Vaibhav Sooryavanshi: ക്രീസിൽ തീപ്പൊരി, പുറത്ത് ശാന്തൻ; വൈഭവ് സൂര്യവംശിയെ വാനോളം പുകഴ്ത്തി ശ്രേയസ് അയ്യർ
Shreyas Iyer Hails Vaibhav Sooryavanshi Says His Time Will Come: വൈഭവിനെക്കുറിച്ച് സംസാരിക്കുമ്പോള്‍ അദ്ദേഹത്തിന്റെ സ്വഭാവത്തിലെ വൈരുധ്യമാണ് അയ്യര്‍ പ്രധാനമായും ചൂണ്ടിക്കാട്ടിയത്. സാധാരണയായി വളരെ ശാന്തനും സൗമ്യനുമായ വൈഭവ് ബാറ്റുമായി ക്രീസിലെത്തുമ്പോള്‍ അതീവ ആക്രമണകാരിയാകുന്നു. ഇതാണ് തനിക്ക് ഏറെ കൗതുകകരമായി തോന്നുന്നതെന്നും അയ്യര്‍ പറഞ്ഞു.
വെസ്റ്റ് ഇന്‍ഡീസിനെതിരായ അഞ്ച് മത്സരങ്ങളുടെ ടി20 പരമ്പരയ്ക്ക് മുന്നോടിയായി യുവതാരം വൈഭവ് സൂര്യവംശിയെ വാനോളം പുകഴ്ത്തി ഇന്ത്യന്‍ ടി20 ക്യാപ്റ്റന്‍ ശ്രേയസ് അയ്യര്‍. ക്രിക്കറ്റ് മൈതാനത്ത് അതീവ ആക്രമണകാരിയായ വൈഭവ്, മൈതാനത്തിന് പുറത്ത് വളരെ ശാന്തനായ വ്യക്തിയാണെന്നാണ് അയ്യര്‍ പറഞ്ഞത്. ഇരുവരും തമ്മിലുള്ള ബന്ധം ക്രിക്കറ്റിന് പുറത്തേക്കും വളര്‍ന്നിട്ടുണ്ടെന്നും ഇന്ത്യന്‍ നായകന്‍ വ്യക്തമാക്കി.
മൈതാനത്ത് വ്യത്യസ്തനായ വൈഭവ്
വൈഭവിനെക്കുറിച്ച് സംസാരിക്കുമ്പോള്‍ അദ്ദേഹത്തിന്റെ സ്വഭാവത്തിലെ വൈരുധ്യമാണ് അയ്യര്‍ പ്രധാനമായും ചൂണ്ടിക്കാട്ടിയത്. സാധാരണയായി വളരെ ശാന്തനും സൗമ്യനുമായ വൈഭവ് ബാറ്റുമായി ക്രീസിലെത്തുമ്പോള്‍ അതീവ ആക്രമണകാരിയാകുന്നു. ഇതാണ് തനിക്ക് ഏറെ കൗതുകകരമായി തോന്നുന്നതെന്നും അയ്യര്‍ പറഞ്ഞു.
ടീമിലെ എല്ലാവരും വൈഭവിന്റെ ക്രിക്കറ്റ് കഴിവുകളെക്കുറിച്ച് സംസാരിക്കാറുണ്ട്. അതുകൊണ്ടുതന്നെ ക്രിക്കറ്റിന് പുറത്തുള്ള കാര്യങ്ങളെക്കുറിച്ചാണ് താന്‍ യുവതാരവുമായി കൂടുതല്‍ സംസാരിക്കുന്നതെന്നും അയ്യര്‍ വ്യക്തമാക്കി. കുടുംബം, ജീവിതശൈലി, ക്രിക്കറ്റിന് പുറത്ത് അവനെ ആവേശപ്പെടുത്തുന്ന കാര്യങ്ങള്‍ തുടങ്ങിയവയെക്കുറിച്ച് സംസാരിക്കുമ്പോഴാണ് വൈഭവിന്റെ മറ്റൊരു വശം കാണാനാകുന്നതെന്നും അദ്ദേഹം പറഞ്ഞു.
Also Read: IND vs PAK: പാകിസ്ഥാനൊന്നും ഒരു വെല്ലുവിളിയേയല്ല! പരിഹസിച്ച് ബിസിസിഐ
ഡ്രസിങ് റൂമിലെ പ്രിയപ്പെട്ട താരം
വൈഭവ് വളരെ സൗഹൃദപരവും സ്‌നേഹപൂര്‍വം ഇടപെടുന്ന വ്യക്തിയുമാണെന്നാണ് അയ്യറുടെ വിലയിരുത്തല്‍. ഡ്രസിങ് റൂമില്‍ അദ്ദേഹത്തിന്റെ സാന്നിധ്യം ടീമിന് സന്തോഷം നല്‍കുന്നതായും ക്യാപ്റ്റന്‍ പറഞ്ഞു. വൈഭവിന്റെ കഴിവില്‍ തനിക്ക് യാതൊരു സംശയവുമില്ലെന്നും ശരിയായ അവസരം ലഭിക്കുന്നതോടെ താരം ഇന്ത്യന്‍ ക്രിക്കറ്റില്‍ വലിയ സ്വാധീനം ചെലുത്തുമെന്നും അയ്യര്‍ വ്യക്തമാക്കി.
അവസരത്തിനായി കാത്തിരിക്കണം
നിലവില്‍ ഇന്ത്യയുടെ ടി20 ടീമില്‍ വൈഭവിന് സ്ഥിരമായി അവസരം ലഭിക്കുന്നില്ല. സഞ്ജു സാംസണും അഭിഷേക് ശര്‍മ്മയും അടങ്ങുന്ന ലോകകപ്പ് ജേതാക്കളായ ഓപ്പണിങ് കൂട്ടുകെട്ടാണ് ടീമിന്റെ മുന്‍ഗണന. അവര്‍ക്ക് ലഭിക്കുന്ന അവസരങ്ങളെ ബഹുമാനിക്കണമെന്നും അയ്യര്‍ പറഞ്ഞു. എന്നാല്‍ വൈഭവ് ഇപ്പോഴും 15 അംഗ ടീമിന്റെ ഭാഗമാണ്. അതിനാല്‍ അദ്ദേഹത്തിന് അവസരം വൈകാതെ എത്തുമെന്നും അന്ന് യുവതാരം തന്റെ കഴിവ് പൂര്‍ണമായി പുറത്തെടുക്കുമെന്നും ക്യാപ്റ്റന്‍ വ്യക്തമാക്കി.
English Summary
Shreyas Iyer has praised young Indian batter Vaibhav Sooryavanshi, highlighting his aggressive approach and calm personality. Iyer believes the talented youngster has a bright future and could make a major impact in Indian cricket.
