്ഷം. സംസ്ഥാനത്തിന്റെ വിവിധ ഭാഗങ്ങളില് നേരിയ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് പറയുന്നത്. എന്നാല് ഒരു ജില്ലയിലും ശക്തമായ മഴയ്ക്കുള്ള സാധ്യതയില്ല. വരും ദിവസങ്ങളിലും സമാന സാഹചര്യം നിലനില്ക്കുമെന്നാണ് കേന്ദ്ര കാലാവസ്ഥ വകുപ്പ് പറയുന്നത്.
അടുത്ത മൂന്ന് മണിക്കൂറിലെ കാലാവസ്ഥ
തെക്കന് കേരളത്തിലാണ് അടുത്ത മൂന്ന് മണിക്കൂര് ഒറ്റപ്പെട്ടയിടങ്ങളില് നേരിയ മഴ ലഭിക്കുമെന്ന് കേന്ദ്ര കാലാവസ്ഥ വകുപ്പ് പറയുന്നത്. കൊല്ലം, പത്തനംതിട്ട, ആലപ്പുഴ എന്നീ ജില്ലകളിലാണ് മഴയ്ക്ക് സാധ്യത.
എന്നാല് സംസ്ഥാനത്തെ മറ്റ് ജില്ലകളിലും നേരിയ മഴ ലഭിച്ചേക്കാം. എല്ലാ ജില്ലകളിലും നേരിയതോ മിതമായതോ ആയ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ അറിയിപ്പ്.
കേരളത്തില് ശക്തമായ കാറ്റ്
കേരളത്തിന്റെ വിവിധ ഭാഗങ്ങളില് ഒറ്റപ്പെട്ട ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് പറയുന്നു. മണിക്കൂറില് 30 മുതല് 40 കിലോമീറ്റര് വരെ വേഗത്തില് ശക്തമായ കാറ്റിന് സാധ്യതയുണ്ടെന്നാണ് കാലാവസ്ഥ വകുപ്പ് പറയുന്നത്. ശക്തമായ കാറ്റിനെ നേരിടാന് പൊതുജനങ്ങള് അധികൃതര് പുറപ്പെടുവിച്ച നിര്ദേശങ്ങള് പാലിക്കേണ്ടതാണ്.
കാറ്റിനെ എങ്ങനെ നേരിടാം?
ശക്തമായ കാറ്റില് മരങ്ങള് കടപുഴകിയും ചില്ലകള് ഒടിഞ്ഞു വീണും അപകടങ്ങള് ഉണ്ടാകാനുള്ള സാധ്യത കൂടുതലാണ്. അതിനാല് കാറ്റും മഴയും ഉണ്ടാകുമ്പോള് ഒരു കാരണവശാലും മരങ്ങളുടെ ചുവട്ടില് നില്ക്കാനോ വാഹനങ്ങള് പാര്ക്ക് ചെയ്യാനോ പാടുള്ളതല്ല.
വീട്ടുവളപ്പിലെ മരങ്ങളുടെ അപകടകരമായ രീതിയിലുള്ള ചില്ലകള് വെട്ടിയൊതുക്കാന് ശ്രദ്ധിക്കുക. അപകടാവസ്ഥയിലുള്ള മരങ്ങള് പൊതുവിടങ്ങളില് ശ്രദ്ധയില് പെട്ടാല് ബന്ധപ്പെട്ട തദ്ദേശ സ്ഥാപനങ്ങളെ അറിയിക്കാന് മറക്കരുത്.
ഉറപ്പില്ലാത്ത പരസ്യ ബോര്ഡുകള്, ഇലക്ട്രിക് പോസ്റ്റുകള്, കൊടിമരങ്ങള് തുടങ്ങിയവയും കാറ്റില് വീഴാന് സാധ്യതയുള്ളതിനാല് കാറ്റും മഴയും ഇല്ലാത്ത സമയത്ത് അവ ശരിയായ രീതിയില് ബലപ്പെടുത്തുകയോ അഴിച്ചു വെക്കുകയോ ചെയ്യേണ്ടതാണ്. കാറ്റും മഴയും ഉള്ളപ്പോള് ഇവയുടെ ചുവട്ടിലും സമീപത്തും നില്ക്കുകയോ വാഹനങ്ങള് പാര്ക്ക് ചെയ്യുകയോ ചെയ്യരുത്.
ചുമരിലോ മറ്റോ ചാരി വെച്ചിട്ടുള്ള കോണി പോലെയുള്ള കാറ്റില് വീഴാന് സാധ്യതയുള്ള ഉപകരണങ്ങളും മറ്റ് വസ്തുക്കളും കയറുപയോഗിച്ച് കെട്ടി വെക്കേണ്ടതാണ്.
കാറ്റ് വീശി തുടങ്ങുമ്പോള് തന്നെ ജനലുകളും വാതിലുകളും അടച്ചിടുക. ജനലുകളുടെയും വാതിലുകളുടെയും സമീപത്ത് നില്ക്കാതിരിക്കാനും വീടിന്റെ ടെറസില് നില്ക്കുന്നതും ഒഴിവാക്കാം.
ഓല മേഞ്ഞതോ, ഷീറ്റ് പാകിയതോ, അടച്ചുറപ്പില്ലാത്തതോ ആയ കെട്ടിടങ്ങളില് താമസിക്കുന്നവര് മുന്നറിയിപ്പ് വരുന്ന ഘട്ടങ്ങളില് അധികൃതര് ആവശ്യപ്പെടുന്നതിന് അനുസരിച്ച് സുരക്ഷിതമായ കെട്ടിടങ്ങളിലേയ്ക്ക് മാറിത്താമസിക്കേണ്ടതാണ്.
ഇടിമിന്നലിനും സാധ്യത
മഴയില് കുറവ് സംഭവിച്ചെങ്കിലും ഇടിമിന്നലുണ്ടാകാനും സാധ്യതയുണ്ട്. ഇടിമിന്നല് മനുഷ്യന്റെയും മൃഗങ്ങളുടെയും ജീവന് അപകടമായതിനാല് ജനങ്ങള് ജാഗ്രത പാലിക്കണം. ഇടിമിന്നലുള്ളപ്പോള് സുരക്ഷിതമായ ഇടങ്ങളില് നിന്ന് പുറത്തിറങ്ങുകയോ വൈദ്യുതി ഉപകരണങ്ങളില് സ്പര്ശിക്കുകയോ ചെയ്യരുത്.
English Summary
Monsoon rainfall is expected to weaken across Kerala on July 13, bringing a rise in daytime temperatures in many parts of the state. Warm and humid weather may prevail, while isolated areas could experience strong winds. Residents are advised to follow the latest IMD weather updates.
