Kerala Weather Update: ചൂട് കൂടും, വരുന്നത് വെയിൽ ദിനങ്ങൾ; മഴ എവിടെയെല്ലാം, കാലാവസ്ഥ ഇങ്ങനെ…
Kerala Rain Alert: വരുംദിവസങ്ങളിൽ ജില്ലകളിൽ ചൂടുകൂടുമെന്ന് കാലാവസ്ഥ വകുപ്പ്. തെക്കൻ തമിഴ്നാട് തീരം, ഗൾഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളിൽ ശക്തമായ കാറ്റിന് സാധ്യത.
പ്രതീകാത്മക ചിത്രം
തിരുവനന്തപുരം: സംസ്ഥാനത്ത് വരുംദിവസങ്ങളിൽ ജില്ലകളിൽ ചൂടുകൂടുമെന്ന് കാലാവസ്ഥ വകുപ്പ്. മൂന്ന് ജില്ലകളിൽ ഒഴിച്ച് മറ്റിടങ്ങളിൽ മഴ മുന്നറിയിപ്പുകൾ നൽകിയിട്ടില്ല. ഡിസംബർ 8 വ്യാഴാഴ്ച പത്തനംതിട്ട, ഇടുക്കി, പാലക്കാട് എന്നിവിടങ്ങളിൽ നേരിയ മഴയ്ക്ക് സാധ്യതയുണ്ട്. ജില്ലകളിൽ ഗ്രീൻ അലർട്ടാണ് നൽകിയിട്ടുള്ളത്. ശബരിമലയിലും മഴ മുന്നറിയിപ്പ് നൽകിയിട്ടില്ല. ഡിസംബർ ആറ് വരെ സന്നിധാനം, പമ്പ, നിലക്കൽ എന്നിവിടങ്ങളിൽ ആകാശം ഭാഗികമായി മേഘാവൃതമായിരിക്കും.
അഞ്ച് ദിവസങ്ങളിലെ മഴ മുന്നറിയിപ്പ്
ഡിസംബർ 4: ഗ്രീൻ അലർട്ട് – ഇടുക്കി, പാലക്കാട്
ഡിസംബർ 5: എല്ലാ ജില്ലകളിലും വെള്ള അലർട്ട് – മഴയ്ക്ക് സാധ്യതയില്ല.
ഡിസംബർ 6: എല്ലാ ജില്ലകളിലും വെള്ള അലർട്ട് – മഴയ്ക്ക് സാധ്യതയില്ല.
ഡിസംബർ 7: എല്ലാ ജില്ലകളിലും വെള്ള അലർട്ട് – മഴയ്ക്ക് സാധ്യതയില്ല.
ഡിസംബർ 8: ഗ്രീൻ അലർട്ട് – പത്തനംതിട്ട, ഇടുക്കി, പാലക്കാട്
ALSO READ: പകൽച്ചൂട് കണ്ട് പേടിക്കേണ്ട, പിന്നാലെ വരുന്നുണ്ട് വേനൽമഴക്കാലം…
മത്സ്യത്തൊഴിലാളി ജാഗ്രത നിർദേശം
04/01/2026 മുതൽ 08/01/2026 വരെ: തെക്കൻ തമിഴ്നാട് തീരം, ഗൾഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യത.
തെക്കുപടിഞ്ഞാറൻ ബംഗാൾ ഉൾക്കടൽ, അതിനോട് ചേർന്ന തെക്കു കിഴക്കൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
