Plus Two Result 2025

സംസ്ഥാന വിദ്യാഭ്യാസ വകുപ്പിൻ്റെ കീഴിലുള്ള ഹയർ സക്കൻഡറി ഡയറക്ടറേറ്റാണ് പ്ലസ് ടു ഫലം പുറപ്പെടുവിക്കുന്നത്. എസ്എസ്എൽസിക്കൊപ്പം മാർച്ച് മാസത്തിലാണ് ഹയർ സക്കൻഡറി പരീക്ഷയും വിദ്യാഭ്യാസ വകുപ്പ് സംഘടിപ്പിക്കുന്നത്. തുടർന്ന് മെയ് മാസത്തിൽ എസ്എസ്എൽസി ഫലം പ്രഖ്യാപനത്തിന് പിന്നാലെ പ്ലസ് ടു ഫലവും പ്രഖ്യാപിക്കുന്നതാണ്. പ്ലസ് ടുവിന് ശേഷമാണ് ഭൂരിഭാഗം വിദ്യാർഥകളും കോളജ് വിദ്യാഭ്യാസത്തിലേക്ക് പ്രവേശിക്കുക.

പ്ലസ് വണിലെയും (11-ാം ക്ലാസ്) പ്ലസ് ടുവിലെയും സംയുക്തമായി മാർക്ക് പരിഗണിച്ചാണ് ഹയർ സക്കൻഡറി ഫലം പുറത്ത് വിടുക. ഇരു വർഷങ്ങളിലായി മാർക്കും അതിനോടൊപ്പം ഗ്രേഡിങ് സിസ്റ്റത്തിലാണ് ഹയർ സക്കൻഡറി ഫലം പ്രഖ്യാപിക്കുക. എ പ്ലസ് മുതൽ ഇ വരെ പോയിൻ്റ് സ്കെയിൽ അടിസ്ഥാനത്തിലാണ് ഗ്രേഡിങ് സിസ്റ്റം. എ പ്ലസ് ആണ് ഏറ്റവും ഉയർന്ന ഗ്രേഡ്, എ ഗ്രേഡ്, ബി പ്ലസ്, ബി, സി പ്ലസ്, സി, ഡി പ്ലസ് , ഡി, ഇ എന്നിങ്ങിനെയാണ് ഗ്രേഡ് സിസ്റ്റം. ഏറ്റവും കുറഞ്ഞത് ഡി പ്ലസ് നേടുന്നവർ (30 ശതമാനം മാർക്ക്) ഉന്നത വിദ്യാഭ്യാസത്തിന് യോഗ്യത നേടും. ഒരു വിഷയത്തിന് 90 ശതമാനത്തിൽ മുകളിൽ മാർക്ക് നേടുന്നവർക്ക് എ പ്ലസ് ഗ്രേഡ് ലഭിക്കും, 80 ശതമാനത്തിന് മുകളിലുള്ളവർക്ക് എ ഗ്രഡ് എന്നിങ്ങനെ 30-40 ശതമാനം വരെ മാർക്ക് ലഭിക്കുന്നവർക്ക് ഡി പ്ലസ് നേടി പാസാകാൻ സാധിക്കും