Bengaluru Airport Train: ബെംഗളൂരു വിമാനത്താവളത്തില് ചെന്ന് ട്രെയിന് ഇറങ്ങാം; പുതിയ സര്വീസ്
Bengaluru Kempegowda Airport Suburban Rail: ആകെ നാല് സ്റ്റേഷനുകളാണ് ഈ റെയിലിന് ഉണ്ടായിരിക്കുക. ബികെ ഹള്ളി, കെഐഎഡിബി എയ്റോസ്പേസ് പാര്ക്ക്, വിമാനത്താവള സിറ്റി, വിമാനത്താവള ടെര്മിനല് എന്നിവിടങ്ങളിലാണിത്.
ബെംഗളൂരു വിമാനത്താവളത്തിലേക്ക് പോകുന്ന യാത്രക്ക് ആശ്വാസവുമായി പുതിയ ട്രെയിന് സര്വീസ് പ്രഖ്യാപിച്ചിരിക്കുകയാണ് ഇന്ത്യന് റെയില്വേ. മജസ്റ്റിക് ബെംഗളൂരു മുതല് കെമ്പഗൗഡ അന്താരാഷ്ട്ര വിമാനത്താവളം വരെ നീളുന്ന സബര്ബന് റെയില് പദ്ധതിക്കാണ് സൗത്ത് വെസ്റ്റേണ് റെയില്വേയുടെ അനുമതി ലഭിച്ചത്. (Image Credits: PTI and Social Media)
പുതിയ റെയില്പാത കെഎസ്ആര് ബെംഗളൂരു മുതല് ദേവനഹള്ളി വരെ നീളുന്നതാണ്. വിമാനത്താവളത്തിന്റെ ടെര്മിനല് ഒന്നിനും രണ്ടിനും ഇടയില് ഇത് അവസാനിക്കും. ആദ്യത്തെ 5.5 കിലോമീറ്റര് ഉയര്ന്നപാതയും ബാക്കിയുള്ള 3.5 കിലോമീറ്റര് ഭൂഗര്ഭപാതയുമായിരിക്കും.
ആകെ നാല് സ്റ്റേഷനുകളാണ് ഈ റെയിലിന് ഉണ്ടായിരിക്കുക. ബികെ ഹള്ളി, കെഐഎഡിബി എയ്റോസ്പേസ് പാര്ക്ക്, വിമാനത്താവള സിറ്റി, വിമാനത്താവള ടെര്മിനല് എന്നിവിടങ്ങളിലാണിത്. ആകെ 4,100 കോടി രൂപയാണ് നിര്മാണ ചെലവ് പ്രതീക്ഷിക്കുന്നത്. 2023 മാര്ച്ചോടെ നിര്മാണം പൂര്ത്തിയാക്കും.
ഇന്ത്യന് റെയില്വേ, സംസ്ഥാന സര്ക്കാര്, കേന്ദ്ര സര്ക്കാര്, അന്താരാഷ്ട്ര ധനകാര്യ സ്ഥാപനങ്ങള് എന്നിവയുടെ സഹായത്തോടെയാണ് പദ്ധതി നടപ്പാക്കുന്നത്. ബെംഗളൂരു ഇന്റര്നാഷണല് എയര്പോര്ട്ട് ലിമിറ്റഡ് ഇതിന് ധനസഹായം നല്കില്ല.
വിമാനത്താവളത്തിലേക്കുള്ള റോഡിലെ ഗതാഗതകുരുക്ക് കുറയ്ക്കുകയാണ് റെയില്പാത വഴി ലക്ഷ്യമിടുന്നത്. അതേസമയം, ബെംഗളൂരു മെട്രോ വഴിയും വിമാനത്താവളത്തിലേക്കുള്ള കണക്ടിവിറ്റി മെച്ചപ്പെടുത്തിക്കൊണ്ടിരിക്കുകയാണ്.
