Digital Gold: ജ്വല്ലറിയിൽ പോകേണ്ട, സ്വർണം ​ഗൂ​ഗിൾ പേ വഴിയും വാങ്ങാം

ഇന്ത്യയിൽ സ്വർ‌ണത്തിന് വളരെയധിരം പ്രാധാന്യമുണ്ട്. നിക്ഷേപമെന്ന നിലയിലും ആഭരണങ്ങളായിട്ടും സ്വർണം ഇന്ത്യൻ കുടുംബങ്ങളിൽ തിളങ്ങുകയാണ്. എന്നാൽ ഓൺലൈനായി സ്വർണം വാങ്ങാൻ കഴിയുമെന്ന് നിങ്ങൾക്കറിയാമോ? ജ്വല്ലറികളിൽ പോകാതെ നിങ്ങളുടെ ഫോൺ ഉപയോ​ഗിച്ച് ഈ ഡിജിറ്റൽ സ്വർണം വാങ്ങാവുന്നതാണ്.

ഇന്ത്യയിൽ ഡിജിറ്റൽ ഗോൾഡ് വാങ്ങാൻ സഹായിക്കുന്ന മികച്ച ആപ്പുകൾ
ഏതെല്ലാമെന്ന് നോക്കാം…

ജൂപ്പിറ്റർ മണി

2021-ൽ ആരംഭിച്ച ജൂപ്പിറ്റർ മണി, എം.എം.ടി.സി.-പി.എ.എം.പി (MMTC-PAMP) യുമായി സഹകരിച്ചാണ് ഡിജിറ്റൽ ഗോൾഡ് നിക്ഷേപം നൽകുന്നത്. 10 രൂപയിൽ തുടങ്ങി ചെറിയ അളവിലുള്ള സ്വർണ്ണത്തിൽ നിക്ഷേപം നടത്താൻ ഇവ സൗകര്യമുണ്ട്. സൗജന്യ ഡിജിറ്റൽ ഗോൾഡ് സ്റ്റോറേജ്, റിയൽ ടൈം പ്രൈസ് ട്രാക്കിംഗ്, 24/7 സ്വർണ്ണം വിൽക്കാനുള്ള ഓപ്ഷൻ, സീറോ മേക്കിംഗ് ചാർജുകൾ എന്നിവയാണ് പ്രത്യേകതകൾ.

ഗൂഗിൾ പേ

എം.എം.ടി.സി.-പി.എ.എം.പി.യുമായി സഹകരിച്ച് 2019-ലാണ് ഗൂഗിൾ പേ ഡിജിറ്റൽ ഗോൾഡ് സേവനം അവതരിപ്പിച്ചത്. ഇതിലൂടെ നിലവിലുള്ള പേയ്‌മെൻ്റ് ആപ്ലിക്കേഷനിൽ നിന്ന് നേരിട്ട് എളുപ്പത്തിൽ സ്വർണ്ണം വാങ്ങാനും വിൽക്കാനും സാധിക്കും. 1 രൂപ മുതൽ നിക്ഷേപം ആരംഭിക്കാവുന്നതാണ്. റിയൽ ടൈം പ്രൈസ് ട്രാക്കിംഗ്, 24/7 വാങ്ങാനും വിൽക്കാനും സൗകര്യം, സീറോ സ്റ്റോറേജ് ഫീ എന്നിവയാണ് പ്രത്യേകതൾ.

ALSO READ: 40 വയസിന് ശേഷവും 1 കോടിയുണ്ടാക്കാം; 18X15X10 ഫോര്‍മുല മുറുകെ പിടിച്ചോളൂ

പേടിഎം

2017 മുതൽ ഇന്ത്യക്കാർക്കിടയിൽ ഡിജിറ്റൽ ഗോൾഡ് നിക്ഷേപത്തിനായി പേടിഎം മുൻനിരയിൽ ഉണ്ട്. പുതിയ നിക്ഷേപകർക്ക് പോലും എളുപ്പത്തിൽ തുടങ്ങാൻ കഴിയുന്ന പ്ലാറ്റ്‌ഫോമാണിത്. 1 രൂപ മുതൽ നിക്ഷേപം ആരംഭിക്കാം. ലൈവ് മാർക്കറ്റ് നിരക്കുകളിലേക്ക് മുഴുവൻ സമയവും പ്രവേശനം, 5 വർഷം വരെ ഇൻഷുർ ചെയ്ത സുരക്ഷിത വോൾട്ട് സ്റ്റോറേജ് തുടങ്ങിയവയാണ് പ്രത്യേകതകൾ.

ഫോൺപേ

ഇന്ത്യയിലെ പ്രധാന ഡിജിറ്റൽ പേയ്‌മെൻ്റ് പ്ലാറ്റ്‌ഫോമായ ഫോൺപേ 2016 മുതൽ ഡിജിറ്റൽ ഗോൾഡ് സൗകര്യം നൽകുന്നു. സേഫ്‌ഗോൾഡ് , എം.എം.ടി.സി.-പി.എ.എം.പി. എന്നീ രണ്ട് പ്രമുഖ സ്ഥാപനങ്ങളുമായി സഹകരിച്ചാണ് പ്രവർത്തനം. ‘സേവിങ്സ്’ എന്ന ഭാഗത്ത് ‘ബയ് ഡിജിറ്റൽ ഗോൾഡ്’ തിരഞ്ഞെടുക്കാം. 1 രൂപ മുതൽ നിക്ഷേപം ആരംഭിക്കാം. മേക്കിംഗ് ചാർജുകൾ ഇല്ല.