August New Rules: യുപിഐ ഇടപാടുകളിലും ക്രെഡിറ്റ് കാർഡുകളിലും പുതിയ നിയമങ്ങൾ; ഇന്ന് മുതലുള്ള മാറ്റങ്ങൾ ഇങ്ങനെ….
August 2025 new rules: യുപിഐ പണമിടപാടുകൾ മുതൽ എസ്ബിഐ ക്രെഡിറ്റ് കാർഡുകൾ വരെ, ഈ മാസം മുതൽ പ്രാബല്യത്തിൽ വരുന്ന മാറ്റങ്ങൾ നിരവധിയാണ്. അവ ഏതെല്ലാമെന്ന് നോക്കിയാലോ...
ഗൂഗിൾ പേ, പേടിഎം, ഫോൺപേ തുടങ്ങിയ യുപിഐ ആപ്പുകളുടെ പ്രവർത്തനരീതികളുമായി ബന്ധപ്പെട്ട് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (NPCI) നടപ്പാക്കുന്ന പുതിയ മാറ്റങ്ങൾ ഇന്ന് മുതല് പ്രാബല്യത്തിൽ വരും. (Image Credit: Getty Image)
ഇന്ന് മുതൽ ഉപയോക്താക്കൾക്ക് ഓരോ ആപ്പിലും ഒരു ദിവസം പരമാവധി 50 തവണ മാത്രമേ ബാലൻസ് പരിശോധിക്കാൻ കഴിയൂ. കൂടാതെ ഒരു ദിവസം 25 തവണ മാത്രമേ അവരുടെ മൊബൈൽ നമ്പറിൽ ബാങ്ക് അക്കൗണ്ടുകളുടെ ലിസ്റ്റ് കാണാൻ കഴിയൂ. (Image Credit: Getty Image)
ഓട്ടോപേ വഴി ബില്ലുകൾ, സബ്സ്ക്രിപ്ഷനുകൾ മുതലായവ അടയ്ക്കുകയാണെങ്കിൽ, രാവിലെ 10 മണിക്ക് മുമ്പ്, ഉച്ചയ്ക്ക് 1 മണിക്കും വൈകുന്നേരം 5 മണിക്കും ഇടയിൽ, രാത്രി 9:30 ന് ശേഷം എന്നിങ്ങനെയുള്ള ചില ഓഫ്-പീക്ക് സമയങ്ങളിൽ മാത്രമേ നടക്കൂ. ഇടപാടിന്റെ പേയ്മെന്റ് സ്റ്റാറ്റസ് മൂന്ന് തവണ മാത്രമേ ഉപയോക്താക്കള്ക്ക് പരിശോധിക്കാന് കഴിയൂ. കുറഞ്ഞത് 90 സെക്കന്ഡ് ഇടവേളയിലെ സ്റ്റാറ്റസ് കാണാന് സാധിക്കൂ. (Image Credit: Getty Image)
2025 ഓഗസ്റ്റ് 15 മുതൽ, സ്വകാര്യ വാഹന ഉടമകൾക്ക് റോഡ് ഗതാഗത & ഹൈവേ മന്ത്രാലയം അവതരിപ്പിച്ച പുതിയ ഫാസ്ടാഗ് വാർഷിക പാസ് തിരഞ്ഞെടുക്കാൻ കഴിയും. 3,000 രൂപയ്ക്ക് 200 ടോൾ ഇടപാടുകൾ വരെ അനുവദിക്കുന്ന അല്ലെങ്കിൽ ഒരു വർഷത്തേക്ക് സാധുതയുള്ള ഈ പാസാണിത്. (Image Credit: PTI)
2025 ഓഗസ്റ്റ് 11 മുതൽ, എസ്ബിഐ കാർഡ് അതിന്റെ നിരവധി കോ-ബ്രാൻഡഡ് ക്രെഡിറ്റ് കാർഡുകളിലെ കോംപ്ലിമെന്ററി എയർ ആക്സിഡന്റ് ഇൻഷുറൻസ് ആനുകൂല്യം നിർത്തലാക്കും. ഈ നീക്കം എലൈറ്റ്, പ്രൈം പോലുള്ള പ്രീമിയം വേരിയന്റുകളുടെ ഉടമകളെയും തിരഞ്ഞെടുത്ത പ്ലാറ്റിനം കാർഡുകളെയും ബാധിക്കും. (Image Credit: Getty Image)
