Pomegranates: തോന്നുംപോലെ അല്ല, ഇവർ ഒരിക്കലും മാതളനാരങ്ങ കഴിക്കരുത്!
Pomegranates and Health Risks: മാതളനാരങ്ങയിലെ ആന്റിഓക്സിഡന്റുകളും വിറ്റാമിനുകളും ശരീരത്തിന് ഏറെ ഗുണകരമാണ്. എന്നിരുന്നാലും ചില പ്രത്യേക വിഭാഗത്തിൽപ്പെട്ട ആളുകൾ ഇത് കഴിക്കുന്നത് ഒഴിവാക്കണമെന്ന് ആരോഗ്യവിദഗ്ധർ പറയുന്നു.
Pomegranates Image
നിരവധി ആരോഗ്യഗുണങ്ങളുള്ള പഴവർഗമാണ് മാതളനാരങ്ങ. ഇവയിലടങ്ങിയിരിക്കുന്ന ആന്റിഓക്സിഡന്റുകളും വിറ്റാമിനുകളും ശരീരത്തിന് ഏറെ ഗുണകരമാണ്. എന്നിരുന്നാലും ചില പ്രത്യേക വിഭാഗത്തിൽപ്പെട്ട ആളുകൾ ഇത് കഴിക്കുന്നത് ഒഴിവാക്കണമെന്ന് ആരോഗ്യവിദഗ്ധർ പറയുന്നു. മാതളനാരങ്ങ കഴിക്കാൻ പാടില്ലാത്ത 5 തരം ആളുകൾ ആരെല്ലാമെന്ന് നോക്കാം…
കുറഞ്ഞ രക്തസമ്മർദ്ദമുള്ളവർ
മാതളനാരങ്ങയിൽ പൊട്ടാസ്യവും ആന്റിഓക്സിഡന്റുകളും ധാരാളം അടങ്ങിയിട്ടുണ്ട്. ഇവ രക്തക്കുഴലുകളെ വിശ്രമിക്കാനും അതുവഴി രക്തസമ്മർദ്ദം കുറയ്ക്കാനും ഇടയാക്കും. അതിനാൽ ഉയർന്ന രക്തസമ്മർദ്ദമുള്ളവർക്ക് ഇവ ഗുണകരമാണ്. പക്ഷേ ഇതിനകം തന്നെ കുറഞ്ഞ രക്തസമ്മർദ്ദമുള്ള ആളുകൾ മാതളനാരങ്ങ കൂടുതലായി കഴിച്ചാൽ, രക്തസമ്മർദ്ദം വീണ്ടും ഗുരുതര പ്രശ്നങ്ങൾക്ക് കാരണമായേക്കാം.
ചില മരുന്നുകൾ കഴിക്കുന്നവർ
ACE ഇൻഹിബിറ്ററുകൾ, സ്റ്റാറ്റിനുകൾ, ബീറ്റാ-ബ്ലോക്കറുകൾ, രക്തം കട്ടപിടിക്കുന്നത് തടയുന്ന മരുന്നുകൾ (ആന്റികൊയാഗുലന്റുകൾ) തുടങ്ങിയവ കഴിക്കുന്നവർ മാതാളനാരങ്ങ കഴിക്കരുത്. ഈ മരുന്നുകളുമായി മാതളനാരങ്ങ പ്രതിപ്രവർത്തിക്കാൻ സാധ്യതയുണ്ട്. മാതളനാരങ്ങയിലെ ചില സംയുക്തങ്ങൾ കരളിന്റെ പ്രവർത്തനത്തെമന്ദഗതിയിലാക്കുകയും, മരുന്നുകൾ ശരീരത്തിൽ കൂടുതൽ സമയം നിലനിൽക്കാൻ ഇടയാക്കുകയും ചെയ്യും. ഇത് മരുന്നുകളുടെ പാർശ്വഫലങ്ങൾ വർദ്ധിപ്പിക്കും.
ALSO READ: അരിപ്പുട്ട് കഴിച്ച് മടുത്തോ? ഈ വെറൈറ്റി പുട്ട് ട്രൈ ചെയ്യൂ; രുചി മാത്രമല്ല ഹെൽത്തിയുമാണ്
ശസ്ത്രക്രിയയ്ക്ക് തയ്യാറെടുക്കുന്നവർ
ഒരു ശസ്ത്രക്രിയയ്ക്ക് തയ്യാറെടുക്കുന്നവർ, അതിന് രണ്ടാഴ്ച മുമ്പെങ്കിലും മാതളനാരങ്ങ കഴിക്കുന്നത് ഒഴിവാക്കണമെന്ന് ആരോഗ്യവിദഗ്ധർ പറയുന്നു. മാതളനാരങ്ങ രക്തം കട്ടപിടിക്കുന്ന പ്രക്രിയയെ ബാധിക്കുകയും അനസ്തീസിയ മരുന്നുകളുമായി പ്രതിപ്രവർത്തിക്കുകയും ചെയ്തേക്കാം. ഇത് ശസ്ത്രക്രിയയ്ക്കിടെ അമിതമായ രക്തസ്രാവത്തിനുള്ള സാധ്യത വർദ്ധിപ്പിക്കും.
ദഹനപ്രശ്നങ്ങളുള്ളവർ
മാതളനാരങ്ങയിൽ അടങ്ങിയിട്ടുള്ള ടാനിനുകൾ ചിലപ്പോൾ കുടലിലെ ആവരണത്തെ പ്രകോപിപ്പിക്കുകയും, വയറുവേദന, വയറുവീർപ്പ്, വയറിളക്കം എന്നിവയ്ക്ക് കാരണമാവുകയും ചെയ്യാം. മാതളനാരങ്ങയുടെ കടുപ്പമുള്ള വിത്തുകൾ ദഹനത്തിന് കൂടുതൽ പ്രയാസമുണ്ടാക്കും. ഇറിറ്റബിൾ ബവൽ സിൻഡ്രോം പോലുള്ള പ്രശ്നങ്ങളുള്ളവർ പ്രത്യേകം ശ്രദ്ധിക്കണം.
അലർജിയുള്ളവർ
മാതളനാരങ്ങയോടുള്ള അലർജിയുടെ ലക്ഷണങ്ങളിൽ ചൊറിച്ചിൽ, മുഖത്തോ തൊണ്ടയിലോ ഉണ്ടാകുന്ന വീക്കം, ചർമ്മത്തിലെ തിണർപ്പ്, ശ്വാസതടസ്സം (അനാഫൈലക്സിസ്) എന്നിവ ഉൾപ്പെടുന്നു. അലർജിയുടെ ലക്ഷണങ്ങൾ കണ്ടാൽ ഉടൻ തന്നെ അതിന്റെ ഉപയോഗം നിർത്തുകയും ഡോക്ടറെ സമീപിക്കുകയും ചെയ്യുക.
