POCO X7 Pro : 50 എംപിയുടെ ട്രിപ്പിൾ ക്യാമറ; വില 22000 രൂപ: ഷവോമിയുടെ ഹൈപ്പർ ഒഎസ് 2 പോകോയിലേക്ക്
Poco X7 Pro With Xiaomi Hyper OS 2.0 : ഷവോമിയുടെ ആൻഡ്രോയ്ഡ് സ്കിൻ വേർഷൻ ഹൈപ്പർ ഒഎസ് 2 ഇന്ത്യയിൽ ആദ്യമായി അവതരിപ്പിക്കുക പോകോ എക്സ്7 പ്രോ. അടുത്ത മാസം തന്നെ ഈ മോഡൽ ഇന്ത്യയിൽ പുറത്തിറങ്ങുമെന്നാണ് വിവരം.
ഷവോമിയുടെ ഏറ്റവും പുതിയ ആൻഡ്രോയ്ഡ് സ്കിൻ വേർഷൻ ഹൈപ്പർ ഒഎസ് 2 പോകോയിലേക്ക്. കഴിഞ്ഞ മാസം ചൈനയിലാണ് ഹൈപ്പർ ഒഎസ് അവതരിപ്പിച്ചത്. ഇന്ത്യയിൽ ഈ സ്കിൻ വേർഷൻ ആദ്യമായി വരിക പോകോയുടെ എക്സ്7 പ്രോയിലാവുമെന്നാണ് റിപ്പോർട്ടുകൾ. (Image Courtesy - Poco X)
പുതിയ പോകോ എക്സ് സീരീസ് അടുത്ത മാസം ഇന്ത്യയിൽ പുറത്തിറങ്ങുമെന്നാണ് വിവരം. പോകോ എക്സ് 7 സീരീസിലെ പോക്സോ എക്സ് 7 പ്രോയിലാവും ഹൈപ്പർ ഒഎസ് 2 പരീക്ഷിക്കുക. റെഡ്മി നോട്ട് 14 പ്രോ+ൻ്റെ റീബ്രാൻഡഡ് പതിപ്പാണ് പോകോ എക്സ്7 പ്രോ. (Image Courtesy - Poco X)
ചൈനയിൽ ഷവോമി 15ലാണ് ആദ്യമായി ഹൈപ്പർ ഒഎസ് 2 അവതരിപ്പിച്ചത്. ഇന്ത്യയിൽ ഈ മോഡൽ അടുത്ത വർഷമേ പുറത്തിറങ്ങൂ. അതുകൊണ്ട് തന്നെ അടുത്ത മാസം പുറത്തിറങ്ങുന്ന പോകോ എക്സ്7 പ്രോ ആവും ഹൈപ്പർ ഒഎസ് 2 ഉപയോഗിച്ച് ഇന്ത്യയിൽ ഇറങ്ങുന്ന ആദ്യ ഫോൺ. (Image Courtesy - Poco X)
ഇന്ത്യൻ കറൻസിയിൽ ഏകദേശം 22,000 രൂപ മുതലാണ് റെഡ്മി നോട്ട് 14+ മോഡലുകളുടെ വില ആരംഭിക്കുന്നത്. 6.67 ഇഞ്ച് 1.5കെ ഡിസ്പ്ലേയാണ് ഫോണിലുണ്ടാവുക. സ്ന്പാഡ്രാഗൺ 7എസ് ജെൻ 3 ചിപ്സെറ്റിൽ പ്രവർത്തിക്കുന്ന ഫോണിൽ 16 ജിബി വരെ റാമും 512 ജിബി വരെ ഇൻ്റേണൽ മെമ്മറിയുമുണ്ട്. (Image Courtesy - Poco X)
ട്രിപ്പിൾ റിയർ ക്യാമറ യൂണിറ്റാണ് ഫോണിലുള്ളത്. 50 മെഗാപിക്സൽ ലൈറ്റ് ഹണ്ടർ 900 സെൻസർ, എ മെഗാപിക്സൽ അൾട്ര വൈഡ് ആംഗിൾ സെൻസർ, 50 മെഗാപിക്സൽ പോർട്രൈറ്റ് ടെലിഫോട്ടോ ക്യാമറ എന്നിവയാണ് റിയറിൽ ഉള്ളത്. 20 മെഗാപിക്സൽ ക്യാമറ മുന്നിലുണ്ട്. 6200 എംഎഎച്ച് ബാറ്ററിയും 90 വാട്ടിൻ്റെ ഫാസ്റ്റ് ചാർജിംഗും ഫോണിലുണ്ട്. (Image Courtesy - Poco X)
