Aishwarya Rai’s tribute to Operation Sindoor: നെറുകയിൽ സിന്ദൂരവും സാരിയും അണിഞ്ഞ് ഐശ്വര്യ എത്തി, കാനിൽ ‘ഓപ്പറേഷന് സിന്ദൂറി’ന് ആദരം
Aishwarya Rai Bachchan Cannes 2025: ആകാംക്ഷയ്ക്ക് വിരാമമിട്ട് കാൻ റെഡ് കാർപ്പെറ്റിൽ ഐശ്വര്യ എത്തി. പതിവ് പോലെ തന്നെ ആരാധകരുടെ മനംകീഴടക്കാൻ ലോക സുന്ദരിക്ക് സാധിച്ചു. അതേസമയം താരത്തിന്റെ കാൻ ലുക്ക് സോഷ്യൽ മീഡിയയിൽ ചർച്ചയായിരിക്കുകയാണ്.
78-ാമത് കാൻ ഫിലിം ഫെസ്റ്റിവലിലെ റെഡ് കാർപെറ്റിൽ വീണ്ടും ആരാധകരുടെ മനംകവർന്ന് ഐശ്വര്യ റായ്. വൻ വരവേൽപ്പാണ് ലോകസുന്ദരിക്ക് ലഭിച്ചത്.
ഐശ്വര്യ റായുടെ കാൻ ലുക്ക് ഇപ്പോൾ ലോക ശ്രദ്ധ ആകർഷിക്കുകയാണ്. നെറുകയിൽ സിന്ദൂരം അണിഞ്ഞ് ഐവറി നിറത്തിലുള്ള സാരി ധരിച്ചാണ് ഐശ്വര്യ ഇത്തവണത്തെ കാനിൽ എത്തിയത്. ഇത് ഓപ്പറേഷൻ സിന്ദൂരിന് വേണ്ടിയുള്ള ആദരമാണെന്ന് സോഷ്യൽ മീഡിയ പറയുന്നു.
കദ്വ ബനാറസി ഹാൻഡ്ലൂം സാരിയാണ് ഐശ്വര്യ ധരിച്ചിരുന്നത്. ആഭരണങ്ങളും ഏറെ ശ്രദ്ധ നേടി. 500 കാരറ്റിലേറെയുള്ള മാണിക്യക്കല്ലുകളും അണ്കട്ട് ഡയമണ്ടുകളുമുള്ള നെക്ക്ലേസാണ് താരം അണിഞ്ഞത്.
കാൻ ലുക്കിന് പിന്നിൽ പ്രമുഖ ഫാഷൻ ഡിസൈനർ മനീഷ് മൽഹോത്രയാണ്. ഇടതുവശത്ത് റെഡ്കാർപ്പറ്റില് ഒഴുകിക്കിടക്കുന്ന വിധം സാരിയുടെ മുന്താണിയും വലതു വശത്ത് ഗോൾഡൻ വർക്കുള്ള ഐവറി ഷാളും സ്റ്റൈൽ ചെയ്താണ് റെഡ് കാർപ്പറ്റിൽ താരം എത്തിയത്.
അതേസമയം നെറുകയിൽ സിന്ദൂരമണിഞ്ഞ് ഐശ്വര്യ എത്തിയത് വിവാഹ മോചന അഭ്യൂങ്ങൾക്ക് മറുപടിയാണെന്ന വാദവുമുണ്ട്. അഭിഷേക് ബച്ചനുമായുള്ള വിവാഹ ബന്ധം നടി അവസാനിപ്പിക്കുകയാണെന്ന വാർത്തകൾ അടുത്തിടെ പ്രചരിച്ചിരുന്നു.
