Kerala Muharram holiday: കേരളത്തിൽ മുഹറം അവധി തീരുമാനം ആയി, ഞായറാഴ്ച ഉറപ്പിച്ചു
Muharram Holiday in Kerala: ചന്ദ്രമാസ പിറവി പ്രകാരം ഈ വർഷം മുഹറം വരുന്നത് ജൂലൈ 7 തിങ്കളാഴ്ചയാണ്. ഇതോടെ ആണ് തിങ്കളാഴ്ചയും അവധി നൽകണമെന്ന് ആവശ്യപ്പെട്ട് ടി വി ഇബ്രാഹിം എം എൽ എ ഉൾപ്പെടെ ഉള്ള പ്രമുഖർ മുഖ്യമന്ത്രിക്ക് കത്ത് നൽകിയത്.
മലപ്പുറം: കേരളത്തിൽ മുഹറം അവധി തിങ്കളാഴ്ച ഉണ്ടായിരിക്കുമെന്ന് തരത്തിലുള്ള വാർത്തകൾ പ്രചരിച്ചിരുന്നു. എന്നാൽ തിങ്കളാഴ്ച അവധി ഉണ്ടായിരിക്കില്ല എന്നും കേരളത്തിൽ മുഹറം അവധി ഞായറാഴ്ച തന്നെ ആയിരിക്കുമെന്നും സർക്കാർ വൃത്തങ്ങൾ അറിയിച്ചു. സർക്കാർ നേരിട്ട് തയ്യാറാക്കിയ കലണ്ടർ പ്രകാരം ജൂലൈ 6 ഞായറാഴ്ച തന്നെയാണ് മുഹറം അവധിയായി പ്രഖ്യാപിച്ചിരുന്നത്.
ചന്ദ്രമാസ പിറവി പ്രകാരം ഈ വർഷം മുഹറം വരുന്നത് ജൂലൈ 7 തിങ്കളാഴ്ചയാണ്. ഇതോടെ ആണ് തിങ്കളാഴ്ചയും അവധി നൽകണമെന്ന് ആവശ്യപ്പെട്ട് ടി വി ഇബ്രാഹിം എം എൽ എ ഉൾപ്പെടെ ഉള്ള പ്രമുഖർ മുഖ്യമന്ത്രിക്ക് കത്ത് നൽകിയത്. ഇത് സംബന്ധിച്ചുള്ള വിവരങ്ങൾ ടിവി ഇബ്രാഹിം എം എൽ എ ഫെയ്സ്ബുക്കിൽ കുറിച്ചിട്ടുണ്ട്.
ഫെയ്സ്ബുക്ക് കുറിപ്പ്
ചന്ദ്രമാസ പിറവിയുടെ അടിസ്ഥാനത്തിൽ തീരുമാനിക്കുന്ന മുഹറം തിങ്കളാഴ്ചയാണ് കേരളത്തിൽ ആചരിക്കുന്നത്. സർക്കാർ കലണ്ടർ പ്രകാരം ജൂലൈ 6 ഞായറാഴ്ച ആണ് നിലവിൽ അവധിയുള്ളത്. എന്നാൽ മുഹറം ആചരിക്കുന്ന തിങ്കളാഴ്ച സംസ്ഥാനത്ത് പൊതു അവധി പ്രഖ്യാപിക്കണം എന്ന് ആവശ്യപ്പെട്ട് മുഖ്യമന്ത്രിക്ക് കത്ത് നൽകിയിട്ടുണ്ട്. ഫയൽ ജനറൽ അഡ്മിനിസ്ട്രേഷൻ വിഭാഗത്തിന്റെ പരിഗണനയിലാണ്.
