Egg price gap: പല വിലയിലുണ്ട് മുട്ടകൾ … ഗുണം മാത്രമല്ല കാരണം, മറ്റ് ഘടകങ്ങൾ ഇവ
Egg prices fluctuate over time: ഓരോ സ്ഥലത്തും ഓരോ സമയത്തും മുട്ടയുടെ വിലയിൽ മാറ്റങ്ങൾ വരും. ഓരോ സ്ഥലത്തും കോഴിത്തീറ്റയുടെ ലഭ്യത, ഗതാഗതച്ചെലവ്, അവിടുത്തെ ഡിമാൻഡ് എത്രയുണ്ട് എന്നതിനെ ആശ്രയിച്ച് വില സ്ഥലമനുസരിച്ചും കാലമനുസരിച്ചും മാറും.
കടയിലെത്തി മുട്ട വാങ്ങുമ്പോൾ പല വിലയിലുള്ളത് കണ്ടിട്ടില്ലേ... എന്താകും ഈ വില വ്യത്യാസത്തിനു കാരണം എന്നു ചിന്തിച്ചിട്ടുണ്ടോ? പല ഘടകങ്ങൾ ഇതിനു പിന്നിലുണ്ട്. മുട്ടയിടുന്ന കോഴികളെയാണ് ലേയർ കോഴികൾ എന്ന് പറയുന്നത്. ഇവയെ മാസങ്ങളോളം മുട്ടയിടാൻ വേണ്ടി വളർത്തണം. ഈ കോഴികൾക്ക് കൊടുക്കുന്ന തീറ്റ, താമസം, പരിചരണം എന്നിവയുടെ എല്ലാ ചിലവും മുട്ടയുടെ വിലയിൽ ഉൾപ്പെടുത്തും.
കോഴികൾക്ക് കൊടുക്കുന്ന തീറ്റയുടെ വില കൂടുമ്പോൾ, ഉദാഹരണത്തിന് ചോളം, സോയ എന്നിവയുടെ വില വർദ്ധിക്കുമ്പോൾ, കോഴി വളർത്തുന്നവർക്ക് ചിലവ് കൂടും. ഈ അധിക ചിലവ് അവർ മുട്ടയുടെ വില കൂട്ടിക്കൊണ്ട് തിരികെ വാങ്ങും.
മുട്ടയുടെ ലഭ്യത ചിലപ്പോൾ കുറയാം. തണുപ്പുകാലത്തോ, ഉത്സവ സമയങ്ങളിലോ ആവശ്യക്കാർ കൂടും. മുട്ട കുറഞ്ഞിരിക്കുകയും ആളുകൾ കൂടുതൽ വാങ്ങാൻ വരികയും ചെയ്യുമ്പോൾ സ്വാഭാവികമായും വില കൂടും.
ഒരു കോഴി മുട്ടയിട്ട് തുടങ്ങണമെങ്കിൽ അതിന് പ്രായമാകണം. ആ പ്രായം വരെ അതിനെ ചിലവ് ചെയ്ത് വളർത്തണം. ഈ സമയം മുഴുവനും ഉള്ള ചിലവുകൾ കണക്കിലെടുക്കുന്നത് കൊണ്ട്, മുട്ടകൾ കിട്ടിത്തുടങ്ങുമ്പോൾ വില കൂടും.
ഓരോ സ്ഥലത്തും ഓരോ സമയത്തും മുട്ടയുടെ വിലയിൽ മാറ്റങ്ങൾ വരും. ഓരോ സ്ഥലത്തും കോഴിത്തീറ്റയുടെ ലഭ്യത, ഗതാഗതച്ചെലവ്, അവിടുത്തെ ഡിമാൻഡ് എത്രയുണ്ട് എന്നതിനെ ആശ്രയിച്ച് വില സ്ഥലമനുസരിച്ചും കാലമനുസരിച്ചും മാറും.
