Malayalam News Lifestyle Travel > Ernakulam to Bengaluru Vande Bharat Express Ticket Fare, You can travel for 1000 rupees, Check Full Details here

Vande Bharat: ബെംഗളൂരുവിൽ നിന്ന് എറണാകുളത്തെത്താൻ 1000 രൂപ; വന്ദേഭാരത് നിരക്ക് ഇങ്ങനെ….

Ernakulam - Bengaluru Vande Bharat Ticket Fare: ബെംഗളൂരുവിൽ നിന്ന് എറണാകുളം വരെയുള്ള 638 കിലോമീറ്റർ വെറും 8 മണിക്കൂർ 40 മിനിട്ട് കൊണ്ടാണ് താണ്ടുന്നത്. ആകെ ഒമ്പത് സ്റ്റേഷനുകളിലാണ് നിർത്തുന്നത്. 600ല്‍ കൂടുതല്‍ സീറ്റുകളുണ്ട്.

Vande Bharat Express

Nithya Vinu

Updated On:

29 Dec 2025 | 02:12 PM

കുറഞ്ഞ ചെലവിൽ വളരെ വേഗത്തിൽ എറണാകുളത്ത് നിന്ന് ബെംഗളൂരൂ വരെ യാത്ര ചെയ്യാനുള്ള സൗകര്യവുമായി വന്ദേഭാരത്. ബെംഗളൂരൂവിലെ മലയാളികൾക്ക്, ഐടി പ്രൊഫഷണലുകൾക്കും കേരളത്തിനും ബെംഗളൂരുവിനും ഇടയിൽ യാത്ര ചെയ്യുന്ന വിദ്യാർത്ഥികൾക്കുമെല്ലാം ഈ സർവീസ് പ്രയോജനപ്പെടും. ബെംഗളൂരുവിൽ നിന്ന് എറണാകുളം വരെയുള്ള 638 കിലോമീറ്റർ വെറും 8 മണിക്കൂർ 40 മിനിട്ട് കൊണ്ടാണ് താണ്ടുന്നത്.

കഴിഞ്ഞ നവംബറിൽ പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്ത എറണാകുളം- കെഎസ്ആർ ബെംഗളൂരു വന്ദേഭാരത് എക്സ്പ്രസാണ് ഇവിടെ താരം. ബെംഗളൂരു – എറണാകുളം റൂട്ടിലെ ഏറ്റവും കുറഞ്ഞ ചാർജ് 1095 രൂപയാണ്. ചെയർകാറിലാണ് ഈ തുക നൽകേണ്ടത്. എക്സിക്യൂട്ടിവ് ചെയർകാറിലാണ് യാത്ര ചെയ്യേണ്ടത് എങ്കിൽ 2289 രൂപ നൽകണം.

റിസർവേഷൻ ചാർജും ജിഎസ്ടിയും ഒഴികെയാണ് ചെയർകാറിലും എക്സിക്യൂട്ടീവ് ചെയർകാറിലും ഈ നിരക്ക് വരുന്നത്. കൃഷ്ണരാജപുരം, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ എന്നിങ്ങനെ ആകെ ഒമ്പത് സ്റ്റേഷനുകളിലാണ് നിർത്തുന്നത്. 600ല്‍ കൂടുതല്‍ സീറ്റുകളുണ്ട്.

ALSO READ: വന്ദേഭാരത് കോസ്റ്റ്ലി ആണെന്ന് ആരാ പറഞ്ഞേ? കുറഞ്ഞ നിരക്കിൽ യാത്ര ചെയ്യാനും വഴിയുണ്ട്!

ബെംഗളൂരു – എറണാകുളം (ട്രെയിൻ നമ്പർ 26652) ഉച്ചക‍ഴിഞ്ഞ് 2:20ന് പുറപ്പെട്ട്, രാത്രി 11:00ന് എറണാകുളം ജങ്ഷനിലെത്തിച്ചേരും. തൃശൂർ (3.17), പാലക്കാട് (4.35), കോയമ്പത്തൂർ (5.20), തിരുപ്പൂർ (6.03), ഈ റോഡ് (6.45), സേലം (7.18), കെആർ പുരം (10.23) എന്നിങ്ങനെയാണ് സർവീസ് സമയം.