Cristiano Ronaldo: വിട്ടുവീഴ്ചയ്ക്കില്ലെന്ന നിലപാടില്‍ പരിശീലകന്‍; റൊണാള്‍ഡോയുടെ തിരിച്ചുവരവ് പ്രതിസന്ധിയില്‍
Cristiano Ronaldo vs Jorge Jesus : പ്രതിസന്ധി രൂക്ഷമാകുമ്പോഴും തര്‍ക്കങ്ങള്‍ പരിഹരിക്കാനുള്ള ശ്രമങ്ങളും തുടരുകയാണെന്നാണ് റിപ്പോര്‍ട്ട്. അഭിപ്രായവ്യത്യാസങ്ങൾ പരിഹരിക്കുന്നതിനും കാര്യങ്ങൾ തീർപ്പാക്കുന്നതിനും വേണ്ടി റൊണാൾഡോയും ജെസൂസും തമ്മിൽ ഒരു കൂടിക്കാഴ്ച സംഘടിപ്പിക്കാൻ പോർച്ചുഗീസ് ഫുട്ബോൾ ഫെഡറേഷൻ പ്രസിഡന്റ് പെഡ്രോ പ്രോയെൻക ശ്രമിക്കുന്നുണ്ട്.
Jorge Jesus and Cristiano Ronaldo
പോര്‍ച്ചുഗല്‍ ദേശീയ ടീമിലേക്കുള്ള ക്രിസ്റ്റ്യാനോ റൊണാൾഡോയുടെ തിരിച്ചുവരവ് വീണ്ടും പ്രതിസന്ധിയില്‍. മുഖ്യപരിശീലകന്‍ ഹോര്‍ഗെ ജെസൂസും റൊണാള്‍ഡോയും തമ്മിലുള്ള ഭിന്നത വീണ്ടും സങ്കീര്‍ണമായതായാണ്‌ റിപ്പോര്‍ട്ട്. റൊണാള്‍ഡോ തിരിച്ചെത്തണമെന്ന് പരിശീലകന്‍ ആഗ്രഹിക്കുന്നുണ്ടെങ്കിലും, തന്റെ നിബന്ധനകളില്‍ വിട്ടുവീഴ്ച ചെയ്യാന്‍ അദ്ദേഹം തയ്യാറല്ലെന്നാണ് റിപ്പോര്‍ട്ട്. റൊണാൾഡോ തിരിച്ചുവരണമെന്ന് പരിശീലകൻ ആഗ്രഹിക്കുന്നുണ്ടെങ്കിലും തന്റെ വ്യവസ്ഥകളില്‍ അദ്ദേഹം വിട്ടുവീഴ്ചയ്ക്ക് തയ്യാറാകില്ലെന്ന് ബന്ധപ്പെട്ട വൃത്തങ്ങളെ ഉദ്ധരിച്ച്‌ സൗദി പത്രമായ ‘അൽ-റിയാദിയ’ റിപ്പോര്‍ട്ട് ചെയ്തു. ഈ പ്രതിസന്ധി പരിഹരിക്കപ്പെടണമെങ്കിൽ ഇരുപക്ഷവും തമ്മിൽ ഒരു ധാരണയിലെത്തേണ്ടതുണ്ട്.
നിലവിലെ പ്രശ്‌നങ്ങള്‍ ജെസൂസിന്റെ സ്ഥാനത്തിന് ഭീഷണി ഉയര്‍ത്തിയേക്കുമെന്ന അഭ്യൂഹങ്ങള്‍ റിപ്പോര്‍ട്ടില്‍ തള്ളി. പ്രതിസന്ധിയെത്തുടർന്ന് അദ്ദേഹം സ്ഥാനമൊഴിയാൻ സാധ്യതയുണ്ടെന്ന തരത്തിൽ പ്രചരിക്കുന്ന വാർത്തകൾക്ക് നിലവിലെ സാഹചര്യവുമായി യാതൊരു ബന്ധവുമില്ലെന്നാണ് ബന്ധപ്പെട്ട വൃത്തങ്ങള്‍ വ്യക്തമാക്കുന്നത്.
Also Read: KBFC vs NEUFC: കേരള ബ്ലാസ്റ്റേഴ്‌സിന് നാണംകെട്ട തോല്‍വി; നോര്‍ത്ത് ഈസ്റ്റ് പഞ്ഞിക്കിട്ടു
തര്‍ക്കം പരിഹരിക്കാന്‍ ശ്രമം
എന്നാല്‍ പ്രതിസന്ധി രൂക്ഷമാകുമ്പോഴും തര്‍ക്കങ്ങള്‍ പരിഹരിക്കാനുള്ള ശ്രമങ്ങളും തുടരുകയാണെന്നാണ് റിപ്പോര്‍ട്ട്. അഭിപ്രായവ്യത്യാസങ്ങൾ പരിഹരിക്കുന്നതിനും കാര്യങ്ങൾ തീർപ്പാക്കുന്നതിനും വേണ്ടി റൊണാൾഡോയും ജെസൂസും തമ്മിൽ ഒരു കൂടിക്കാഴ്ച സംഘടിപ്പിക്കാൻ പോർച്ചുഗീസ് ഫുട്ബോൾ ഫെഡറേഷൻ പ്രസിഡന്റ് പെഡ്രോ പ്രോയെൻക ശ്രമിക്കുന്നുണ്ട്.
എന്നാല്‍ റൊണാള്‍ഡോയും പരിശീലകനും ഇതുവരെ ചര്‍ച്ചയ്ക്ക് സമ്മതിച്ചിട്ടില്ല. ഇതാണ് പ്രശ്‌നം കൂടുതല്‍ രൂക്ഷമാക്കുന്നത്. കഴിഞ്ഞ സെപ്തംബറിലെ പോർച്ചുഗൽ – നോർവെ മത്സരത്തിനിടെയാണ് വിവാദങ്ങള്‍ ആരംഭിച്ചത്. റൊണാൾഡോ മുഴുവൻ സമയവും സബ്സ്റ്റിറ്റ്യൂട്ട് ബെഞ്ചിൽ ഇരിക്കേണ്ടി വന്നു. തുടർന്ന് ഡെൻമാർക്കിനെതിരായ മത്സരത്തിൽ അദ്ദേഹത്തെ കളിപ്പിക്കില്ലെന്ന് ജെസൂസ്‌ പ്രഖ്യാപിച്ചതോടെ പ്രശ്‌നം കൂടുതൽ രൂക്ഷമായി.
തനിക്ക് നൽകിയ വാഗ്ദാനങ്ങൾ ജെസൂസ്‌ പാലിച്ചില്ലെന്നായിരുന്നു റൊണാള്‍ഡോയുടെ ആരോപണം. ക്യാമ്പ് വിട്ട് ഇറങ്ങിപ്പോയതിന് ആരാധകരോടും സഹതാരങ്ങളോടും മാപ്പ് പറഞ്ഞുകൊണ്ട് റൊണാൾഡോ പ്രസ്താവന ഇറക്കിയിരുന്നു.
നോർവേയ്‌ക്കെതിരായ മത്സരത്തിൽ ഏകദേശം 30 മിനിറ്റ് കളിക്കാൻ അവസരം നൽകുക എന്നതായിരുന്നു ഒന്നാമത്തെ ധാരണ. ഡെൻമാർക്ക് മത്സരത്തിന് മുന്നോടിയായുള്ള പത്രസമ്മേളനത്തിൽ തന്റെ റോൾ വ്യക്തമാക്കുക എന്നതായിരുന്നു രണ്ടാമത്തേത്. തന്റെ തീരുമാനത്തിന്റെ പ്രത്യാഘാതങ്ങൾ നേരിടാൻ താൻ തയ്യാറാണെന്ന് അദ്ദേഹം വ്യക്തമാക്കിയിരുന്നു.
മത്സരങ്ങളിൽ കളിച്ചാലും ഇല്ലെങ്കിലും, ദേശീയ ടീമിൽ റൊണാൾഡോയുടെ സാന്നിധ്യം അനിവാര്യമാണെന്ന് ജെസൂസ്‌ പ്രതികരിച്ചു. റൊണാൾഡോയുടെ തിരിച്ചുവരവ് അദ്ദേഹത്തിന്റെ സ്വന്തം താൽപ്പര്യത്തെക്കൂടി ആശ്രയിച്ചിരിക്കുമെന്നും അദ്ദേഹം വ്യക്തമാക്കി.
English Summary
A dispute between Cristiano Ronaldo and coach Jorge Jesus is delaying Ronaldo’s return to Portugal’s team. The clash escalated after Ronaldo was benched against Norway and walked out before the Denmark match. While Jesus wants Ronaldo back, he refuses to lower his strict team rules.
