T20 England: ദക്ഷിണാഫ്രിക്കയെ പഞ്ഞിക്കിട്ടു, ടി20യില് 300 കടന്ന് ഇംഗ്ലണ്ട്; തകര്ന്നത് സഞ്ജുവിന്റെ കരുത്തില് ഇന്ത്യ നേടിയ റെക്കോഡ്
T20 England vs South Africa: അന്താരാഷ്ട്ര ടി20യിലെ മൂന്നാമത്തെ ഉയര്ന്ന സ്കോറാണ് ഇംഗ്ലണ്ട് നേടിയത്. 2024ല് നെയ്റോബിയില് ഗാംബിയക്കെതിരെ സിംബാബ്വെ നേടിയ 344 റണ്സാണ് ഒന്നാമത്. 2023ല് ഹാങ്ഷൗവില് മംഗോളിയക്കെതിരെ നേപ്പാള് നേടിയ 314 റണ്സിന്റെ റെക്കോഡ് രണ്ടാമതുണ്ട്
മാഞ്ചസ്റ്ററിലെ ഓള്ഡ് ട്രാഫോര്ഡ് ക്രിക്കറ്റ് സ്റ്റേഡിയത്തില് കഴിഞ്ഞ ദിവസം നടന്ന ഇംഗ്ലണ്ട്-ദക്ഷിണാഫ്രിക്ക ടി20 ചരിത്ര താളുകളിലേക്കാണ് ചെന്നെത്തിയത്. ദക്ഷിണാഫ്രിക്കയ്ക്കെതിരെ 20 ഓവറില് രണ്ട് വിക്കറ്റ് നഷ്ടത്തില് 204 റണ്സാണ് ഇംഗ്ലണ്ട് അടിച്ചുകൂട്ടിയത്. ഇതാദ്യമായാണ് ടെസ്റ്റ് കളിക്കുന്ന ഒരു രാജ്യം ( full member nation) അന്താരാഷ്ട്ര ടി20യില് 300 കടക്കുന്നത്. കഴിഞ്ഞ വര്ഷം ഒക്ടോബറില് സഞ്ജു സാംസണിന്റെ ബാറ്റിങ് കരുത്തില് ബംഗ്ലാദേശിനെതിരെ ഇന്ത്യ നേടിയ 297 റണ്സായിരുന്നു ഇതുവരെയുള്ള റെക്കോഡ് (Image Credits: Getty)
അന്ന് സഞ്ജു 47 പന്തില് 111 റണ്സെടുത്തിരുന്നു. സൂര്യകുമാര് യാദവ്-35 പന്തില് 75, ഹാര്ദ്ദിക് പാണ്ഡ്യ-18 പന്തില് 47, റിയാന് പരാഗ്-13 പന്തില് 34 എന്നിവരും ആ മത്സരത്തില് തിളങ്ങിയിരുന്നു. ബംഗ്ലാദേശിനെ ഇന്ത്യ 133 റണ്സിന് തോല്പിക്കുകയും ചെയ്തു. ഇന്നലെ നടന്ന മത്സരത്തില് 146 റണ്സിനാണ് ഇംഗ്ലണ്ട് ജയിച്ചത് (Image Credits: Getty)
പ്രോട്ടീസ് 16.1 ഓവറില് 158 റണ്സിന് പുറത്തായി. പുറത്താകാതെ 60 പന്തില് 141 റണ്സെടുത്ത ഫില് സാള്ട്ടാണ് ഇംഗ്ലണ്ടിന്റെ ടോപ് സ്കോറര്. ജോസ് ബട്ട്ലര്-30 പന്തില് 83, ജേക്കബ് ബെഥല്-14 പന്തില് 26, ഹാരി ബ്രൂക്ക്-പുറത്താകാതെ 21 പന്തില് 41 എന്നിങ്ങനെയാണ് മറ്റ് ബാറ്റര്മാരുടെ പ്രകടനം (Image Credits: Getty)
അന്താരാഷ്ട്ര ടി20യിലെ മൂന്നാമത്തെ ഉയര്ന്ന സ്കോറാണ് ഇംഗ്ലണ്ട് നേടിയത്. 2024ല് നെയ്റോബിയില് ഗാംബിയക്കെതിരെ സിംബാബ്വെ നേടിയ 344 റണ്സാണ് ഒന്നാമത്. 2023ല് ഹാങ്ഷൗവില് മംഗോളിയക്കെതിരെ നേപ്പാള് നേടിയ 314 റണ്സിന്റെ റെക്കോഡ് രണ്ടാമതുണ്ട് (Image Credits: Getty)
ടി20യില് ഒരു ഇംഗ്ലണ്ട് ബാറ്റര് നേടുന്ന ഏറ്റവും ഉയര്ന്ന വ്യക്തിഗത സ്കോറാണ് സാള്ട്ട് നേടിയത്. തന്റെ തന്നെ പഴയ റെക്കോഡാണ് (119) താരം പൊളിച്ചെഴുതിയത് (Image Credits: Getty)
