2026-27 സാമ്പത്തിക വർഷത്തെിലെ ബജറ്റ് എന്നാണ് അവതരിപ്പിക്കുന്നത്?

2026 ഫെബ്രുവരി 1-ന് ബജറ്റ് പാർലമെൻ്റിൽ അവതരിപ്പിക്കും.

മൂന്നാം മോദി സർക്കാരിന്റെ എത്രാമത്തെ സമ്പൂർണ്ണ ബജറ്റാണിത്?

ഇത് മൂന്നാമത്തെ സമ്പൂർണ്ണ ബജറ്റാണ്. (ആദ്യത്തേത് 2024 ജൂലൈയിൽ അവതരിപ്പിച്ചു).

വിലക്കയറ്റം തടയാൻ ബജറ്റിൽ പ്രഖ്യാപനങ്ങൾ ഉണ്ടാകുമോ?

വിലക്കയറ്റം നിയന്ത്രിക്കുന്നതിനായി സർക്കാരും ആർബിഐയും നിരവധി പദ്ധതികൾ ആവിഷ്കരിച്ചിട്ടുണ്ട്. ബജറ്റിലും ഇതിനായുള്ള പ്രഖ്യാപനങ്ങൾ പ്രതീക്ഷിക്കുന്നു.

ആദായനികുതിയിൽ മാറ്റങ്ങൾ ഉണ്ടാകുമോ?

പുതിയ ഇൻകം ടാക്സ് ബില്ല് കൊണ്ടുവരാൻ സർക്കാർ പദ്ധതിയിടുന്നുണ്ട്. ഇത് നികുതിദായകർക്ക് വലിയ ആശ്വാസം നൽകിയേക്കാം.

കർഷകർക്കായി എന്തൊക്കെ പ്രഖ്യാപനങ്ങളാണ് പ്രതീക്ഷിക്കുന്നത്?

പിഎം കിസാൻ നിധി ഇരട്ടിയാക്കിയേക്കും എന്നതാണ് ഏറ്റവും വലിയ പ്രതീക്ഷ.

ബജറ്റിന് മുമ്പുള്ള 'ഹൽവ ചടങ്ങ് കൊണ്ട് ഉദ്ദേശിക്കുന്നത് എന്ത്?

ഏതൊരു ശുഭകാര്യത്തിന് മുമ്പും മധുരം കഴിക്കുക എന്ന ഭാരതീയ പാരമ്പര്യത്തിന്റെ ഭാഗമായാണ് ബജറ്റ് രേഖകൾ അച്ചടിക്കുന്നതിന് മുമ്പ് ഹൽവ ചടങ്ങ് നടത്തുന്നത്.

റെയിൽവേ ബജറ്റ് അവസാനമായി എന്നാണ് അവതരപ്പിച്ചത്?

സുരേഷ് പ്രഭു റെയിൽവേ മന്ത്രിയായിരുന്നപ്പോഴാണ് അവസാനമായി റെയിൽവേ ബജറ്റ് തനിയെ അവതരിപ്പിച്ചത്. അതിനുശേഷം റെയിൽവേ ബജറ്റ് പൊതുബജറ്റുമായി ലയിപ്പിച്ചു.

Kerala Budget: ലക്ഷ്യം തുടർഭരണം, ശമ്പള പരിഷ്കരണം മുതൽ ദാരിദ്ര നിർമാർജ്ജനം വരെ; ബജറ്റിൽ എന്ത്?

Kerala Budget 2026 Expectations: കടുത്ത സാമ്പത്തിക പ്രതിസന്ധിക്കിടയിലും ജനപ്രിയ പ്രഖ്യാപനങ്ങളിലൂടെ രാഷ്ട്രീയ നേട്ടം കൊയ്യാനാണ് സർക്കാർ ശ്രമിക്കുന്നത്. ക്ഷേമ പെൻഷൻ വർധന, റബറിന്റെ താങ്ങുവില വർധന, ദാരിദ്ര്യ നിർമാർജന പദ്ധതികൾ തുടങ്ങിയവയെല്ലാം ഇത്തവണ ബജറ്റിൽ ഉണ്ടാകുമെന്നാണ് സൂചന.

Kerala BudgetImage Credit source: Getty Images / Social Media

Nithya Vinu | Updated On: 27 Jan 2026 | 08:06 PM

രണ്ടാം പിണറായി സർക്കാരിന്റെ അവസാന സമ്പൂർണ്ണ ബജറ്റ് ജനുവരി 29 വ്യാഴാഴ്ച ധനമന്ത്രി കെ.എൻ. ബാലഗോപാൽ നിയമസഭയിൽ അവതരിപ്പിക്കും. വരാനിരിക്കുന്ന നിയമസഭാ തിരഞ്ഞെടുപ്പ് മുന്നിൽക്കണ്ട് വൻ പ്രഖ്യാപനങ്ങളാണ് ബജറ്റിൽ പ്രതീക്ഷിക്കുന്നത്. കടുത്ത സാമ്പത്തിക പ്രതിസന്ധിക്കിടയിലും ജനപ്രിയ പ്രഖ്യാപനങ്ങളിലൂടെ രാഷ്ട്രീയ നേട്ടം കൊയ്യാനാണ് സർക്കാർ ശ്രമിക്കുന്നത്. ക്ഷേമ പെൻഷൻ വർധന, റബറിന്റെ താങ്ങുവില വർധന, ദാരിദ്ര്യ നിർമാർജന പദ്ധതികൾ തുടങ്ങിയവയെല്ലാം ഇത്തവണ ബജറ്റിൽ ഉണ്ടാകുമെന്നാണ് സൂചന.

ബജറ്റിലെ പ്രധാന പ്രതീക്ഷകൾ

ക്ഷേമ പെൻഷൻ വർധന: നിലവിലെ ക്ഷേമ പെൻഷൻ 2,500 രൂപയായി ഉയർത്താൻ സാധ്യതയുണ്ട്. തിരഞ്ഞെടുപ്പ് ലക്ഷ്യമിട്ടുള്ള ഏറ്റവും പ്രധാനപ്പെട്ട പ്രഖ്യാപനമായി ഇത് മാറിയേക്കാം.

റബർ താങ്ങുവില: റബറിന്റെ താങ്ങുവില 250 രൂപയായി വർധിപ്പിക്കുന്നത് സംബന്ധിച്ച പ്രഖ്യാപനം ബജറ്റിലുണ്ടാകുമെന്ന് സൂചനയുണ്ട്. ഇത് മധ്യതിരുവിതാംകൂറിലെ കർഷക വോട്ടുകളെ സ്വാധീനിക്കാൻ സഹായിക്കും.

ശമ്പള പരിഷ്കരണം: പുതിയ ശമ്പള കമ്മീഷനെ നിയമിക്കുന്നതിന് പകരം പ്രത്യേക കമ്മിറ്റിയെ നിയമിച്ച് 10 മുതൽ 15 ശതമാനം വരെ ശമ്പള വർധനവ് നടപ്പിലാക്കിയേക്കാം. വിരമിച്ചവർക്കായി അഷ്വേഡ് പെൻ പദ്ധതിയും ബജറ്റിലുണ്ടാകും.

സപ്ലൈകോ സബ്‌സിഡി: വിലക്കയറ്റം നിയന്ത്രിക്കുന്നതിനായി സപ്ലൈകോ വഴിയുള്ള സബ്‌സിഡി സാധനങ്ങളുടെ ലഭ്യത ഉറപ്പാക്കാൻ കൂടുതൽ തുക വകയിരുത്തും.

സിൽവർ എക്കോണമി: വയോജനങ്ങളുടെ ക്ഷേമം മുൻനിർത്തിയുള്ള പ്രത്യേക പദ്ധതികളും ‘ലൈഫ് മിഷൻ’ പദ്ധതിയുടെ അടുത്ത ഘട്ടത്തിനായുള്ള വിഹിതവും ബജറ്റിൽ ഇടംപിടിക്കും.

സാമ്പത്തിക പ്രതിസന്ധിയും വെല്ലുവിളികളും

കേന്ദ്ര സർക്കാരുമായുള്ള ധനവിനിമയ തർക്കങ്ങൾ, കടമെടുപ്പ് പരിധിയിലെ നിയന്ത്രണം എന്നിവ കാരണം സംസ്ഥാനം കടുത്ത സാമ്പത്തിക ഞെരുക്കത്തിലാണ്. എങ്കിലും ഉയരുന്ന സംസ്ഥാന വരുമാനവും ജി.എസ്.ടി വരുമാനത്തിലെ സ്ഥിരതയും സർക്കാരിന് ആശ്വാസം നൽകുന്നുണ്ട്. നഗര വികസനവും ഗതാഗത സംവിധാനങ്ങളും കോർത്തിണക്കിയുള്ള പുതിയ നഗര ഗതാഗത സംവിധാനവും ബജറ്റിൽ പ്രഖ്യാപിച്ചേക്കാം.