AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest newsKeralaCricketIndiaEntertainmentBusinessEducationSportsWeb StoriesPhoto GalleryLifestyleWorldTechnologyOpinion

UAE Holiday: യു.എ.ഇ ദേശീയ ദിനാഘോഷം, സ്വകാര്യ മേഖലയിലും അവധി പ്രഖ്യാപിച്ചു, ഒഴിവു ദിനങ്ങൾ ഇതൊക്കെ

ദേശീയ ദിനാഘോഷമായ ഈദ് അൽ ഇത്തിഹാദിന്റെ ഭാഗമായി യുഎഇയിൽ സ്വകാര്യ മേഖലയ്ക്കും അവധി പ്രഖ്യാപിച്ചു. 55 - മത് ദേശീയ ദിനാഘോഷത്തിന്റെ ഭാഗമായി രണ്ടു ദിവസത്തെ അവധിയാണ് സ്വകാര്യ മേഖലയിലെ ജീവനക്കാർക്ക് അനുവദിച്ചിരിക്കുന്നത്. ഡിസംബർ രണ്ട്, മൂന്ന് ( ബുധൻ വ്യാഴം ) തീയതികളിലാണ് സ്വകാര്യ മേഖലയിലെ അവധി പ്രഖ്യാപിച്ചിരിക്കുന്നത്. നേരത്തെ സർക്കാർ മേഖലയിലെ ജീവനക്കാർക്കുള്ള അവധി യുഎഇ ഭരണകൂടം പ്രഖ്യാപിച്ചിരുന്നു.

UAE Holiday: യു.എ.ഇ ദേശീയ ദിനാഘോഷം, സ്വകാര്യ മേഖലയിലും അവധി പ്രഖ്യാപിച്ചു, ഒഴിവു ദിനങ്ങൾ ഇതൊക്കെ
Uae Holiday UpdateImage Credit source: imageBROKER/Bruno Coelho/Getty Images
Amal KV
Amal KV | Published: 17 Nov 2026 | 10:37 PM

ദുബായ്: ദേശീയ ദിനാഘോഷമായ ഈദ് അൽ ഇത്തിഹാദിന്റെ ഭാഗമായി യുഎഇയിൽ സ്വകാര്യ മേഖലയ്ക്കും അവധി പ്രഖ്യാപിച്ചു. 55 – മത് ദേശീയ ദിനാഘോഷത്തിന്റെ ഭാഗമായി രണ്ടു ദിവസത്തെ അവധിയാണ് സ്വകാര്യ മേഖലയിലെ ജീവനക്കാർക്ക് അനുവദിച്ചിരിക്കുന്നത്. ഡിസംബർ രണ്ട്, മൂന്ന് ( ബുധൻ വ്യാഴം ) തീയതികളിലാണ് സ്വകാര്യ മേഖലയിലെ അവധി പ്രഖ്യാപിച്ചിരിക്കുന്നത്. നേരത്തെ സർക്കാർ മേഖലയിലെ ജീവനക്കാർക്കുള്ള അവധി യുഎഇ ഭരണകൂടം പ്രഖ്യാപിച്ചിരുന്നു. അതിന് പിന്നാലെയാണ് ഇപ്പോൾ സ്വകാര്യ മേഖലയിലെ അവധി ദിനങ്ങൾ സംബന്ധിച്ച അറിയിപ്പ് വന്നിരിക്കുന്നത്.

സർക്കാർ ജീവനക്കാർക്ക് 5 ദിവസത്തെ അവധിയാണ് ലഭിക്കുക. ദേശീയ ദിനാഘോഷത്തിന്റെ ഭാ​ഗമായി ഫെഡറൽ സർക്കാർ ജീവനക്കാർക്ക് മൂന്നുദിവസത്തെ അവധിയാണ് പ്രഖ്യാപിച്ചിരുന്നത്. ഈ ദിവസങ്ങൾക്കൊപ്പം വാരാന്ത്യ അവധി കൂടി ചേരുന്നതോടെ ജീവനക്കാർക്ക് തുടർച്ചയായി അഞ്ചുദിവസത്തെ അവധി ദിനങ്ങൾ ആണ് കിട്ടുക.ഡിസംബർ രണ്ടാം തീയതി മുതൽ നാലാം തീയതി വരെ ആയിരിക്കും ഫെഡറൽ സർക്കാർ സ്ഥാപനങ്ങൾക്കുള്ള ഔദ്യോഗിക അവധി.

Also Read: പ്രവാസികൾ ശ്രദ്ധിക്കുക: അബുദാബി മുസഫയിലെ ഈ മേഖലകളിൽ ഇനി സൗജന്യ പാർക്കിംഗ് ഇല്ല!

ഇതിനെ തുടർന്നു വരുന്ന ഡിസംബർ 5, 6 തീയതികൾ വാരാന്ത്യ അവധി ദിനങ്ങളാണ്. അതുകൊണ്ട് ഡിസംബർ 7 തിങ്കളാഴ്ച ദിവസം തിരികെ ജോലിയിൽ പ്രവേശിച്ചാൽ മതിയാകും. 1971- ൽ ആറ് എമിറേറ്റുകൾ ഒത്തുചേർന്ന് യുഎഇ രൂപീകൃതമായതിന്റെയും, തുടർന്ന് 1972- ൽ റാസൽഖൈമ ഫെഡറേഷനിൽ ചേർന്നതിന്റെയും വാർഷിക ദിനത്തോടനുബന്ധിച്ചാണ് സർക്കാർ ജീവനക്കാർക്കും സ്വകാര്യ ജീവനക്കാർക്കും ഇപ്പോൾ അവധി നൽകിയിരിക്കുന്നത്.

രാജ്യത്തിന്റെ ഒത്തൊരുമയും ദേശീയതയും ഇതുവരെ കൈവരിച്ച നേട്ടങ്ങളും ഓർമ്മപ്പെടുത്തുന്ന വിപുലമായ ആഘോഷങ്ങളോടെയാണ് യു എ ഇ ഈദ് അൽ ഇത്തിഹാദ് ദേശീയ ദിനം വിപുലമായ രീതിയിൽ ആഘോഷിക്കുന്നത്. യു എ ഇയിൽ ജോലി ചെയ്യുന്ന ആയിരക്കണക്കിന് പ്രവാസികളെ സംബന്ധിച്ചിടത്തോളം ഇത്തരം അവധികൾ ലഭിക്കുന്നത് ഏറെ ഉപകാരപ്രദായ കാര്യമാണ്. കുടുംബത്തോടൊപ്പം സമയം ചെലവഭിക്കാനും യാത്രകൾ പോകേണ്ടവർക്ക് അതിനും വിശ്രമം ആവശ്യമുള്ളവർക്ക് അക്കാര്യത്തിനും ദേശീയ ദിനത്തോടനുബന്ധിച്ചുള്ള അവധി ദിനങ്ങൾ പ്രയോ​ജനപ്പെടുത്താം, സർക്കാർ മേഖലയിൽ പ്രർത്തിക്കുന്നവർക്ക് പ്രത്യേകിച്ചും.

English Summary

A holiday has been announced for the private sector in observance of Eid Al Etihad (National Day). Employees in the private sector have been granted a two-day holiday as part of the 55th National Day celebrations. The holiday for the private sector is scheduled for December 2nd  and 3rd ( Wednesday and Thursday).

Follow Us