Using smartphone in Toilet: ടോയ്ലറ്റിൽ മൊബൈൽ ഉപയോഗിക്കുന്നവരാണോ നിങ്ങൾ ? എങ്കിൽ അപകടത്തിലാണ്
Mobile Phone Using In Toilet: ടോയ്ലറ്റിൽ പോകുമ്പോഴും മൊബൈൽ ഒപ്പം കൂട്ടുന്നതാണ് പുതിയ പ്രവണത. എന്നാൽ അപകടം വിളിച്ചുവരുത്തുന്ന ശീലമാണ് ഇതെന്ന് വിദഗ്ധർ ചൂണ്ടിക്കാട്ടുന്നു.
ടോയ്ലറ്റിൽ ഇരുന്ന ഫോൺ ഉപയോഗിക്കുന്നവരാണ് ഭൂരിഭാഗം പേരും.. എന്നാൽ ശ്രദ്ധിക്കണം. ഈ രീതി അത്രനല്ലതല്ല. നോർഡ് വിപിഎൻ നടത്തിയ പഠനത്തിൽ 61.6 ശതമാനംപേര് സോഷ്യൽ മീഡിയ ഉപയോഗിക്കാനും 33.9 ശതമാനംപേര് വാര്ത്തകള് വായിക്കാനും ടോയ്ലറ്റിലിരിക്കെ മൊബൈല്ഫോണ് ഉപയോഗിക്കുന്നതായാണ് കണ്ടെത്തിയിരിക്കുന്നത്. (Image Credits: Antonio Hugo Photo)
ടോയ്ലറ്റ് സീറ്റുകളെക്കാൾ 10 ശതമാനം അണുകൾ ഇത്തരത്തിൽ മൊബെെൽ ഫോണിലൂടെ ശരീരത്തിൽ പ്രവേശിക്കുമെന്നാണ് വിദഗ്ധർ പറയുന്നത്. അണുകൾ ഉള്ള പ്രതലങ്ങളിൽ സ്പർശിച്ച് മൊബെെൽ ഫോൺ ഉപയോഗിക്കുന്നതാണ് ഇവ ശരീരത്തിൽ അടിഞ്ഞുകൂടാൻ കാരണം. (Image Credits: Arisara_Tongdonnoi)
ടോയ്ലറ്റിൽ കൂടുതൽ നേരം മൊബെെൽ ഫോൺ ഉപയോഗിക്കുന്നത് വഴി പോസ്ച്ചർ ശരിയല്ലാതാകും. കഴുത്തിനും നടുവിനുമൊക്കെ സ്ഥിരമായ വേദന അനുഭവപ്പെടും. ഫോൺ നോക്കാൻ വളഞ്ഞിരിക്കുന്നത് നട്ടെല്ലിനും അതിനു ചുറ്റുമുള്ള പേശികൾക്കും പ്രശ്നമുണ്ടാക്കുന്നു. (Image Credits: Christoph Hetzmannseder)
ടോയ്ലറ്റിൽ കൂടുതൽ നേരം മൊബെെൽ ഫോണുമായി ഇരിക്കുന്നവർക്ക് അർശസിനുള്ള സാധ്യതയും കൂടുതലാണ്. മൊബെെൽ ഫോണുമായി ദീർഘസമയം ചെലവഴിക്കുന്നത് മലദ്വാരത്തിലെ നാഡികളിൽ സമ്മർദ്ദമുണ്ടാകുകയും ഇത് അർശസിന് കാരണമാകുകയും ചെയ്യുന്നു. (Image Credits: seksan Mongkhonkhamsao)
മൊബെെൽ ഫോണുമായി ദീർഘസമയം ടോയ്ലറ്റിൽ ഇരിക്കുന്നവരുടെ രക്തചക്രമണവും തകരാറിലാകും. ഇത് രക്തം കട്ടപിടിക്കുന്ന ആരോഗ്യപ്രശ്നങ്ങൾക്ക് കാരണമാകുന്നു. ഹൃദയാരോഗ്യം തകരാറിലാകാനും സാധ്യതയുണ്ട്. (Image Credits: StefaNikolic)
ബാക്ടീരിയ, വെെറസ് തുടങ്ങിയ വിവിധയിനം അണുകളുടെ കൂടാരമാണ് ടോയ്ലറ്റുകൾ. മൊബെെൽ ഫോണുമായി ടോയ്ലറ്റിൽ ഇരിക്കുന്നത് സൂക്ഷ്മാണുകൾ ഫോണിലേക്ക് എത്താൻ കാരണമാകും. ഇതിലൂടെ അണുകൾ ശരീരത്തിൽ പ്രവേശിക്കുകയും ടോയ്ലറ്റിന് പുറത്തുള്ള മറ്റ് പ്രതലങ്ങളിലേക്ക് പടരുന്നതിനും കാരണമാകുന്നു. (Image Credits: krisanapong detraphiphat)
മൊബെെൽ ഫോണിൽ നിന്നുള്ള നീലവെളിച്ചം കണ്ണിന് കൂടുതൽ സമ്മർദ്ദം നൽകും. വെളിച്ചം അധികം കടക്കാത്ത ബാത്ത്റൂമിലും ടോയ്ലറ്റിലും ഫോൺ ഉപയോഗിക്കുന്നത് കണ്ണിന്റെ സമ്മർദ്ദം കൂടാനും കാരണമാകുന്നു. രാത്രികാലങ്ങളിൽ ടോയ്ലറ്റിൽ മൊബെെൽ ഫോൺ ഉപയോഗിക്കുന്നത് ഉറക്കത്തെയും തകരാറിലാക്കും. (Image Credits: Studio4)
