Health Tips: കുട്ടികൾ അമിതമായി മധുരം കഴിക്കരുത്; ഭാവിയിൽ കാത്തിരിക്കുന്നത് വലിയ അപകടങ്ങൾ
Kids Eating Too Much Sugar: അമിതമായ പഞ്ചസാരയുടെ ഉപയോഗം നിരവധി ആരോഗ്യ പ്രശ്‌നങ്ങൾക്ക് കാരണമാകുകയും, മയക്കുമരുന്നിന് അടിമപ്പെടുന്നപ്പോലെ തന്നെ സമാനമായ ആസക്തി വർദ്ധിപ്പിക്കുകയും ചെയ്യുന്നു. പഞ്ചസാരയുടെ അമിത ഉപയോഗം കുട്ടികളുടെ ആരോഗ്യത്തെ എങ്ങനെയെല്ലാം പ്രതികൂലമായി ബാധിക്കുമെന്ന് നോക്കാം.
മുതിർന്നവരായാലും കുട്ടികളായാലും അമിതമായി കഴിക്കാൻ പാടില്ലാത്ത ഒന്നാണ് പഞ്ചസാര അല്ലെങ്കിൽ മധുരം. എല്ലാവർക്കും മധുരം ഇഷ്ടമാണ് പ്രത്യേകിച്ച് കുട്ടികൾക്ക്. എന്നാൽ അമിതമായി പഞ്ചസാര കഴിക്കുന്നത് പലപ്പോഴും വലിയ ആരോഗ്യ പ്രശ്‌നങ്ങൾക്ക് കാരണമാകാറുണ്ട്. നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് (NIH) പഠനം അനുസരിച്ച്, അമിതമായ പഞ്ചസാരയുടെ ഉപയോഗം നിരവധി ആരോഗ്യ പ്രശ്‌നങ്ങൾക്ക് കാരണമാകുകയും, മയക്കുമരുന്നിന് അടിമപ്പെടുന്നപ്പോലെ തന്നെ സമാനമായ ആസക്തി വർദ്ധിപ്പിക്കുകയും ചെയ്യുന്നു. പഞ്ചസാരയുടെ അമിത ഉപയോഗം കുട്ടികളുടെ ആരോഗ്യത്തെ എങ്ങനെയെല്ലാം പ്രതികൂലമായി ബാധിക്കുമെന്ന് നോക്കാം.
ശരീരഭാരം വർദ്ധിപ്പിക്കൽ
മിഠായി, പേസ്ട്രികൾ തുടങ്ങിയ പഞ്ചസാര ചേർത്ത ഭക്ഷണങ്ങളിൽ കലോറി വളരെയധികം കൂടുതലാണ്. അതുപോലെ ആവശ്യമായ പോഷകങ്ങൾ കുറവാണ്. ഇവ പതിവായി കഴിക്കുന്നത് ശരീരഭാരം വർദ്ധിപ്പിക്കുന്നതിനും കാലക്രമേണ അമിതവണ്ണത്തിനും കാരണമാകും. ടൈപ്പ് 2 പ്രമേഹം, ഹൃദ്രോഗം തുടങ്ങിയ ഗുരുതരമായ ആരോഗ്യപ്രശ്നങ്ങൾക്ക് പൊണ്ണത്തടി കാരണമാകാറുണ്ട്. കുട്ടികളിലെ പൊണ്ണത്തടി നിരക്ക് വർദ്ധിക്കുന്നതിന് പഞ്ചസാരയുടെ അളവ് കൂടുതലാണെന്ന് ലോകാരോഗ്യ സംഘടന (WHO) യുടെ പഠനത്തിൽ പറഞ്ഞിരുന്നു.
ദന്ത പ്രശ്നങ്ങൾ
വായിലെ ദോഷകരമായ ബാക്ടീരിയകളും വളർച്ചയ്ക്ക് മധുരമടങ്ങിയ ഭക്ഷണം കാരണമാകുന്നു. ഈ ബാക്ടീരിയകൾ പഞ്ചസാര കഴിക്കുമ്പോൾ, അവ ആസിഡുകൾ ഉത്പാദിപ്പിക്കുന്നു, ഇത് പല്ലിന്റെ ഇനാമലിനെ നശിപ്പിക്കുകയും പല്ലിന് അറകൾ, ക്ഷയം എന്നീ പ്രശ്നങ്ങളിലേക്ക് നയിക്കുകയും ചെയ്യും.
ഊർജ്ജ വർദ്ധനവ്
മധുരമുള്ള ലഘുഭക്ഷണത്തിന് ശേഷം കുട്ടികളിൽ പെട്ടെന്ന് ഊർജ്ജം വരുകയും പിന്നാട് പെട്ടെന്ന് തന്നെ അസ്വസ്ഥത അനുഭവപ്പെടുകയും ചെയ്യുന്നത് എപ്പോഴെങ്കിലും ശ്രദ്ധിച്ചിട്ടുണ്ടോ? ധാരാളം പഞ്ചസാര കഴിക്കുന്നത് രക്തത്തിലെ പഞ്ചസാരയുടെ അളവിൽ പെട്ടെന്നുള്ള വർദ്ധനവിന് കാരണമാകും, ഇത് പെട്ടെന്ന് ഊർജ്ജം വർദ്ധിപ്പിക്കുകയും തുടർന്ന് പെട്ടെന്ന് കുറയുകയും ചെയ്യുന്നു. ഈ റോളർകോസ്റ്റർ മാനസികാവസ്ഥയിലെ മാറ്റങ്ങൾ, ക്ഷോഭം, ശ്രദ്ധ കേന്ദ്രീകരിക്കുന്നതിൽ ബുദ്ധിമുട്ട് എന്നിവയ്ക്ക് കാരണമാകും.
വിട്ടുമാറാത്ത രോഗങ്ങളുടെ സാധ്യത
ചെറുപ്പത്തിൽ തന്നെ ആരോഗ്യകരമായ ശീലങ്ങൾ ആരംഭിക്കേണ്ടത് പ്രധാനമാണ്. ചെറുപ്രായത്തിൽ തന്നെ പഞ്ചസാരയുടെ ഉപയോഗം പിന്നീട് വിട്ടുമാറാത്ത രോഗങ്ങളുടെ സാധ്യത വർദ്ധിപ്പിക്കുന്നതായി കണ്ടെത്തിയിട്ടുണ്ട്. ദീർഘകാല ആരോഗ്യം സംരക്ഷിക്കുന്നതിനായി ചെറുപ്പം മുതൽ തന്നെ പഞ്ചസാരയുടെ ഉപഭോഗം കുറയ്ക്കേണ്ടത് വളരെ പ്രധാനമാണ്.
രോഗപ്രതിരോധശേഷി
അമിതമായ അളവിൽ പഞ്ചസാര കഴിക്കുന്നത് ഒരാളുടെ രോഗപ്രതിരോധ സംവിധാനത്തിന്റെ പ്രവർത്തനത്തെ ബാധിക്കുന്നു. പഞ്ചസാര കൂടുതലുള്ള ഭക്ഷണക്രമം രോഗപ്രതിരോധ പ്രവർത്തനത്തെ തടസ്സപ്പെടുത്തുകയും കുട്ടികളിൽ പെട്ടെന്ന് അണുബാധകൾ പിടിപെടാൻ കാരണമാവുകയും ചെയ്യുന്നു.
