Vijay: ‘അമിതാവേശം കാണിക്കരുത്, ഹെല്മറ്റില്ലാതെ എന്നെ ബൈക്കില് പിന്തുടരരുത്’; ജയനായകൻ ഷൂട്ടിന് മുമ്പ് ആരാധകര്ക്ക് വിജയ്യുടെ ഉപദേശം
Actor Vijay Urges Fans :ചെന്നൈ വിമാനത്താവളത്തിൽ എത്തിയപ്പോഴായിരുന്നു താരത്തിന്റെ ഉപദേശം. പൊതുവേദികളിൽ തന്നെ കാണാൻ എത്തുമ്പോൾ അമിതാവേശം കാണിക്കരുതെന്നും അത് തന്നെ ഭയപ്പെടുത്തുന്നുവെന്നുവാണ് വിജയ് പറയുന്നത്.
Tvk Founder Vijay
കോയമ്പത്തൂരിൽ നടന്ന ഒരു രാഷ്ട്രീയ പരിപാടിയിൽ വിജയിയെ കാണാൻ ഒരു ആരാധകൻ അദ്ദേഹത്തിന്റെ വാഹനത്തിന് മുകളിൽ കയറിയിരുന്നു. പിന്നാലെ മറ്റൊരാളും ഇതേ ശ്രമം നടത്തിയിരുന്നു. ഇതിന്റെ പശ്ചാത്തലത്തിലാണ് വിജയ്യുടെ പ്രസ്ഥാവന.
നിങ്ങളുടെ സ്നേഹത്തിന് നന്ദിയെന്നും താൻ തന്റെ പുതിയ ചിത്രമായ ജനനായകന്റെ ഷൂട്ടിംഗിനായി കൊടൈക്കനാലിലേക്ക് പോവുകയാണെന്നും നിങ്ങളെല്ലാവരും സുരക്ഷിതരായി വീട്ടിലേക്ക് മടങ്ങണമെന്നും വിജയ് പറഞ്ഞു.
ഹെൽമെറ്റ് ഇല്ലാതെ ഇരുചക്രവാഹനത്തിൽ നിന്നുകൊണ്ട് തന്നെ പിന്തുടരരുതെന്നും വിജയ് പറഞ്ഞു. അതേസമയം തന്റെ മധുര യാത്രയയുമായി ബന്ധപ്പോട്ട് സോഷ്യൽ മീഡിയയിൽ തെറ്റായ വാർത്തകൾ പ്രചരിക്കുന്നുണ്ട്. ഇതിൽ യാതൊരു രാഷ്ട്രീയ ലക്ഷ്യമൊന്നുമില്ലെന്ന് നടൻ പറഞ്ഞു.
ഈ യാത്ര തൊഴിലുമായി ബന്ധപ്പെട്ടാണെന്നും വിജയ് കൂട്ടിച്ചേർത്തു. വിജയ്യുടെ അവസാന ചിത്രമാകും 'ജനനായകന്' എന്നാണ് റിപ്പോർട്ട്. ഇതിനു ശേഷം സജീവ രാഷ്ട്രിയത്തിലേക്ക് തിരിയുകയാണ് താരം.
