India- Australia Test: ഇന്ത്യൻ ടീമിൽ വീണ്ടും പരിക്ക്; പകരക്കാരൻ ആർസിബി താരം
Border Gavaskar Trophy Indian Team Update: ബോർഡർ ഗവാസ്കർ ട്രോഫിയിലെ ആദ്യ മത്സരം ഈ മാസം 22 മുതൽ ഓസ്ട്രേലിയയിലെ പെർത്തിലാണ് നടക്കുന്നത്. ലോക ടെസ്റ്റ് ചാമ്പ്യൻഷിപ്പിന്റെ ഭാഗമായ ഈ പരമ്പരയായിരിക്കും ഫൈനലിസ്റ്റുകളെ തീരുമാനിക്കുക.
ബോർഡർ ഗാവസ്കർ ട്രോഫി ആരംഭിക്കാൻ രണ്ട് ദിവസം ബാക്കി നിൽക്കെ ഇന്ത്യൻ ടീമിൽ മാറ്റങ്ങൾ. ശുഭ്മാൻ ഗിൽ ആദ്യ ടെസ്റ്റിൽ കളിച്ചില്ലെങ്കിൽ ദേവദത്ത് പടിക്കൽ മൂന്നാം നമ്പറിലിറങ്ങും. ഇന്ത്യൻ എ ടീമിന്റെ ഭാഗമായ താരം നിലവിൽ ഓസ്ട്രേലിയയിൽ ഇന്ത്വൻ ടീമിനൊപ്പമാണ്. (Image Credits: BCCI)
റിസർവ് താരമായിരുന്ന ഖലീൽ അഹമ്മദിന് പരിശീലനത്തിനിടെ പരിക്കേറ്റതോടെ യാഷ് ദയാലിനെ പകരക്കാരനായി ഇന്ത്യൻ സ്ക്വാഡിൽ ഉൾപ്പെടുത്തി. (Image Credits: BCCI)
ഈ 22ന് ആരംഭിക്കുന്ന ബോർഡർ ഗാവസ്കർ ട്രോഫിയിൽ ഓസ്ട്രേലിയയ്ക്കെതിരെ അഞ്ച് ടെസ്റ്റുകൾ അടങ്ങിയ പരമ്പരയാണ് ഇന്ത്യ കളിക്കുന്നത്. 1992ന് ശേഷം ഇതാദ്യമായാണ് പരമ്പരയിൽ 5 ടെസ്റ്റുകൾ ഉൾപ്പെടുത്തുന്നത്. (Image Credits: BCCI)
2018 മുതൽ ഇത് വരെയുള്ള എല്ലാ ബി.ജി.ടി ടൂർണമെന്റുകളിലും ഇന്ത്യയാണ് വിജയികൾ. ഓസ്ട്രേലിയൻ മണ്ണിലായിരുന്നു രണ്ട് തവണയും നേട്ടം. ഇത്തവണയും ഓസീസ് മണ്ണിൽ പരമ്പര നേട്ടമാണ് ഇന്ത്യ ലക്ഷ്യമിടുന്നത്. (Image Credits: BCCI)
2025 ലോക ടെസ്റ്റ് ചാമ്പ്യൻഷിപ്പ് ഫൈനലിന് യോഗ്യത നേടണമെങ്കിൽ ഓസ്ട്രേലയിയ്ക്കെതിരായ പരമ്പര ഇന്ത്യ 4-0 തിന് വിജയിക്കണം. എങ്കിൽ മാത്രമേ മറ്റ് ടീമുകളെ ആശ്രയിക്കാതെ ഇന്ത്യക്ക് ഫെെനലിലെത്താൻ സാധിക്കൂ. (Image Credits: BCCI)
