Ramadan 2026 Recipe: പുലര്ച്ചെ ചോറിന് മുരിങ്ങയില താളിപ്പാക്കാം; ഈസി റെസിപ്പ് ഇതാ പിടിച്ചോ
Muringayila Thalippu Recipe in Malayalam: മലപ്പുറംകാരുടെ സ്വന്തം മുരിങ്ങ താളിപ്പ് നിങ്ങളുടെ അടുക്കളയിലും ഉണ്ടാക്കാന് ഇതിനുമാത്രം പണിയൊന്നുമില്ല, വളരെ എളുപ്പമാണ്. ഈ നോമ്പുകാലത്ത് എങ്ങനെ രുചികരമായി മുരിങ്ങയില താളിപ്പ് ഉണ്ടാക്കാമെന്ന് നോക്കാം.
മുരിങ്ങയില താളിപ്പ്
റമദാന് മാസം വന്നെത്തിയിരിക്കുന്നു. പുലര്ച്ചെ ചോറ് കഴിക്കണമെങ്കില് പച്ചക്കറി കൊണ്ടുള്ള കറികള് എല്ലാവര്ക്കും വേണം. പുലര്ച്ചെ ചോറിന് എപ്പോഴും കൂട്ടാകുന്നത് ചിരങ്ങയാണ്. എന്നാല് ഇത്തവണ നമുക്കൊന്ന് മാറ്റിപ്പിടിച്ചാലോ? ചിരങ്ങ താളിക്കുന്നതിന് പകരം മുരിങ്ങയില ഒന്ന് താളിച്ചാലോ? ( മലബാര് ഭാഷയില് താളിപ്പ് അല്ലെങ്കില് താളിക്കല് എന്ന് പറഞ്ഞാല് പച്ചക്കറികളും മറ്റും കടുകിലും കറിവേപ്പിലയിലും വഴറ്റുന്നതിനെയാണ്).
മലപ്പുറംകാരുടെ സ്വന്തം മുരിങ്ങ താളിപ്പ് നിങ്ങളുടെ അടുക്കളയിലും ഉണ്ടാക്കാന് ഇതിനുമാത്രം പണിയൊന്നുമില്ല, വളരെ എളുപ്പമാണ്. ഈ നോമ്പുകാലത്ത് എങ്ങനെ രുചികരമായി മുരിങ്ങയില താളിപ്പ് ഉണ്ടാക്കാമെന്ന് നോക്കാം.
ചേരുവകള്
മുരിങ്ങയില
4 ചെറിയ ഉള്ളി
2 അല്ലി വെളുത്തുള്ളി
പച്ചമുളക് ആവശ്യത്തിന്
ഉപ്പ്
കഞ്ഞിവെള്ളം
വെളിച്ചെണ്ണ
Also Read: Sweet Potatoes: മധുരക്കിഴങ്ങ് കഴിച്ചാൽ വണ്ണം കുറയുമോ?
തയാറാക്കുന്ന വിധം
വെളിച്ചെണ്ണ ചൂടാക്കി അതിലേക്ക് ചെറിയ ഉള്ളിയും പച്ചമുളകും അരിഞ്ഞത് ചേര്ത്ത് നന്നായി വഴറ്റിയെടുക്കുക. ശേഷം ആവശ്യത്തിന് ഉപ്പ് ചേര്ക്കാം. ഉള്ളിയുടെ നിറം മാറി ഏകദേശം ബ്രൗണ് ആകുമ്പോള് കഞ്ഞിവെള്ളം ഒഴിച്ച് കൊടുക്കാം. കഞ്ഞിവെള്ളം നന്നായി തിളയ്ക്കണം. തിളച്ച് വറ്റിവരുമ്പോള് മുരിങ്ങയില ഇടാം. ഇലകള് കടും പച്ച നിറമാകുന്നത് വേവിച്ച് കൊടുക്കണം. എന്നിട്ട് അടുപ്പില് നിന്ന് വാങ്ങി ഉപയോഗിക്കാവുന്നതാണ്.
