Watermelon: തണ്ണിമത്തൻ മധുരമുണ്ടോ? ഒറ്റനോട്ടത്തിൽ അറിയാം, മുറിച്ചും കഴിച്ചും നോക്കണ്ട
How To Identify Sweet Watermelon: തണ്ണിമത്തൻ വേനൽക്കാലത്ത് എല്ലാവരുടെയും വീട്ടിലെ സ്ഥിരസാനിധ്യമാണ്. എന്നാൽ കടയിൽ നിന്ന് നല്ല വലുപ്പമുള്ള തണ്ണിമത്തൻ വാങ്ങി, വീട്ടിൽ കൊണ്ട് വന്ന് മുറിച്ച് നോക്കിയാലോ, ഒന്നേ പഴുത്തിട്ടുണ്ടാവില്ല, അല്ലെങ്കിൽ മധുരം കാണില്ല...ഇതാണ് പലരുടെയും സ്ഥിതി. എന്നാൽ ഇതിനൊരു പരിഹാരമുണ്ട്. തണ്ണിമത്തൻ മധുരമുള്ളതാണോ എന്നറിയാൻ വഴിയുണ്ട്.
തണ്ണിമത്തൻ ഇഷ്ടമില്ലാത്തവരായി ആരുംതന്നെ കാണില്ല. പ്രത്യേകിച്ച് ഈ വേനൽക്കാലത്ത് എല്ലാവരുടെയും വീട്ടിലെ സ്ഥിരസാനിധ്യമാണിവ. എന്നാൽ കടയിൽ നിന്ന് നല്ല വലുപ്പമുള്ള തണ്ണിമത്തൻ വാങ്ങി, വീട്ടിൽ കൊണ്ട് വന്ന് മുറിച്ച് നോക്കിയാലോ, ഒന്നേ പഴുത്തിട്ടുണ്ടാവില്ല, അല്ലെങ്കിൽ മധുരം കാണില്ല…ഇതാണ് പലരുടെയും സ്ഥിതി. എന്നാൽ ഇതിനൊരു പരിഹാരമുണ്ട്. മുറിച്ചുനോക്കാതെയും കഴിച്ചുനോക്കാതെയും തണ്ണിമത്തൻ മധുരമുള്ളതാണോ എന്നറിയാൻ വഴിയുണ്ട്.
മധുരമുള്ള തണ്ണിമത്തൻ എങ്ങനെ തിരിച്ചറിയാം?
തണ്ണിമത്തന്റെ പുറംഭാഗത്തെ വരകൾ നന്നായി നോക്കുക. വരകൾ അടുത്തടുത്താണെങ്കിൽ തണ്ണിമത്തന് മധുരമുണ്ടാകാം.
അതുപോലെ പുറംതോടിൽ നേരിയ മഞ്ഞനിറം ഉണ്ടെങ്കിൽ അവയും വാങ്ങാവുന്നതാണ്. അവയ്ക്ക് മധുരം കാണും. അതേസമയം വെളുത്ത നിറമാണെങ്കിൽ അവയ്ക്ക് രുചി കുറവായിരിക്കും.
ALSO READ: ചക്കയും മാങ്ങയുമുള്ളപ്പോൾ വെള്ളരിക്ക എങ്ങനെ കണിയിലെ താരമായി… സാധാരണ കുക്കുമ്പർ അല്ല ഇത്, പ്രത്യേകതകൾ
തണ്ണിമത്തൻ വാങ്ങുന്നതിനുമുമ്പ് അതിന്റെ ആകൃതി ശ്രദ്ധിക്കുക. വൃത്താകൃതിയിലുള്ള തണ്ണിമത്തന് സാധാരണയായി മധുരവും രുചിയും കൂടുതലായിരിക്കും, അതേസമയം നീളമുള്ളതോ ഓവൽ ആകൃതിയിലുള്ളതോ ആയ തണ്ണിമത്തനിൽ കൂടുതൽ വെള്ളം അടങ്ങിയിരിക്കാം.
അതുപോലെ ഭാരം നോക്കിയും മധുരം കണ്ടെത്താൻ. തണ്ണിമത്തന് ഭാരം കൂടുതലാണെങ്കിൽ അതിൽ ജ്യൂസ് കൂടുതലായിരിക്കും. അതുപോലെ നന്നായി പഴുത്തിട്ടുണ്ടാകും.
തണ്ണിമത്തന്റെ തണ്ട് ഉണങ്ങിയ നിലയിലാണെങ്കിൽ അത് കൃത്യസമയത്ത് വിളവെടുത്തു എന്നാണ് അർത്ഥം. പച്ച നിറത്തിലാണെങ്കിൽ പാകമാകുന്നതിന് മുമ്പ് പറിച്ചെടുത്തതാകാൻ സാധ്യതയുണ്ട്.
