Kerala Gold Rate: ചെറിയൊരാശ്വാസം; സ്വർണവിലയിൽ നേരിയ കുറവ്, ഇന്നത്തെ നിരക്ക് ഇങ്ങനെ..
Kerala Gold Rate Today: ഇനിയുള്ള ദിവസങ്ങളിൽ എങ്ങനെയായിരിക്കുമെന്ന ആശങ്കയിലാണ് സാധാരണക്കാർ. ഇറാന്-ഇസ്രയേല് സംഘര്ഷം രൂക്ഷമാകുന്നത് വെല്ലുവിളി ഉയർത്തുകയാണ്. തുടര്ച്ചയായ ആക്രമണങ്ങൾ സ്വര്ണം പോലുള്ള സുരക്ഷിത നിക്ഷേപങ്ങള്ക്കുള്ള ആവശ്യം വര്ധിപ്പിക്കുന്നു.
സംസ്ഥാനത്തെ സ്വർണവിലയിൽ നേരിയ കുറവ്. ഇന്ന് പവന് 120 രൂപയുടെ കുറവാണ് ഉണ്ടായിരിക്കുന്നത്. ഇതോടെ ഒരു പവൻ സ്വർണത്തിന്റെ വില 74,440 രൂപ നിരക്കിലെത്തി. ഒരു ഗ്രാം സ്വർണത്തിന് 9305 രൂപയാണ് ഇന്ന് നൽകേണ്ടത്.
കഴിഞ്ഞ രണ്ട് ദിവസങ്ങളിലും 74,560 രൂപയായിരുന്നു സ്വർണത്തിന്റെ വിപണിവില. ജൂൺ 13നാണ് സംസ്ഥാനത്ത് ആദ്യമായി സ്വർണ വില74000 കടന്നത്. ഇനിയുള്ള ദിവസങ്ങളിൽ എങ്ങനെയായിരിക്കുമെന്ന ആശങ്കയിലാണ് സാധാരണക്കാർ. വിവാഹം ഉൾപ്പെടെയുള്ള വിശേഷാവശ്യങ്ങൾക്ക് സ്വർണാഭരണം വാങ്ങാൻ ശ്രമിക്കുന്നവരെ ഈ വിലക്കുതിപ്പ് നിരാശരാക്കുകയാണ്.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ടണ് കണക്കിന് സ്വര്ണമാണ് ഓരോ വര്ഷവും ഇറക്കുമതി ചെയ്യുന്നത്. അതുകൊണ്ട് തന്നെ ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും. നിലവിൽ മധേഷ്യയിലെ സംഘര്ഷം സ്വർണവില വർധവിനെ ഏറെ സ്വാധീനിക്കുന്നുണ്ട്.
ഇറാന്-ഇസ്രയേല് സംഘര്ഷം രൂക്ഷമാകുന്നത് വെല്ലുവിളി ഉയർത്തുകയാണ്. തുടര്ച്ചയായ ആക്രമണങ്ങൾ സ്വര്ണം പോലുള്ള സുരക്ഷിത നിക്ഷേപങ്ങള്ക്കുള്ള ആവശ്യം വര്ധിപ്പിക്കുകയാണ്. ഇറാൻ – ഇസ്രായേൽ സംഘർഷത്തിന്റെയും ക്രൂഡ് ഓയിലിന്റെ വിലക്കുതിപ്പിന്റെയും പശ്ചാത്തലത്തിൽ രൂപയുടെ മൂല്യം ഡോളറിനെതിരെ രണ്ടുമാസത്തെ താഴ്ചയായ 86.09ലേക്ക് വീണിരുന്നു. കൂടാതെ അമേരിക്കന് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറയ്ക്കാന് ശ്രമിച്ചാല് അതും വില വർധനവിലേക്ക് നയിക്കും.
