Avocado vs Egg: അവോക്കാഡോയോ മുട്ടയോ: ഏതാണ് കൂടുതൽ ആരോഗ്യകരം?
Avocado Or Egg Is Healthy: സമ്പൂർണ്ണ പ്രോട്ടീന്റെ മികച്ച ഉറവിടമാണ് മുട്ട. അവയിൽ ഒമ്പത് അവശ്യ അമിനോ ആസിഡുകളും അടങ്ങിയിരിക്കുന്നു. ഒരു വലിയ മുട്ടയിൽ ഏകദേശം 70 കലോറിയും, 6 ഗ്രാം പ്രോട്ടീനും, 5 ഗ്രാം കൊഴുപ്പും (ആരോഗ്യകരമായ അപൂരിത കൊഴുപ്പുകൾ ഉൾപ്പെടെ) അടങ്ങിയിട്ടുണ്ട്.
ശരീരഭാരം കുറയ്ക്കാനും പേശികളുടെ ശക്തി മെച്ചപ്പെടുത്താനും ശ്രമിക്കുന്നവർ, പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് ഏറെ ഗുണം ചെയ്യും. അവോക്കാഡോയും മുട്ടയും തിരഞ്ഞെടുക്കുമ്പോൾ, അവയിൽ ഏതാണ് ഏറ്റവും പ്രോട്ടീൻ സമ്പുഷ്ടമായതെന്ന് ആശയക്കുഴപ്പം തോന്നിയേക്കാം.
ആരോഗ്യകരമായ കൊഴുപ്പുകൾ, പ്രത്യേകിച്ച് മോണോസാച്ചുറേറ്റഡ് കൊഴുപ്പുകൾ അടങ്ങിയ പോഷകസമൃദ്ധമായ ഒരു പഴമാണ് അവോക്കാഡോ. ഇത് ഹൃദയാരോഗ്യത്തിനും ചീത്ത കൊളസ്ട്രോൾ കുറയ്ക്കാൻ സഹായിക്കുകയും ചെയ്യും. ഒരു ഇടത്തരം അവോക്കാഡോയിൽ ഏകദേശം 240 കലോറി, 12 ഗ്രാം കാർബോഹൈഡ്രേറ്റ് (പ്രധാനമായും നാരുകൾ), 3 ഗ്രാം പ്രോട്ടീൻ, 15 ഗ്രാം കൊഴുപ്പ് എന്നിവ അടങ്ങിയിരിക്കുന്നു.
കൂടാതെ വൈറ്റമിൻ കെ, വൈറ്റമിൻ ഇ, വൈറ്റമിൻ സി, ബി-വൈറ്റമിനുകൾ തുടങ്ങിയ വൈറ്റമിനുകളുടെ അടങ്ങിയിട്ടുണ്ട്. രക്തസമ്മർദ്ദം നിയന്ത്രിക്കാൻ സഹായിക്കുന്ന പൊട്ടാസ്യം പോലുള്ള ധാതുക്കളും അവോക്കാഡോകയിൽ ധാരാളമായി കാണപ്പെടുന്നു.
സമ്പൂർണ്ണ പ്രോട്ടീന്റെ മികച്ച ഉറവിടമാണ് മുട്ട. അവയിൽ ഒമ്പത് അവശ്യ അമിനോ ആസിഡുകളും അടങ്ങിയിരിക്കുന്നു. ഒരു വലിയ മുട്ടയിൽ ഏകദേശം 70 കലോറിയും, 6 ഗ്രാം പ്രോട്ടീനും, 5 ഗ്രാം കൊഴുപ്പും (ആരോഗ്യകരമായ അപൂരിത കൊഴുപ്പുകൾ ഉൾപ്പെടെ) അടങ്ങിയിട്ടുണ്ട്.
കൂടാതെ ഇവയിൽ കാർബോഹൈഡ്രേറ്റുകളൊന്നുമില്ല. മുട്ടയിൽ വൈറ്റമിൻ ബി 12, വൈറ്റമിൻ ഡി, കോളിൻ, സെലിനിയം തുടങ്ങിയ പോഷകങ്ങൾ അടങ്ങിയിട്ടുണ്ട്. കണ്ണിന്റെ ആരോഗ്യത്തിന് ഗുണം ചെയ്യുന്ന ല്യൂട്ടിൻ, സിയാക്സാന്തിൻ എന്നിവയും അവയിൽ അടങ്ങിയിട്ടുണ്ട്.
