Kitchen Tips: എണ്ണയില്ലാതെ ക്രിസ്പി ചിക്കൻ! എയർ ഫ്രയറിൽ പെർഫെക്റ്റ് ചിക്കൻ തയ്യാറാക്കാം; ശ്രദ്ധിക്കേണ്ടത്
Air Fry Chicken Properly: എണ്ണയില്ലാതെ വറുക്കാം എന്നതാണ് എയർ ഫ്രയറിൻ്റെ ഏറ്റവും വലിയ ഗുണം. ചിക്കൻ പാചകം ചെയ്യുമ്പോൾ അത് കരിഞ്ഞുപോകാതെയും ഉണങ്ങിപ്പോകാതെയും ജൂസിയായി കിട്ടാൻ ചില കാര്യങ്ങൾ ശ്രദ്ധിക്കേണ്ടതുണ്ട്. റസ്റ്റോറൻ്റ് സ്റ്റൈലിൽ സ്വാദുള്ള ചിക്കൻ ഫ്രൈ വീട്ടിൽ തയ്യാറാക്കാൻ ശ്രദ്ധിക്കേണ്ട കാര്യങ്ങൾ എന്തെല്ലാമെന്ന് നോക്കാം.
എണ്ണമയമില്ലാത്ത വിഭവങ്ങൾ ഇഷ്ടപ്പെടുന്നവർക്കും ആരോഗ്യകാര്യത്തിൽ ശ്രദ്ധിക്കുന്നവർക്കും എയർ ഫ്രയർ വലിയൊരു അനുഗ്രഹമാണ്. എന്നാൽ ചിക്കൻ പാചകം ചെയ്യുമ്പോൾ അത് കരിഞ്ഞുപോകാതെയും ഉണങ്ങിപ്പോകാതെയും (Dry ആവാതെ) ജൂസിയായി കിട്ടാൻ ചില കാര്യങ്ങൾ ശ്രദ്ധിക്കേണ്ടതുണ്ട്. റസ്റ്റോറന്റ് സ്റ്റൈലിൽ സ്വാദുള്ള ചിക്കൻ ഫ്രൈ വീട്ടിൽ തയ്യാറാക്കാൻ ശ്രദ്ധിക്കേണ്ട കാര്യങ്ങൾ എന്തെല്ലാമെന്ന് നോക്കാം. (Image Credits: Getty Images)
എണ്ണയില്ലാതെ വറുക്കാം എന്നതാണ് എയർ ഫ്രയറിന്റെ ഏറ്റവും വലിയ ഗുണം. എങ്കിലും, മസാല പുരട്ടുമ്പോൾ ഒരു ടീസ്പൂൺ ഒലിവ് ഓയിലോ വെളിച്ചെണ്ണയോ അതിൽ ചേർക്കുന്നത് ചിക്കൻ ഉള്ളിൽ നിന്ന് വരണ്ടുപ്പോകാതിരിക്കാൻ സഹായിക്കും. ഇത് ചിക്കന് നല്ലൊരു തിളക്കവും മൊരിവും നൽകുന്നതാണ്.
എയർ ഫ്രയറിൻ്റെ ബാസ്കറ്റിൽ ചിക്കൻ കഷ്ണങ്ങൾ ഒന്നിന് മുകളിൽ ഒന്നായി അടുക്കി വെക്കരുത്. ചൂടുവായു എല്ലാ ഭാഗത്തേക്കും ഒരേപോലെ എത്തണമെങ്കിൽ കഷ്ണങ്ങൾക്കിടയിൽ ചെറിയ വിടവ് ഉണ്ടായിരിക്കണം. കൂടുതൽ ചിക്കൻ ഉണ്ടെങ്കിൽ പല തവണകളായി പാചകം ചെയ്യുന്നതാണ് ഏറ്റവും ഉചിതം.
പാചകം തുടങ്ങി ഏകദേശം പകുതി സമയം കഴിയുമ്പോൾ (ഉദാഹരണത്തിന് 20 മിനിറ്റാണ് സമയമെങ്കിൽ 10-ാം മിനിറ്റിൽ) ബാസ്കറ്റ് പുറത്തെടുത്ത് ചിക്കൻ മറിച്ചിടാൻ ശ്രദ്ധിക്കണം. ഇത് എല്ലാ വശങ്ങളും ഒരുപോലെ വേവാനും ക്രിസ്പി ആകാനും സഹായിക്കും. കൂടാതെ മസാല പുരട്ടുന്നതിന് മുൻപ് ചിക്കനിൽ ചെറിയ വരകൾ ഇട്ടു കൊടുക്കുന്നത് മസാല ഉള്ളിലേക്ക് പിടിക്കാനും ചിക്കൻ വേഗത്തിൽ വെന്തു കിട്ടാനും സഹായിക്കും.
എല്ലോട് കൂടിയ ചിക്കൻ കഷ്ണങ്ങൾക്ക് സാധാരണയായി 180°C മുതൽ 200°C വരെ താപനിലയാണ് വേണ്ടത്. അതായത് ഏകദേശം 18-22 മിനിറ്റിനുള്ളിൽ ചിക്കൻ പാകമാകും. പാചകം കഴിഞ്ഞാലുടൻ ചിക്കൻ പുറത്തെടുക്കാതെ രണ്ട് മിനിറ്റ് സെറ്റിലാവാൻ അനുവദിച്ചാൽ അത് കൂടുതൽ സ്വാദിഷ്ടമാകും.
