8000mAh ബാറ്ററിയും മീഡിയടെക് പ്രോസസറും; ബജറ്റ് 5G ഫോൺ കിങ് ആകാൻ ഐക്യൂ Z12 ലൈറ്റ് 5G
iQOO Z12 Lite 5G with 8000mAh battery: ഐക്യൂ ഉടൻ തന്നെ ഐക്യൂ Z11 ലൈറ്റ് 5G-യുടെ പിൻഗാമിയായി ഐക്യു Z12 ലൈറ്റ് 5G പുറത്തിറക്കും എന്ന് പ്രതീക്ഷിക്കുന്നു. ദൈനംദിന ഉപയോഗത്തിന് അനുയോജ്യമായ പ്രകടനവും മികച്ച ബാറ്ററി ലൈഫും നൽകുന്ന ഒരു മിഡ്-റേഞ്ച് സ്മാർട്ട്‌ഫോണായിരിക്കും ഇത്. നിലവിലുള്ള മോഡലിലെ മീഡിയടെക് ഡിമെൻസിറ്റി 6300 പ്രോസസറിന് പകരമായി, Z12 Lite-ൽ ഡിമെൻസിറ്റി 7400 ടർബോ പ്രോസസർ ഉൾപ്പെടുത്തിയേക്കാം
ഇന്ത്യയിലെ യുവതലമുറയുടെ പ്രിയപ്പെട്ട സ്മാർട്ട്ഫോൺ ബ്രാൻഡായ ഐക്യൂ തങ്ങളുടെ Z സീരീസിലെ ഏറ്റവും പുതിയ ബജറ്റ് 5ജി ഫോൺ ഓപ്ഷനായി ഐക്യൂ Z12 ലൈറ്റ് 5ജി അ‌വതരിപ്പിക്കാൻ തയാറെടുക്കുന്നതായി റിപ്പോർട്ട്. ഐക്യൂ Z11 ലൈറ്റ് 5ജിയുടെ പിൻഗാമിയായാണ് പുതിയ Z12 ലൈറ്റ് 5ജി എത്തുക. (Representative images, iQOO Z11 Lite 5G)
മെച്ചപ്പെട്ട പ്രോസസറും വലിയ ബാറ്ററിയും ഉൾപ്പെടെ മുൻമോഡലിനെക്കാൾ മികച്ച ഫീച്ചറുകളോടെയാണ് പുതിയ ഐക്യൂ Z12 ലൈറ്റ് 5ജി എത്തുക. താരതമ്യേന 'ബജറ്റ്' വിലയിൽ ദൈനംദിന ഉപയോഗത്തിന് അനുയോജ്യമായ പെർഫോമൻസും മികച്ച ബാറ്ററി ലൈഫും നൽകുന്ന ഒരു മിഡ്-റേഞ്ച് സ്മാർട്ട്‌ഫോണായിരിക്കും ഇത് എന്നാണ് ലഭ്യമായിരിക്കുന്ന സൂചന.
I2603 എന്ന മോഡൽ നമ്പറിൽ ഐക്യൂ തയാറാക്കുന്ന സ്മാർട്ട്ഫോൺ പല രാജ്യങ്ങളിലും ഐക്യൂ Z12 SE 5G എന്ന പേരിൽ എത്തുമെന്ന് എന്ന് പാഷനേറ്റ്ഗീക്സ് റിപ്പോർട്ട് ചെയ്യുന്നു. എന്നാൽ ഇന്ത്യയിൽ മുൻ മോഡലുകളുടെ തുടർച്ചയായി ഐക്യൂ Z12 ലൈറ്റ് 5ജി (iQOO Z12 Lite 5G) എന്ന പേരിലാകും ഇത് അ‌വതരിപ്പിക്കപ്പെടുക.
പുതിയ മീഡിയടെക് ഡിമെൻസിറ്റി 7400 ടർബോ പ്രോസസറാകും ഐക്യൂ Z12 ലൈറ്റ് 5ജിക്ക് കരുത്ത് പകരുക. മുൻ മോഡലിൽ മീഡിയടെക് ഡിമെൻസിറ്റി 6300 പ്രോസസറാണ് ഉണ്ടായിരുന്നത്. 256GB വരെ സ്റ്റോറേജ് പുതിയ z12 ലൈറ്റ് വാഗ്ദാനം ചെയ്തേക്കാം. 8,000mAh ബാറ്ററിയും, അതിനൊപ്പം 33W ഫാസ്റ്റ് ചാർജിംഗ് പിന്തുണയും ഈ ഫോണിലുണ്ടാകും എന്ന് പുതിയ റിപ്പോർട്ടുകൾ വെളിപ്പെടുത്തുന്നു.
ഈ ഐക്യൂ ഫോണിന്റെ മറ്റ് ഫീച്ചറുകളെക്കുറിച്ച് നിലവിൽ കാര്യമായ അ‌റിവുകളില്ല. എങ്കിലും നിലവിലെ ട്രെൻഡുകൾ പരിശോധിച്ചാൽ, മുൻ മോഡലിലേതുപോലെ Z12 ലൈറ്റ് 5ജിയിലും ഒരു LCD പാനലും 50MP പ്രൈമറി റിയർ ക്യാമറയും പ്രതീക്ഷിക്കുന്നു. മുൻപ് ബജറ്റ് വിലയിലാണ് അ‌വതരിപ്പിക്കപ്പെട്ടിരുന്നത് എങ്കിലും പുതിയ ലൈറ്റ് മോഡലിന് വില 25000 രൂപയോട് അ‌ടുത്താകാൻ സാധ്യതയുണ്ട്.
ഇതുവരെ വന്ന ലീക്ക് റിപ്പോർട്ടുകളിൽ ഈ ഫോണിനെ സംബന്ധിച്ച് നിരാശപ്പെടുത്തുന്ന ഒന്ന് ആൻഡ്രോയിഡ് 16 അ‌ടിസ്ഥാനമാക്കിയുള്ള ഒഎസിലാകും ഈ ഐക്യൂ ഫോൺ എത്തുക എന്നതാണ്. Z12 ലൈറ്റ് 5ജി മോഡലിന്റെ ഫീച്ചറുകളും ലോഞ്ച് തിയതി ഉൾപ്പെടെയുള്ള കൂടുതൽ ഡീറ്റെയിൽസും വരുംദിവസങ്ങളിൽ അ‌റിയാം.
