Kerala Lottery Results: 70 ലക്ഷം ആര് സ്വന്തമാക്കും? അക്ഷയ AK 674 ഭാഗ്യക്കുറി നറുക്കെടുപ്പ് ഇന്ന്
Kerala Lottery Akshaya AK 674 Result: അക്ഷയ ഭാഗ്യക്കുറിയുടെ ഒന്നാം സമ്മാനം 70 ലക്ഷം രൂപയും രണ്ടാം സമ്മാനം അഞ്ച് ലക്ഷം രൂപയുമാണ്.
കേരള സംസ്ഥാന ഭാഗ്യക്കുറി. (Image Courtesy : Social Media)
കേരള സംസ്ഥാന ഭാഗ്യക്കുറി വകുപ്പിന്റെ അക്ഷയ AK-674 (Akshaya AK 674 Lottery) ലോട്ടറി നറുക്കെടുപ്പ് ഇന്ന്. വെെകിട്ട് മൂന്ന് മണിക്ക് തിരുവനന്തപുരം ഗോർക്കി ഭവനിൽ വെച്ചാണ് നറുക്കെടുപ്പ്. നറുക്കെടുപ്പ് ഫലത്തിന്റെ തത്സമയ വിവരങ്ങൾ ഭാഗ്യക്കുറി വകുപ്പിന്റെ ഔദ്യോഗിക വെബ്സെെറ്റിലൂടെ അറിയാം. എല്ലാ ഞായറാഴ്ചകളിലും നറുക്കെടുക്കുന്ന അക്ഷയ ഭാഗ്യക്കുറിയുടെ വില 40 രൂപയാണ്.
അക്ഷയ ഭാഗ്യക്കുറിയുടെ ഒന്നാം സമ്മാനം 70 ലക്ഷം രൂപയാണ്. രണ്ടാം സമ്മാനം അഞ്ച് ലക്ഷം രൂപയും മൂന്നാം സമ്മാനം ഒരു ലക്ഷം രൂപയും വീതമാണ്. ഒന്നാം സമ്മാനം ലഭിച്ച ടിക്കറ്റിന്റെ അതേ നമ്പറുള്ള 11 പേർക്ക് പ്രോത്സാഹന സമ്മാനമായി 8000 രൂപ ലഭിക്കും. കേരള ഭാഗ്യക്കുറി വകുപ്പിൻ്റെ ഔദ്യോഗിക വെബ്സൈറ്റായ www.keralalottery.info എന്നിവയിലൂടെ വൈകീട്ട് മൂന്ന് മണി മുതൽ ഫലമറിയാം.
5000 രൂപയിൽ താഴെയാണ് ലഭിക്കുന്ന സമ്മാന തുക എങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും പണം സ്വന്തമാക്കാം. എന്നാൽ, 5000 രൂപയിൽ കൂടുതലാണ് സമ്മാന തുകയെങ്കിൽ ടിക്കറ്റും മറ്റ് തിരിച്ചറിയൽ രേഖകളും ഭാഗ്യക്കുറി വകുപ്പിൻ്റെ ഓഫീസിലോ ബാങ്കിലോ സമർപ്പിച്ച് വേണം സമ്മാനത്തുക കൈപ്പറ്റാൻ. സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തി 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കണം.
ALSO READ: ജിയോഹോട്ട്സ്റ്റാർ ഡൊമെയ്ൻ ഇപ്പോൾ കുട്ടി സംരംഭകർക്ക്; ജിയോ ഇനി എന്ത് ചെയ്യും?
ഒരു ലക്ഷത്തിൽ കൂടുതൽ സമ്മാനത്തുകയുള്ള ടിക്കറ്റുകൾ കേരള ലോട്ടറി ഡയറക്ടറേറ്റിൽ നിന്ന് മാത്രമേ മാറ്റിയെടുക്കാൻ സാധിക്കുകയുള്ളൂ. നറുക്കെടുപ്പ് നടന്ന് 30 ദിവസത്തിനകം ബന്ധപ്പെട്ട രേഖകൾ സഹിതം ഒറിജിനൽ ടിക്കറ്റ് മേൽപറഞ്ഞ ഓഫീസുകളിൽ ഹാജരാക്കണം. 30 ദിവസത്തിനുള്ളിൽ ടിക്കറ്റ് ഹാജരാക്കാൻ സാധിച്ചില്ലെങ്കിൽ കാലതാമസത്തിനുള്ള കാരണം വ്യക്തമാക്കുന്ന വിശദീകരണം സമർപ്പിക്കേണ്ടി വരും.
അക്ഷയ ഭാഗ്യക്കുറിയുടെ സമ്മാനഘടന ഇങ്ങനെ
- ഒന്നാം സമ്മാനം: 70 ലക്ഷം രൂപ
- സമാശ്വാസ സമ്മാനം: 8,000 രൂപ
- രണ്ടാം സമ്മാനം: 5 ലക്ഷം രൂപ
- മൂന്നാം സമ്മാനം: 1 ലക്ഷം രൂപ
- നാലാം സമ്മാനം: 5,000 രൂപ
- അഞ്ചാം സമ്മാനം: 2,000 രൂപ
- ആറാം സമ്മാനം: 1000 രൂപ
- ഏഴാം സമ്മാനം: 500 രൂപ
- എട്ടാം സമ്മാനം: 100 രൂപ
അക്ഷയ ലോട്ടറിക്ക് പുറമെ ഫിഫ്റ്റി-ഫിഫ്റ്റി, കാരുണ്യ, വിൻ വിൻ, സ്ത്രീശക്തി, നിർമൽ, കാരുണ്യ പ്ലസ്, എന്നിങ്ങിനെ ഒരു ആഴ്ചയിലെ ഓരോ ദിവസങ്ങളിലായി നറുക്കെടുപ്പ് നടക്കാറുണ്ട്. ഇവയ്ക്കൊപ്പം ഓണം, ക്രിസ്മസ്-ന്യൂ ഇയർ, വിഷു, സമ്മർ, മൺസൂൺ എന്നിങ്ങനെ ബംപർ ലോട്ടറികളും സംസ്ഥാന ഭാഗ്യക്കുറി വകുപ്പ് പുറത്തിറിക്കുന്നുണ്ട്.
