നെല്ലിക്കക്കുരുവിൽ ചരിത്രം രചിച്ച് പതഞ്ജലി; ആയുർവേദത്തിന്റെ കരുത്ത് ലോകത്തിന് മുന്നിൽ
നെല്ലിക്ക വിത്തിന് പല ഗുണങ്ങളും ഉണ്ടെന്ന് തെളിയിച്ചിരിക്കുകയാണ് പതഞ്ജലി. ആചാര്യ ബാലകൃഷ്ണയുടെ മാർഗ്ഗനിർദ്ദേശത്തിൽ നടന്ന പഠനത്തിലൂടെ, പതഞ്ജലി റിസർച്ച് ഇൻസ്റ്റിറ്റ്യൂട്ട് നെല്ലിക്കക്കുരുവിന്റെ ഗുണങ്ങള് ലോകത്തിന് പരിചയപ്പെടുത്തുകയാണ്.
Amla
രോഗപ്രതിരോധശേഷിക്ക് ഏറ്റവും മികച്ചതാണ് നെല്ലിക്ക. നെല്ലിക്ക അച്ചാറിടാനും, പച്ചയ്ക്ക് തിന്നാനും നമ്മളില് പലര്ക്കും ഇഷ്ടമാണ്. എന്നാല് നെല്ലിക്കയുടെ വിത്തിന് ഗുണമൊന്നുമില്ലെന്ന് കരുതി അത് വലിച്ചെറിയുന്നവരാണ് നമ്മളില് പലരും. ഉപയോഗ്യശൂന്യമെന്ന് കരുതുന്ന നെല്ലിക്ക വിത്തിന് പല ഗുണങ്ങളും ഉണ്ടെന്ന് തെളിയിച്ചിരിക്കുകയാണ് പതഞ്ജലി. ആചാര്യ ബാലകൃഷ്ണയുടെ മാർഗ്ഗനിർദ്ദേശത്തിൽ നടന്ന പഠനത്തിലൂടെ, പതഞ്ജലി റിസർച്ച് ഇൻസ്റ്റിറ്റ്യൂട്ട് നെല്ലിക്കക്കുരുവിന്റെ ഗുണങ്ങള് ലോകത്തിന് പരിചയപ്പെടുത്തുകയാണ്.
ആന്റിഓക്സിഡന്റുകൾ, ഒമേഗ ഫാറ്റി ആസിഡുകൾ, ലിനോലെയിക് ആസിഡ്, ക്വെർസെറ്റിൻ, കാറ്റെച്ചിൻ തുടങ്ങിയവ നെല്ലിക്കക്കുരുവില് ധാരാളമുണ്ടെന്ന് പതഞ്ജലി റിസർച്ച് ഇൻസ്റ്റിറ്റ്യൂട്ട് കണ്ടെത്തി. ഹൃദയാരോഗ്യം, ചർമ്മ സംരക്ഷണം, മുടി വളർച്ച, മാനസികാരോഗ്യം എന്നിവയ്ക്ക് ഏറെ ഗുണകരമായ പോഷകങ്ങള് ഇതിലുണ്ടെന്നാണ് കണ്ടെത്തല്.
ഈ കണ്ടെത്തലുകൾ ഉപയോഗിച്ച് പതഞ്ജലി നിരവധി പുതിയ ആയുർവേദ ഉൽപ്പന്നങ്ങൾ വികസിപ്പിച്ചെടുത്തിട്ടുണ്ട്. ഹൃദയാരോഗ്യത്തെ പിന്തുണയ്ക്കുന്ന കാപ്സ്യൂളുകൾ, ചർമ്മ-മുടി സംരക്ഷണത്തിനുള്ള ഫൈറ്റോ ന്യൂട്രിയന്റ് ഓയിലുകൾ, സമ്മർദ്ദവും വീക്കവും കുറയ്ക്കാൻ സഹായിക്കുന്ന ഹെർബൽ ഗുളികകൾ, പ്രമേഹ നിയന്ത്രണത്തിനുള്ള പ്രത്യേക സപ്ലിമെന്റുകൾ എന്നിവ ഇതിൽ ഉൾപ്പെടുന്നു.
Also Read: ചെവിയിലെ പ്രശ്നങ്ങൾ ഒഴിവാക്കാം; ഇയർഗ്രിറ്റ് ഇയർഡ്രോപ്പ് പതഞ്ജലി
ആയുഷ് മന്ത്രാലയം, സിഎസ്ഐആർ, നിരവധി അന്താരാഷ്ട്ര ശാസ്ത്ര സ്ഥാപനങ്ങൾ എന്നിവ ഈ ഗവേഷണത്തെ അംഗീകരിച്ചിട്ടുണ്ട്.
കര്ഷകര്ക്കും നേട്ടം
മുൻപ് പാഴായിപ്പോയിരുന്ന നെല്ലിക്കക്കുരു പതഞ്ജലി നേരിട്ട് വാങ്ങുന്നത് കര്ഷകര്ക്കും ഗുണമായിരിക്കുകയാണ്. കര്ഷകര്ക്ക് ഇത് വരുമാനമാര്ഗമായിരിക്കുകയാണ്. പതഞ്ജലി നടപ്പിലാക്കുന്ന ‘സീറോ വേസ്റ്റ്’ മാതൃക പരിസ്ഥിതിക്ക് ഏറെ ഗുണകരമാണ്. നെല്ലിക്കക്കുരുവിൽ നിന്നുള്ള ഉൽപ്പന്നങ്ങൾ ഇപ്പോൾ യുഎസ്, യൂറോപ്പ്, തെക്കുകിഴക്കൻ ഏഷ്യ എന്നിവിടങ്ങളിലേക്ക് കയറ്റുമതി ചെയ്യുന്നു. ഇത് ഇന്ത്യയ്ക്ക് പുതിയ ബിസിനസ്സ് അവസരങ്ങൾ തുറക്കുന്നു.
2024-ൽ പതഞ്ജലി നെല്ലിക്ക വിത്ത് സത്ത് ഫോർമുലേഷനുകളിൽ ഒന്നിലധികം പേറ്റന്റുകൾ ഫയൽ ചെയ്തിരുന്നു. ഇത് ആഗോള ഹെർബൽ ഇൻവേഷൻ രംഗത്ത് ഇന്ത്യയ്ക്ക് അംഗീകാരം നേടിക്കൊടുത്തു. ആയുഷ്, ഇന്ത്യൻ ജേണൽ ഓഫ് നാച്ചുറൽ പ്രോഡക്ട്സ്, ഇന്റർനാഷണൽ ജേണൽ ഓഫ് ഹെർബൽ റിസർച്ച് എന്നിവയുൾപ്പെടെയുള്ള അക്കാദമിക് ജേണലുകളിൽ ഗവേഷണ ഫലങ്ങൾ പ്രസിദ്ധീകരിച്ചു.
