Arjun Ayanki: അടിയന്തര സാഹചര്യത്തിൽ അർജുൻ ആയങ്കിയെ വെടിവയ്ക്കാൻ നിർദ്ദേശം! കാറിൽ പാലിയേക്കര ടോൾ പ്ലാസ കടക്കുന്ന ദൃശ്യങ്ങളും പുറത്ത്

കൊച്ചി: അടിയന്തര സാഹചര്യം വരികയാണെങ്കിൽ അർജുൻ ആയങ്കിയെ വെടിവയ്ക്കാൻ നിർദ്ദേശം. പോലീസിനെ വെല്ലുവിളിച്ച് അർജുൻ ആയങ്കിൽ വേഗം പിടികൂടണമെന്ന് ആഭ്യന്തര മന്ത്രി രമേശ് ചെന്നിത്തല നേരത്തെ തന്നെ നിർദേശം നൽകിയിരുന്നു. പോലീസ് പോലീസിന്റെ ജോലി ചെയ്യുമെന്നും അദ്ദേഹം പറഞ്ഞു. അതിനിടെ ഒളിവിൽ ഇരിക്കുന്ന അർജുൻ ആയങ്കി സമൂഹമാധ്യമത്തിൽ വീണ്ടും പോസ്റ്റുമായി എത്തിയിരിക്കുകയാണ്.

ആയങ്കി കാറിൽ പാലിയേക്കര ടോൾ പ്ലാസ കടക്കുന്ന ദൃശ്യങ്ങളും പുറത്തു….

വടക്കുംനാഥ ക്ഷേത്രം മൈതാനത്ത് താൻ ഇരിക്കുന്നു എന്നാണ് അർജുൻ ആയങ്കി സമൂഹമാധ്യമത്തിൽ പോസ്റ്റ് ചെയ്തത്. അതേസമയം ആയങ്കി കാറിൽ പാലിയേക്കര ടോൾ പ്ലാസ കടക്കുന്ന ദൃശ്യങ്ങളും പുറത്തു വന്നിട്ടുണ്ട്. സംഭവത്തിൽ സഹോദരൻ അഖിലിനെ പോലീസ് കസ്റ്റഡിയിൽ എടുത്തിരിക്കുന്നതായും റിപ്പോർട്ട്. തൃശ്ശൂരിൽ വടക്കുംനാഥ ക്ഷേത്ര മൈതാനത്ത് നിന്നാണ് അഖിലിനെ കസ്റ്റഡിയിൽ എടുത്തത്.

ALSO READ:കുടിച്ച ചായയുടെ പണം ചോദിച്ചത് ഇഷ്ടപ്പെട്ടില്ല; മലപ്പുറത്ത് വയോധികന്റെ തട്ടുകട അടിച്ചു തകർത്ത യുവാവ് പിടിയിൽ

കോതമംഗലം ഇൻസ്പെക്ടർ ഭീഷണിപ്പെടുത്തിയ കേസിലാണ് അർജുൻ ആയങ്കിയെ പ്രത്യേക അന്വേഷണസംഘം രൂപീകരിച്ച് തിരച്ചിൽ നടത്തുന്നത്. കൂടാതെ അർജുൻ ആയങ്കിയുടെ രണ്ട് സുഹൃത്തുക്കളും പോലീസിന്റെ കസ്റ്റഡിയിൽ ആയിട്ടുണ്ട്. മൂവാറ്റുപുഴ ഡിവൈഎസ്പിയുടെ നേതൃത്വത്തിലുള്ള സംഘമാണ് സുഹൃത്തുക്കളെ കസ്റ്റഡിയിൽ എടുത്തതെന്നാണ് സൂചന അർജുൻ ആയങ്കി ഒളിവിൽ കഴിയാൻ ഇവർ സഹായിച്ചു എന്നാണ് നിരീക്ഷണം. സഊദ്, ഇസ്മായിൽ എന്നിവരാണ് പിടിയിലായത്. ഇവർ അർജ്ജുനുമായി അടുത്ത ബന്ധം സ്ഥാപിക്കുന്നവരും ആണ്.

കണ്ണൂർ സ്വദേശികളായ ഇരുവരെയും കൊച്ചിയിൽ നിന്നാണ് പോലീസ് കസ്റ്റഡിയിലെടുത്തത് ഏതാനും ദിവസങ്ങൾക്കു മുമ്പ് ഇവർക്കൊപ്പം അർജുൻ ആയങ്കി ഉണ്ടായിരുന്നതാണ് അന്വേഷണസംഘം കണ്ടെത്തിയിരിക്കുന്നത്. ഇവരെ കൂടുതൽ ചോദ്യം ചെയ്യാനാണ് പോലീസിന്റെ നീക്കം. ഒളിവിൽ കഴിയുന്ന പശ്ചാത്തലത്തിൽ പോലീസിനെയും സിഐമാരെയും ആഭ്യന്തരവകുപ്പിനെയും വൻതോതിൽ വെല്ലുവിളിച്ചുകൊണ്ട് സാമൂഹിക മാധ്യമങ്ങളിൽ അർജുൻ ആയങ്കി രംഗത്തെത്തിയിരുന്നു. ഇത് ആഭ്യന്തരവകുപ്പിനെ സംബന്ധിച്ച് വലിയ നാണക്കേടാണ് സൃഷ്ടിച്ചത്. ഇതിന് പിന്നാലെയാണ് അർജുൻ ആയങ്കിയെ പിടികൂടാനായി പ്രത്യേക അന്വേഷണ സംഘത്തെ ആഭ്യന്തരവകുപ്പ് നിയോഗിച്ചത്. കൂടാതെ ആഭ്യന്തരവകുപ്പ് മന്ത്രി രമേശ് ചെന്നിത്തല അർജുൻ ഉടൻ പിടികൂടണം എന്ന നിർദ്ദേശവും പോലീസ് സംഘത്തെ നൽകിയതായയും റിപ്പോർട്ട്.

ENGLISH SUMMARY

In case of an emergency, Arjun Ayanki has been instructed to be shot. Home Minister Ramesh Chennithala had earlier instructed that Arjun Ayanki should be arrested immediately if he challenges the police. He also said that the police will do the police’s job. Meanwhile, Arjun Ayanki, who is in hiding, has again posted on social media.